Боборайимов Охунжон Хушмурод ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Тезлик градиенти усуллари асосида адаптив бошқариш тизимларини синтезлашнинг турғун алгоритмлари”, 05.01.08 – Технологик жараёнлар ва ишлаб чиқаришларни автоматлаштириш ва бошқариш.
Диссертация мавзуси рўйхатга олинган рақам: В2022.2.PhD/Т2844
Илмий раҳбар: Севинов Жасур Усмонович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассасалар номи, ИК рақами: Тошкент давлат техника университети, DSc. 03/30.12.2019.Т.03.02.
Расмий оппонентлар: Юсупбеков Азизбек Нодирбекович техника фанлари доктори, профессор; Хусанов Субан Нуруллаевич техника фанлари бўйича фалсафа доктори, доцент.
Етакчи ташкилот: Навоий давлат кончилик ва технологиялар университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: тезлик градиенти усуллари асосида адаптив бошқариш тизимларини синтезлаш алгоритмларини ишлаб чиқиш ва уларни муайян ишлаб чиқариш жараёнини автоматлаштириш масаласини ечишда амалий қўллашдан иборат.
III. Тадқиқотнинг илмий янгилиги:
асосий контур тузилиши ва ўлчанган маълумотларнинг тўлиқлигига қўйиладиган талабларни камайтириш имкон берувчи ва обектнинг ҳолати тўғрисида етарли маълумотга эга бўлмаган параметрларни идентификациялаш масалаларини ечишни таъминловчи тезлик градиенти усулларига асосида ноаниқ эталон ва созланувчи моделли адаптив бошқариш тизимларини синтезлаш алгоритмлари ишлаб чиқилган;
ўзаро таъсирларни ҳисобга олган ҳолда бутун тизимнинг изоляция қилинган ост тизимларининг турғунлигини таъминловчи, ночизиқли локал динамик ва ноаниқлик билан ўзаро боғлиқ тизимлар синфи учун тезлик градиенти усуллари асосида адаптив марказлаштирилмаган бошқаришни синтезлашнинг турғун алгоритмлари ишлаб чиқилган; 
тармоқ коеффициентларини созлаш ва динамик обектларни бошқариш жараёнларининг мувофиқлигини таъминлайдиган, тезлик градиенти усули асосида кўп қатламли нейрон тармоқли бошқариш тизимларини синтезлаш процедураси ишлаб чиқилган; 
агрегатланган ростлагичларни аналитик лойиҳалаш усули бўйича тизимни мақсадли бошқаришга эришишини кафолатлайдиган, чегара нисбатларини бажарилишини таъминовчи адаптив нейротармоқли бошқариш тизимларини синтезлаш турғун алгоритмлар ишлаб чиқилган;
IV. Тадқиқот натижаларининг жорий қилиниши. Тезлик градиенти усуллари асосида адаптив бошқариш тизимларини турғун синтезлаш бўйича олинган илмий натижалар асосида:
тезлик градиенти усуллари асосида норавшан эталон ва созланувчи моделли адаптив бошқариш масаласини ечишнинг дастурий таъминоти “Навоий кон-металлургия комбинати” АЖ таркибидаги Марказий кон бошқармасига қарашли 7-сонли гидрометаллургия заводида жорий қилинган ("Навоий кон-металлургия комбинати" АЖнинг 2024-йил 27-августдаги 23/01-01-07/504-сонли маълумотномаси). Ушбу алгоритмлар обект ҳолати ва параметрлари ҳақидаги жорий ва априор маълумотлар етарли бўлмаганда параметрларни аниқлашнинг ўзаро боғлиқ масалаларини биргаликда ечишни таъминлаган;
тезлик градиенти усуллари асосида адаптив марказлашмаган бошқариш тизимларини синтезлашнинг турғун алгоритмлари дастурий шаклда “Навоий кон-металлургия комбинати” АЖ таркибидаги Марказий кон бошқармасига қарашли 7-сонли гидрометаллургия заводида жорий қилинган (“Навоий кон-металлургия комбинати” АЖнинг 2024-йил 27-августдаги 23/01-01-07/504-сонли маълумотномаси). Ушбу алгоритмлар ўзаро таъсирларни ҳисобга олган ҳолда тизимнинг алоҳида қуйи тизимларининг турғунлигини таъминлаш имконини берган;
тезлик градиенти усули асосида адаптив нейротармоқли бошқариш тизимларини синтезлаш масаласини ечишнинг дасурий таъминоти “Навоий кон-металлургия комбинати” АЖ таркибидаги Марказий кон бошқармасига қарашли 7-сонли гидрометаллургия заводида жорий қилинган (“Навоий кон-металлургия комбинати” АЖнинг 2024-йил 27-августдаги 23/01-01-07/504-сонли маълумотномаси). Ушбу алгоритмлар жараёнларнинг технологик режимларини барқарорлаштириш ва уларнинг ишлаш самарадорлигини ошириш имконини берган.