Xo‘jaqulov Jo‘rabek Ergashevichning 
falsafa doktori (PhD) dissertatsiyasi himoyasi haqida e’lon

I.Umumiy ma’lumotlar.

Dissertatsiya mavzusi, ixtisoslik shifri (ilmiy daraja beradigan fan tarmog‘ nomi): “Tarkibida magniy bo‘lgan antipirenlar asosida polimer materiallarni yong‘inga barqarorligini takomillashtirish”, 05.10.02 – “Favqulodda holatlarda xavfsizlik. Yong‘in, sanoat, yadro va radiatsiya xavfsizligi” (texnika fanlari).
Dissertatsiya mavzusi ro‘yxatga olingan raqam: B2024.4.PhD/T5177.
Ilmiy rahbar: Nurqulov Fayzulla Nurmuminovich, texnika fanlari doktori, professor.
Dissertatsiya bajarilgan muassasa nomi: Islom Karimov nomidagi Toshkent davlat texnika universiteti.
IK faoliyat ko‘rsatayotgan muassasa nomi, IK raqami: O‘zbekiston Respublikasi Favqulodda vaziyatlar vazirligi Akademiyasi, DSc.40/29.12.2022.T.129.01.
Rasmiy opponentlar: Siddiqov Ikromjon Iminjonovich, texnika fanlari doktori (DSc), dotsent, Jumaev Sayfiddin Qodirovich texnika fanlari bo‘yicha falsafa doktori (PhD), dotsent.
Yetakchi tashkilot: Termiz davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi tarkibida magniy bo‘lgan antipirenlar asosida polimer kompozit materiallarni yong‘inga barqarorligini takomillashtirishdan iborat.
III. Tadqiqotning ilmiy yangiligi qo‘yidagilardan iborat:
olovbardosh polimer kompozit materiallar sifatida bishofit, brusit, magniy gidroksid, sulfat kislota, karbomid asosidagi tarkiblarning maqbul nisbatlarida,  AKP-1, AKP-2 va AKP-3 markali antipirenlarning yangi namunalarini olish usullari takomillashtirilgan;
tarkibida metall bo‘lgan qo‘shimchalar asosidagi AKP-1, AKP-2 va AKP-3 markali antipirenlar bilan polimer materillarga ishlov berishning optimal nisbatiga ta’sir mexanizmi aniqlangan holda, olovbardoshlik xossasi bo‘yicha yonuvchanlik toifasi G-4 dan G-1 ga, kislorod indeksi 18,5% dan 44,0% ga yaxshilashning optimal variantlari ishlab chiqilgan;
antipirenlar bilan polimer materiallariga ishlov berilib olingan olovbardosh materiallarni tarkibida metall bo‘lgan funksional guruhlari hisobiga koks hosil qilishi 15% gacha yaxshilangan, bu ko‘rsatkichlar nisbati kattaligi bo‘yicha asoslangan;
     ilk bor taklif etilgan AKP-1, AKP-2 va AKP-3 markali olovbardosh qo‘shimchalarni olish texnologiyasi ishlab chiqilishi evaziga, keng ko‘llanilayotgan analoglarga nisbatan samaradorlik ko‘rsatkichlarining bog‘liqligini ifodalovchi termik barqarorlik va chidamlilik xususiyatlarining yaxshilash  usuli ishlab chiqilgan.
IV.Tadqiqot natijalarining joriy qilinishi. Tarkibida magniy bo‘lgan antipirenlar asosida polimer materiallarni yong‘inga barqarorligini takomillashtirish bo‘yicha olingan ilmiy natijalar asosida:
olovbardosh polimer kompozit materiallar sifatida bishofit, brusit, magniy gidroksid, sulfat kislota, karbomid asosidagi tarkiblarni maqbul nisbatlarda ta’sir ettirib,  AKP -1, AKP -2 va AKP -3 markali antipirenlarning yangi namunalari “BIOTEXNOEKO" MChJ korxonasida amaliyotga joriy etilgan (O‘zbekiston Respublikasi ekologiya, atrof-muhitni muhofaza qilish va iqlim o‘zgarish vazirligini 2025 yil 13 fevraldagi 02-03/1-03/3-1442-son ma’lumotnomasi). Natijada, polimer kompozit materiallarining kislorod indeksini 47 % gacha yaxshilash imkonini bergan.
AKP-1, AKP-2 va AKP-3 markali antipirenlar asosidagi polimer kompozit materillari “Namuna tezkor qurilish” xususiy korxonasida sinovda o‘tkazilib, olingan ilk namunalar amaliyotga joriy etilgan (O‘zbekiston Respublikasi ekologiya, atrof-muhitni muhofaza qilish va iqlim o‘zgarish vazirligini 2025-yil 13-fevraldagi 02-03/1-03/3-1442-son ma’lumotnomasi). Natijada, yangi ishlab chiarilgan olovbardosh polimer kompozit materiallar keng ko‘llanilayotgan analoglarga nisbatan iqtisodiy samaradorlikni 25% gacha yaxshilash imkonini bergan.