Юзбаева  Махфуза Закиржоновнанинг 
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Кичик бизнес субектларининг инновацион фаолиятини молиялаштиришни такомиллаштириш”, 08.00.07 – “Молия, пул муомаласи ва кредит” ва 08.00.15 – Тадбиркорлик ва кичик бизнес иқтисодиёти.
Диссертация мавзуси рўйхатга олинган рақам: B2023.2.PhD/Iqt3016.
Илмий раҳбар: Эргашев Эркин Ироқович, иқтисодиёт фанлари доктори, профессор.
Диссертация бажарилган муассаса номи: Тошкент давлат иқтисодиёт университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.03/30.12.2019.I.17.01.
 Расмий оппонентлар: Абдурахимова Саида Ахмаджановна, иқтисодиёт фанлари доктори, профессор; Бердияров Бахриддин Тавашарович, иқтисодиёт фанлари доктори, профессор.
Етакчи ташкилот: Самарқанд иқтисодиёт ва сервис институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: кичик бизнес субектларини инновацион фаолиятини молиялаштириш бўйича илмий таклиф ва амалий тавсиялар ишлаб чиқиш тадқиқотнинг асосий мақсади ҳиосбланади.
III.Тадқиқотнинг илмий янгилиги қуйидагилардан иборат:
кичик бизнес субектларининг инновацион жараёнларни молиялаштиришда тармоқ субектлари ижобий кредит ва солиқ тарихига эга тадбиркорлик субектларининг фаолиятини кенгайтириш учун кредитлар ажратишда уларга гаров талаби 50 фоизга камайтириш таклиф этилган;
кичик бизнес субектлари инновацион фаолиятини молиялаштириш учун  тармоқ субектларида 5 миллиард сўмгача ажратиладиган кредитлар бўйича фоиз харажатларини қоплашда «1+2» тамойили асосида компенсация тақдим этиш асосланган;
кичик бизнес субектларининг инновацион фаолиятини молиявий барқарорлигини таъминлашда тармоқ субектлари инновацион лойиҳаларига ажратиладиган кредит сўммасининг 50 фоизигача қисмига кафиллик амалиётини жорий этиш таклиф этилган;
кичик бизнес субектлари ўз маблағларини ва чет эл маблағларини жалб этиш даражасига кўра тармоқ субектларида инновацион маҳсулотлар ишлаб чиқаришининг истиқболдаги 2030-йилгача статистик прогноз кўрсаткичлари ишлаб чиқилган.
IV.Тадқиқот натижаларининг жорий қилиниши. Республикамиз кичик бизнес субектлари инновацион фаолиятини молиялаштириш асосида, олинган илмий-амалий натижалар қуйидагилардан иборат:
кичик бизнес субектларининг инновацион жараёнларни молиялаштиришда тармоқ субектлари ижобий кредит ва солиқ тарихига эга ҳамда кичик бизнесга кўмаклашиш марказлари ёрдамида лойиҳаларини амалга ошираётган тадбиркорлик субектларининг фаолиятини кенгайтириш учун кредитлар ажратишда уларга гаров талаби 50 фоизга камайтириш таклифи (Ўзбекистон Республикаси АТБ Халқ банкининг 2024 йил 7 июндаги 02-23/368-сонли маълумотномаси). Натижада, кичик бизнес субектларининг инновацион жараёнларни молиялаштиришда тармоқ субектлари ижобий кредит ва солиқ тарихига эга эканлиги орқали бошқа субектларда ҳам ижобий кредит ва солиқлар борасидаги муаммоларни камайишига ҳамда кичик бизнес субектларининг инновацион лойиҳаларни кенгайишига ҳамда ижобий кредит самарадорлигини ортишига хизмат қилади;
кичик бизнес субектлари инновацион фаолиятини молиялаштиришда  тармоқ субектлари учун  5 миллиард сўмгача ажратиладиган кредитлар бўйича фоиз харажатларини қоплашда «1+2» тамойили асосида компенсация тақдим этиш асосланганлик таклифи (Ўзбекистон Республикаси АТБ Халқ банкининг 2024 йил 7 июндаги 02-23/368-сонли маълумотномаси). Натижада, аввал кредитнинг дастлабки йилига тақдим этилиши, кейинги икки йил давомида тадбиркорлик субекти томонидан яратилган янги иш ўринлари режаси бажарилиши ва реализация қилинган маҳсулот (хизмат) бўйича тушум камида ўн беш фоизга ошган тақдирда компенсация тақдим этилади, бу эса ўз навбатида тармоқ субектлари фаолиятини янада кенгайишга ва молиявий барқарорлигини ортишига олиб келади;
кичик бизнес субектларининг инновацион фаолиятини молиявий барқарорлигини таъминлаш мақсадида тармоқ субектлари инновацион лойиҳаларига ажратиладиган кредит сўммасининг 50 фоизигача қисмига, кафиллик амалиётини жорий этиш таклифи (Ўзбекистон Республикаси АТБ Халқ банкининг 2024 йил 7 июндаги 02-23/368-сонли маълумотномаси). Натижада, кичик бизнес субектларининг инновацион фаолиятини молиявий барқарорлигини таъминлаш мақсадида тармоқ субектлари инновацион лойиҳаларига ажратиладиган кредит сўммасининг 50 фоизигача қисмига кафиллик амалиётини жорий этилиши орқали мазкур субектлар инновацион фаолиятини барқарор молиявий қўллаб-қувватлашга ҳамда инновацион фаолиятни кенг миқёсида ортишига олиб келади; 
иқтисодий-математик аппаратдан фойдаланиш асосида кичик бизнес субектлари ўз маблағларини ва чет эл маблағларини жалб этиш даражасига кўра тармоқ субектларида инновацион маҳсулотлар ишлаб чиқаришининг истиқболдаги 2030-йилгача статистик прогноз кўрсаткичлари ишлаб чиқилган чиқилганлиги. (Ўзбекистон Республикаси АТБ Халқ банкининг 2024 йил 7 июндаги 02-23/368-сонли маълумотномаси). Натижада, кичик бизнес субектларини инновацион фаолиятини молиялаштириш орқали тармоқ субектларида ишлаб чиқариш ҳажми бўйича 2030 йилга қадар стратегик дастурларни ишлаб чиқишга хизмат қилади.