Sulaymonov Ilyosxo‘ja Abdirasul o‘g‘lining
falsafa doktori (PhD) dissertatsiyasi himoyasi haqidagi e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “O‘zgarmas koeffisientli subdiffuziya tenglamalari uchun to‘g‘ri va teskari masalalar”, 01.01.02 – Differensial tenglamalar va matematik fizika (fizika-matematika fanlari). 
Dissertatsiya mavzusi ro‘yxatga olingan raqam: 
Dissertatsiya bajarilgan muassasa nomi: V.I.Romanovskiy nomidagi Matematika instituti.
IK faoliyat ko‘rsatayotgan muassasa nomi, IK raqami: V.I.Romanovskiy nomidagi Matematika instituti huzuridagi DSc.05/2025.27.12. FM.11.01.M raqamli Ilmiy kengash.
Ilmiy rahbar: Ashurov Ravshan Radjabovich, fizika-matematika fanlari doktori, professor.
Rasmiy opponentlar: Durdiev Durdimurod Qalandarovich, fizika-matematika fanlari doktori, professor; Baltaeva Umida Ismoilovna, fizika-matematika fanlari doktori, professor.
Yetakchi tashkilot: Farg‘ona davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi subdiffuziya tenglamasi va tenglamalar sistemasi uchun boshlang‘ich-chegaraviy, subdiffuziya tenglamalarining manba funksiyasini hamda kasr tartibli hosila tartibini topish bo’yicha teskari masalalarning klassik echimlarini topishdan iborat.
III. Tadqiqotning ilmiy yangiligi quyidagilardan iborat:
Adamar kasr hosilali subdiffuziya tenglamasi uchun boshlang‘ich–chegaraviy masala va manba funksiyasini aniqlashga oid teskari masala yagona echimga ega ekanligini isbotlangan;
Kaputo va Riman–Liuvill kasr hosilali subdiffuziya tenglamalari uchun kasr tartibni aniqlashga oid teskari masalalarning klassik ma’nodagi yagona echimga ega ekanligini isbotlangan;
Kaputo va Riman–Liuvill kasr hosilalari uchun subdiffuziya tenglamalari sistemasining boshlang‘ich–chegaraviy masalasining yagona echimga ega ekanligini isbotlangan.
IV. Tadqiqot natijalarining joriy qilinishi. Subdiffuziya tenglamalari uchun to’g‘ri va teskari masalalar bo’yicha dissertatsiya ishida olingan natijalar asosida:
Kaputo kasr hosilali subdiffuziya tenglamalar sistemasi uchun boshlang‘ich chegaraviy masalalaning echimlaridan 22-11-00064 raqamli «Geosferadagi dinamik jarayonlarni irsiyatni hisobga olgan holda modellashtirish» mavzusidagi xorijiy loyihada subdiffuziya tenglamalari uchun to’g‘ri va teskari masalalarni tasniflashda foydalanilgan (Kosmofizika tadqiqotlari va radio to‘lqinlarining tarqalishi institutining 2025 yil 30 oktyabrdagi № 453-sonli ma’lumotnomasi, Rossiya Federatsiyasi). Ushbu ilmiy natijalar yordamida radonning to‘planish kameralaridagi diffuziya–konveksiya transporti jarayonini tavsiflovchi subdiffuziya modellari qurildi, bu esa radon konsentratsiyasining vaqt bo‘yicha evolyusiyasini aniqlash va transport parametrlarini baholash imkonini berdi.
Elliptik qismi Laplas operatoridan iborat bo‘lgan Kaputo kasr hosilali subdiffuziya tenglamalariga oid teskari masalalar echimlaridan 125031904191-2 raqamli “Kasr va taqsimlangan tartibli differensial operatorlarga ega tenglamalar va sistemalar uchun chegaraviy masalalar va ularning qo‘llanishlari” mavzusidagi xorijiy loyihada turli fizik va biologik jarayonlarni matematik modellashtirishida qo‘llanilgan (Kabardin-Balkar ilmiy markazining Amaliy matematika va avtomatlashtirish institutining 2025 yil 6 noyabrdagi № 01-13/98-sonli ma’lumotnomasi, Rossiya Federatsiyasi). Ilmiy natijalarning qo‘llanilishi subdiffuziya va diffuziya–to‘lqin tenglamalari uchun teskari masalalarni echimini topish va ularning turli fizik va biologik jarayonlarni matematik modellashtirishda qo‘llash imkonini bergan.