RIZAEV Jasur Alimdjanovichning
doktorlik dissertatsiyasihimoyasi haqida e’lon
I. Umumiy ma’lumotlar.
Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /tibbiyot fanlari nomzodi/.
Dissertatsiya mavzusi ro‘yxatga olingan raqam: 30.09.2014/B2014.5.Tib513.
Dissertatsiya mavzusi, ixtisoslik shifri: «Kompleks sotsial-gigienik tekshiruvlar asosida o‘zbekiston aholisi orasida parodont kasalliklari profilaktikasi, konsepsiyasi va dasturini ishlab chiqish», 14.00.33 – jamiyat salomatligi. Sog‘liqni saqlashda menejment (tibbiyot fanlari).
Ilmiy maslahatchining F.I.Sh., ilmiy darajasi va unvoni: Babadjanov Abdujabbor Sattarovich, tibbiyot fanlari doktori, professor.
Dissertatsiya bajarilgan muassasa nomi: Toshkent tibbiyot akademiyasi.
IK faoliyat ko‘rsatayotgan muassasa (muassasalar) nomi, IK raqami: Toshkent vrachlar malakasini oshirish instituti, 16.07.2013.Tib.19.01.
Rasmiy opponentlar: Jin Young Choi MD, professor, Sh.T.Iskandarova, tibbiyot fanlari doktori, professor, Sh.Sh.Magzumova, tibbiyot fanlari doktori, professor.
Yetakchi tashkilot: Evdokimov nomidagi Moskva tibbiy stomatologiya universiteti (Moskva).
Dissertatsiyaning yo‘nalishi: amaliy ahamiyatga molik.
II. Tadqiqotning maqsadi: Aholi orasida parodont kasalliklari profi-laktikasi sifatini oshirish bo‘yicha tegishli tibbiy-ijtimoiy takliflarni asoslash hamda mazkur yo‘nalishda tibbiy xizmatni samarali tashkil etish konsepsiyasi va dasturini ishlab chiqish.
III. Tadqiqotning ilmiy yangiligi:
parodont kasalliklari muammosiga kompleks yondashuv negizida kasallik tarqalishining mintaqaviy xususiyatlari ochib berilgan hamda bemorlarni davolashda stomatologik tibbiy xizmatni yanada kengaytirishning tibbiy-ijtimoiy, psixologik va boshqa imkoniyatlari aniqlangan;
ixtisoslashgan stomatologik muassasalarda parodontologik yordam sifati aniqlangan;
muammoga tibbiy-ijtimoiy, tibbiy-tashkiliy, tibbiy standart va tibbiy-psixologik kompleks yondashuv negizida parodontologik yordamni tashkil etishning takomillashgan maqbul tibbiy-tashkiliy modeli asoslangan;
sog‘liqni saqlash tizimini tashkil etish modeliga uyg‘un holda parodont kasalliklarining birlamchi, ikkilamchi va uchlamchi samarali profilaktikasining asosiy yo‘nalishlari ishlab chiqilgan;
stomatologik xizmat samaradorligini oshirish va uni maqsadli tashkil etishga yo‘naltirilgan «stomatologik xizmat samaradorligining maqsadli normasi» ko‘rsatkichi ishlab chiqilgan;
parodont kasalliklariga kompleks yondoshgan holda, kasallik profilaktikasini uch darajada tashkil etish, dispanser nazoratidagi guruhlar bilan ishlashini chuqurlashtirish taklifi asosida ijtimoiy-gigienik tadqiqotlarga asoslangan parodont kasalliklari profilaktikasi konsepsiyasi va uning dasturi ishlab chiqilgan.
IV. Dissertatsiyaning amaliyotga joriy etilgan ilmiy natijalari va ularning samarasi: Toshkent tibbiyot akademiyasi 1,2,3-sonli klinikalari, ToshPTI klinikasi, Andijon, Toshkent viloyatlari stomatologik poliklinikalari va Toshkent shahri 1,2,3 va 5-sonli stomatologik poliklinikalari amaliyotiga tatbiq etilgan. Tadqiqotning joriy etilish samaradorligi parodont kasalliklarining oldini olishga, kasallikning og‘irlashishini bartaraf etishga, dispanser guruhlari orqali kasallik kechishini doimiy nazorat qilishga, davolash samaradorligini oshishiga olib keladi (O‘zbekiston Respublikasi Sog‘liqni saqlash vazirligining 2012 yil 2 dekabrdagi №84-d/22 22-son xulosasi). Taklif etilgan profilaktika dasturini amaliyotda qo‘llash birlamchi profilaktikaning samaradorligini 28,12 foiz, ikkilamchi profilaktikaning samaradorligining 30,47 foiz, uchlamchi profilaktikaning samaradorligini 26,45 foiz, barcha profilaktik tadbirlarining umumiy samaradorligi 29,82 foiz oshishiga olib keladi. Dispanserizatsiya samaradorligi esa 38,30 foiz oshdi.
