Каримов Баҳодир Ўктам ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража берадиган фан тармоғ номи): “Қишлоқ хўжалик техникаларидан фойдаланиш хавфсизлигини  тизимли бошқаришни такомиллаштириш”, 05.10.01 – “Меҳнатни муҳофаза қилиш ва инсон фаолияти хавфсизлиги” (техника фанлари).
Диссертация мавзуси рўйхатга олинган рақам: В2024.2.PhD/Т4719.
Илмий раҳбар: Рахимов Октябр Дусткабилович, техника фанлари номзоди, профессор.
Диссертация бажарилган муассаса номи: Қарши давлат техника университети.
ИК фаолият кўрсатаётган муассаса номи, ИК рақами: Ўзбекистон Республикаси Фавқулодда вазиятлар вазирлиги Академияси, DSc.40/29.12.2022.Т.129.01.
Расмий оппонентлар:  Самиев Луқмон Найимович, техника фанлари доктори (DSc), доцент, Хужанов Чориёр Рузиевич, техника фанлари бўйича фалсафа доктори (PhD), доцент. 
Етакчи ташкилот: Самарқанд давлат архитектура-қурилиш университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Қишлоқ хўжалик техникаларидан фойдаланиш хавфсизлигини тизимли бошқаришни моделлаштириш билан соғлом ва хавфсиз иш шароитини яратиш асосида такомиллаштиришдан иборат.
III.Тадқиқотнинг илмий янгилиги қуйидагилардан иборат: 
“Оператор-қишлоқ хўжалик машинаси-ишлаб чиқариш муҳити” тизимининг ҳар бир элементи ўртасидаги ўзаро боғланишларни аниқлаш асосида бахциз ҳодисаларни келиб чиқиш эҳтимоллиги алгоритми ишлаб чиқилган ва тизимдаги “сабаб-оқибат” боғланишини «Инкор дарахти» усулида таҳлил қилиш асосида такомиллаштирилган; 
қишлоқ хўжалик техникаларидан фойдаланиш хавфсизлигини тизимли бошқаришнинг ҳаётий цикл босқичи ва хавфсизликни тизимли бошқариш алгоритмини ишлаб чиқиш орқали хавфсизлик маданиятини назорат қилиш методикаси ишчи ходимларнинг инновацион ғояларидан фойдаланиш самарадорлигини ошириш кўрсаткичларининг боғлиқлигини ифодаловчи математик модел ишлаб чиқилган; 
ҚР кодларидан фойдаланишга оид махсус кодлари ишлаб чиқилиши, қишлоқ хўжалик техникаларидан фойдаланиш хавфсизлигини тизимли бошқаришнинг матрицасининг асосий жараёнларини декомпозиция қилиш орқали хавфсизликни тизимли бошқаришнинг моделларини аниқлаш асосланган.
асосий ва кичик жараёнлар декомпозицияси коеффициентининг баланс коеффициенти (А0 –асосий модел  учун,  Кб = 42/5–10 = 1,6, А1– модел учун,  Кб = 24/4- 7 = 1,0, А2– модел  учун, Кб = 17/3– 6 =0,33) ҳисоб натижалари модел даражаси пасайганда баланс коеффициентининг тизимли меҳнат муҳофазасини таъминлашнинг оптимал усулларини ишлаб чиқиш такомиллаштирилган.
IV.Тадқиқот натижаларининг жорий қилиниши. Қишлоқ хўжалик техникаларидан фойдаланиш хавфсизлигини тизимли бошқаришни такомиллаштириш бўйича олинган илмий натижалар асосида: 
тадқиқотда такомиллаштирилган хавфсизлик маданиятини назорат қилиш методикаси ва хавфсизликни таъминлашга оид  тезкор жавоб кодларни қўллаш амалиёти Самарқанд вилояти Булунғур туманидаги “Улуғбек тех сервис логистик” МЧжга, Жиззах вилояти Зомин туманидаги “ЗОМИН АГРО ФРУИЦ” МЧжга жорий этилган (Ўзбекистон Республикаси Қишлоқ хўжалиги вазирлиги, Билим ва инновациялар миллий марказининг 2024-йил 20-декабрдаги 05/04-04-671-сон маълумотномалари). Натижада, тажриба тадқиқотлари ўтказилган корхоналарда жароҳатланиш оғирлиги коеффициенти  34 фоизгача, иш кунининг йўқотилиш кўрсаткичи 13,1 фоизгача камайтириш имконини берган. 
“Оператор-қишлоқ хўжалик машинаси-ишлаб чиқариш муҳити” тизимининг ҳар бир элементи ўртасидаги ўзаро боғланишларни аниқлаш асосида бахциз ҳодисаларнинг келиб чиқиш эҳтимоллиги алгоритми Қашқадарё вилоятидаги “Қарши Агрокластер”  МЧжга жорий этилган (Қашқадарё вилояти қишлоқ хўжалиги бошқармасининг 2024-йил 5-ноябрдаги 01-012/4272-сонли маълумотномаси). Натижада, тажриба тадқиқотлари ўтказилган барча корхоналарда ўлим билан тугаган ва оғир оқибатли бахциз ҳодисалар, кичик даражадаги жароҳатланиш ва шикастланишларни 57 фоизга, касалланишлар ва бошқа турдаги зарарланишларни 40 фоизга, шунингдек, жами содир бўлган бахциз ҳодисаларни 44,4 фоизгача камайтириш имконини берган.