Жуманов Алишер Рахматкуливичнинг
педагогика фанлари бўйича фалсафа доктори (PhD) 
диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Таеквондочиларни мусобақаларга тайёрлашда жанговор ҳаракат комбинацияларини такомиллаштириш”, 13.00.04–Жисмоний тарбия, спорт машғулотлари, соғломлаштириш ва адаптив жисмоний тарбия назарияси ва методикаси. 
Диссертация мавзуси рўйхатга олинган рақам: В2025.1.PhD/Ped9618.
Илмий раҳбар: Пўлатов Лазиз Азамат ўғли педагогика фанлари бўйича фалсафа доктори (PhD), доцент.
Диссертация бажарилган муассаса номи: Жисмоний тарбия ва спорт илмий тадқиқотлар институти.
Илмий Кенгаш фаолият кўрсатаётган муассаса номи: Жисмоний тарбия ва спорт илмий тадқиқотлар институти, DSc.33/01.02.2022.Ped.146.01.
Расмий оппонентлар: Иштаев Жавлон Мавлонбоевич педагогика фанлари доктори (DSc), профессор, Рахматов Бектош Шомурод ўғли педагогика фанлари бўйича фалсафа доктори (PhD), профессор.
Етакчи ташкилот: Ўзбекстон миллий университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади таеквондочиларни мусобақаларга тайёрлашда жанговор ҳаракат комбинацияларини такомиллаштириш методикасини ишлаб чиқишдан иборат.
III. Тадқиқотнинг илмий янгилиги қуйидагилардан иборат: 
таеквондочиларни машғулот ва мусобақаларга самарали тайёрлаш учун жанговор ҳаракат комбинацияларини ёшга хос даржада ривожлантиривчи, мобилизацияловчи, такомиллаштиришга қаратилган уч босқичли блоклар асосида йиллик машғулотлар дастурини тайёргарлик жараёнига киритиш ҳисобига махсус жисмоний тайёргарлиги оширилган;
таеквондочилар тайёргарлигини модификациялаш учун ҳаракат аниқлигини оширишга қаратилган зарбалардан натижавий фойдаланишга йўналтирилган жанговор ҳаракат комбинациясида индивидуал ва рақиб тайёргарлигидаги заиф ва устунликни сенситив аниқлаган ҳолда ҳаракатланишга тавсия этилган услубларни машғулотларга киритиш ҳисобига техник-тактик тайёргарлик кўрсаткичлари ёшга хос нисбатларда оптималлаштирилган;
таеквондочиларни машғулотлар самарадорлигини ошириш учун ўнг ва чап оёқда бериладиган зарбалар ҳолатида мувозанат сақлаш турғунлигини оширишга қаратилган ҳамда ҳаракат аниқлигига таъсир этувчи ва координацион (ўзгарувчан йўналишли даражада кескин кучланиш билан бажариладиган такомиллашган тезкор-куч, мураккаб тана звеноларини бирдамликда синхирон ривожлантириш машқлари каби) машқларни тайёргарлик жараёнига киритиш ҳисобига жанговор ҳаракат комбинациялари такомиллаштирилган;
таеквондочиларни мусобақалардаги ҳаракатлар натижадорлигини ошириш учун техник-тактик тайёргарликни яхшилашда индивидуал имконятларидан келиб чиққан ҳолда машғулотлар ва мусобақаларда ҳимоя ва ҳужум услубини (тезкор-ҳимоявий, суст-ҳужумкор, тенг-диффренсиаллашган каби) варятив қўллаш ҳисобига натижадорлик имкониятлари кенгайтирилган.
IV. Тадқиқот натижаларининг жорий қилиниши. 14-15 ёшли таеквондочиларда машғулот ва мусобақаларга тайёрлашда ҳаракат аниқлигини жанговор ҳаракат комбинациялари ёрдамида ривожлантириш самарадорлиги қаратилган тажрибалар асосида:
таеквондочиларни машғулот ва мусобақаларга самарали тайёрлаш учун жанговор ҳаракат комбинацияларини ёшга хос даржада уч босқичли (ривожлантиривчи, мобилизацияловчи, такомиллаштиривчи блоклар аосида) такомиллаштиришга қаратилган йиллик машғулотлар дастурини тайёргарлик жараёнига киритиш бўйича таклиф ва тавсиялар Самарқанд вилояти, Тойлоқ шаҳар, Олимпия ва паралимпия спорт турларига тайёрлаш марказларининг ўқув машғулотларига тадбиқ қилинган (Ўзбекистон Республикаси Спорт вазирлигининг 2025-йил 21-июндаги 03-17-01/2873–сон маълумотномаси). Натижада, техник тайёргарлиги 13,3%га ва тактик тайёргарлиги 14,5%га оширишга эришилди. яхшиланган;
таеквондочилар тайёргарлигини модификациялаш учун ҳаракат аниқлигини оширишга қаратилган зарбалардан натижавий фойдаланишга йўналтирилган жанговор ҳаракат комбинациясида индивидуал ва рақиб тайёргарлигидаги заиф ва устунликни сенситив аниқлаган ҳолда ҳаракатланишга тавсия этилган услубларни такомиллаштириш бўйича таклиф ва тавсиялар Жиззах вилояти, Жиззах шаҳар, Олимпия ва паралимпия спорт турларига тайёрлаш марказларининг ўқув машғулотга тадбиқ қилинган (Ўзбекистон Республикаси Спорт вазирлигининг 2025-йил 21-июндаги 03-17-01/2873–сон маълумотномаси). Натижада, умумий жисмоний тайёргарлиги 11,8%га ва махсус жисмоний тайёргарлиги 13,4%га оширишга эришилди;
таеквондочиларни машғулотлар самарадорлигини ошириш учун ўнг ва чап оёқда бериладиган зарбалар ҳолатида мувозанат сақлаш турғунлигини ҳаракат аниқлигига таъсир этувчи ва координацион машқлар (ўзгарувчан йўналишли даражада кескин кучланиш билан бажариладиган такомиллашган тезкор-куч машқлари, мураккаб тана звеноларини бирдамликда синхирон ривожлантириш машқлари каби) тайёргарлик жараёнига киритиш бўйича таклиф ва тавсиялар Навоий вилояти, Навоий шаҳар, Олимпия ва паралимпия спорт турларига тайёрлаш марказлари ўқув машғулотига тадбиқ қилинган (Ўзбекистон Республикаси Спорт вазирлигининг 2025-йил 
21-июндаги 03-17-01/2873–сон маълумотномаси). Натижада, зарба ва ҳаракат аниқлиги 14%га яхшиланган;
таеквондочиларни мусобақалардаги ҳаракатлар натижадорлигини ошириш учун техник-тактик тайёргарликни яхшилашда индивидуал имконятларидан келиб чиққан ҳолда машғулотлар ва мусобақаларда ҳимоя ва ҳужум услубини (тезкор-ҳимоявий, суст-ҳужумкор, тенг-диффренсиаллашган каби) қўллаш бўйича таклиф ва тавсиялар Олимпия ва паралимпия спорт турларига тайёрлаш марказлари ўқув машғулот мазмунига сингдирилган (Ўзбекистон Республикаси Спорт вазирлигининг 2025-йил 21-июндаги 03-17-01/2873–сон маълумотномаси). Натижада, ҳимоя ва ҳужум самарадорлиги 15.5% га оширилган.