ИСАҚОВ Абдусаид Жалиловичнинг

докторлик диссертация ҳимояси ҳақида эълон

    I. Умумий маълумотлар.

Диссертация мавзуси, ихтисослик шифри: «Агросаноат комплексини қайта ташкил этиш шароитида энергетик сервис», 05.05.07- Қишлоқ хўжалигида электр технологиялар ва электр ускуналар (техника фанлари).

Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот: /техника фанлари номзоди/.

Диссертация мавзуси рўйхатга олинган рақам: 30.09.2014/В2014.5Т334.

Илмий маслаҳатчининг Ф.И.Ш., илмий даражаси ва унвони: Муратов Хаким Махмудович, техника фанлари доктори, профессор.

Диссертация бажарилган муассаса номи: Тошкент ирригация ва мелиорация институти.

ИК фаолият кўрсатаётган муассасалар номи, ИК рақами: Тошкент давлат техника университети ва Ўзбекистон Республикаси ФА Энергетика ва автоматика институти, 16.07.2013.Т.02.01.

Расмий оппонентлар:   А.Мухаммадиев, техника фанлари доктори, профессор; Т.С.Камалов, техника фанлари доктори, профессор; А.Юсубалиев, техника фанлари доктори.

Етакчи ташкилот: Тошкент давлат аграр университети.

Диссертация йўналиши: назарий ва амалий аҳамиятга молик.

   II. Тадқиқотнинг мақсади:  агросаноат комплекси тармоқларида энергетик сервисни ташкил этишнинг илмий-услубий асосларини ишлаб чиқиш ва электр ускуналарнинг ишга яроқлилиги ва эксплуатация ишончлилигини ошириш.

    III. Тадқиқотнинг илмий янгилиги:

электр ускуналарнинг ишлаш имкониятлари ва эксплуатация ишончлилигини оширишнинг ҳамда агросаноат комплексида энергетик сервисни ташкил этишнинг илмий-услубий асослари ишлаб чиқилган;

агросаноат комплексининг энергетик сервисини ташкил этишнинг илмий-услубий асослари такомиллаштирилган;

энергетик сервис корхоналарининг жойлашиш ўрни ва ташкилий тузилиши илмий асосланган;

энергетик сервис корхоналарининг фаолият юритиш хусусиятлари тадқиқ этилган;

энергетик сервисни ташкил этишнинг ишлаб чиқилган принципларининг молиявий асослари ишлаб чиқилган;

тажриба тадқиқотлари ва агросаноат комплексида энергетик сервис корхоналари фаолияти самарадорлигини молиявий баҳолашнинг натижалари олинган.

    IV. Диссертацияни амалиётга жорий этилган илмий натижалари. Илмий тадқиқот ишининг натижалари асосида:

энергетик сервис корхонаси бўйича энергетик ускуналарнинг тўхтаб туриш вақтини қисқартириш ва уларни самарали эксплуатация қилишнинг ташкилий-техник услублари ишлаб чиқилган ва Ўзбекистон Республикаси қишлоқ ва сув хўжалиги вазирлиги корхоналарида, жумладан, Тошкент вилояти насос станциялари ва Навоий вилоятининг Кармана, Кизилтепа, Навбаҳор ва Хатирчи туманлари машина-трактор паркида (2013 йил 20 ноябр ва 2009 йил 11 ноябрдаги далолатномалар) ишлаб чиқаришга жорий қилинган (Ўзбекистон Республикаси қишлоқ ва сув хўжалиги вазирлигининг 2015 йил 2 июндаги №04/31-647-сонли маълумотномаси). Тадқиқотдан олинган натижалар математик модел ва алгоритмлар асосида дастурий маҳсулотдан фойдаланиш туфайли иш унумдорлигининг ортиши, тайёргарлик коэффициентининг 9 фоизга ўсиши ва носоз ускуналарнинг навбатда туриши 2 баробарга қисқариши натижасида электр ускуналарининг тўхтаб туриш вақти 33 фоизга қисқарган ҳамда ишлаб чиқариш суратини ошириш ва меҳнат ресурслариининг тежалишига эришиш орқали иқтисодий самарадорлик 142 млн. 91 минг сўмни ташкил этган.