Сайидова Мафтуна Ҳамроқул қизининг 
фалсафа доктори (PhD) диссертацияси ҳимояси ҳақида эълон.

I. Умумий маълумотлар.
Диссертация мавзуси, ихтисослик шифри: «Махсус кийимда қуёш батарея элементларини қўллаш технологиясини ишлаб чиқиш», 05.06.04 – Тикувчилик буюмлари технологияси ва костюм дизайни.
Диссертация мавзуси рўйхатга олинган рақам: B2024.4.PhD/Т5131.
Илмий раҳбар: Пулатова Сабохат Усмановна, техника фанлари доктори, профессор.
Диссертация бажарилган муассаса номи: Бухоро давлат техника университети.
ИК фаолият кўрсатаётган муассаса номи, ИК рақами: Бухоро давлат техника университети, PhD.03/29.10.2021.Т.101.03.
Расмий оппонентлар: Расулова Мастура Кабуловна, Тошкент тўқимачилик ва енгил саноат  институти профессори, техника фанлари доктори, профессор; Самиева Шахноз Ҳикматовна, Бухоро давлат техника университети профессори, педагогика фанлари доктори, профессор.
Етакчи ташкилот: Жиззах политехника институти.
Диссертация йўналиши: амалий аҳамиятга молик.
II. Тадқиқотнинг мақсади: республикамизда иссиқ қуруқ ҳаво шароитларида очиқ ҳавода ишлайдиган газ мажмуаси ишчилари учун қуёш батареялари ёрдамида муқобил энергия ва вентилация тизими билан таминланган ёзги махсус кийимни ишлаб чиқишдан иборат.
III. Тадқиқотнинг илмий янгилиги:
илк бор шароитлари, кийим материали ва конструксиясига мос равишда, газ мажмуаси ишчиларининг меҳнат жараёнидаги тана ҳаракати эркинлигини таъминловчи олд ва орқа бўлак функсионал-конструктив бўлинмалари, жумладан, орқа кенглиги, енг ва ёқа ўмиз кенглигига қўйиладиган талаблар ишлаб чиқилган; 
биринчи маротаба газ мажмуаси ишчиларининг тана ҳаракатлари эркинлигини таъминлайдиган, юқори гигиеник ва эксплуатацион хусусиятларга эга бўлган  махсус кийимнинг мақбул конструксияси эргономик лойиҳалаш тамойиллари асосида ишлаб чиқилган;
илк бор махсус кийимда 25,92 КВт/соат қувватга эга бўлган қуёш батареяларини қўллаш самарадорлиги асосланган ва ундан ишлаб чиқиладиган муқобил энергиядан фойдаланган ҳолда кийимости ҳудудини ҳаво алмашинувини таъминлайдиган вентиляцион тизимини ҳамда коммуникацион қурилмаларни  қувватлаш технологияси ишлаб чиқилган;
кийимини конструктив параметрларнинг ташқи динамик мослигига боғлиқлигининг регрессия тенгламалари ва математик моделлари ишлаб чиқилган ҳамда улар асосида кўкрак айланаси бўйича кийим эркинлиги учун бериладиган қўшимча ҳақнинг оптимал қиймати Пг=16 см, енг ўмизи кенглиги Шпр=30 см, орқа кенглиги Шсп=48 смга тенглиги аниқланган.
IV.Тадқиқот натижаларининг жорий қилиниши: газ мажмуаси ишчилари инновацион махсус кийимини ишлаб чиқариш технологияси бўйича олинган натижалар асосида:
Ўзбекистон Республикаси Интеллектуал мулк агентлигининг саноат намунасига  патенти олинган (№ САП2687, 25.02.2025й. «Ишчилар учун электр таъминоти ва совутиш тизимига эга махсус кийимлар тўплами»). Натижада газ мажмуаси ишчиларининг меҳнат ҳаракатлари эркинлигини таъминлайдиган мақбул конструксияси ишлаб чиқилган, меҳнат жараёнида ишчиларга эргономик нуқтаи назардан қулайлик яратилган, махсус кийимнинг гигиеник ва эксплуатацион сифат кўрсаткичлари яхшиланган;
таклиф этилаётган газ мажмуаси ишчилари учун яратилган махсус кийимни янги комплектлари ва уларнинг конструкторлик-техник ҳужжатлари тикувчилик корхоналарида, шу жумладан, “Квадрат” МЧЖ, “Оcеан Лух Техтиле Инвест”, “Экваториал Текс” МЧЖ (Бухоро вилояти) корхоналарида ишлаб чиқаришга жорий қилинган («Ўзтўқимачиликсаноат» уюшмасининг 2024 йил 23 декабрдаги 03/25-3463-сонли маълумотномаси). Натижада маҳаллий хомашёлардан фойдаланиш, ишлов бериш технологиясини такомиллаштириш асосида ишлаб чиқарилган маҳсулот бирлигига нисбатан меҳнат унумдорлиги 4,76% га ошишига эришилган ҳамда газ мажмуаси ишчилари сифатли, эргономик жиҳатдан қулай ҳамда арзон махсус кийим билан таъминланган;
газ мажмуаси ишчиларининг махсус кийимлари “Квадрат” МЧЖ, “Оcеан Лух Техтиле Инвест”, “Экваториал Текс” МЧЖ (Бухоро вилояти) корхоналарида ишлаб чиқаришга жорий қилинган («Ўзтўқимачиликсаноат» уюшмасининг 2024 йил 23 декабрдаги 03/25-3463-сонли маълумотномаси). Натижада газ мажмуаси ишчилари учун махсус кийими учун материал танлашнинг асосланганлиги, илк маротаба ишчилар учун қулай махсус кийим конструксияси ишлаб чиқилганлиги, махсус кийимнинг сифати яхшиланганлиги ҳисобига унинг  ишончлилиги ва  эксплуатациялаш даври 6 ойдан 12 ойга ошишига эришилган.