Sheralieva Surayyo Abdikodir qizining
falsafa doktori (PhD) dissertatsiyasi himoyasi haqidagi e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Filiform nilradikalli echiluvchan Li va Leybnis algebralarining markaziy hamda Abel kengaytmalari”, 01.01.06 – Algebra (fizika-matematika fanlari). 
Dissertatsiya mavzusi ro‘yxatga olingan raqam: № B2025.2.PhD/FM1304
Dissertatsiya bajarilgan muassasa nomi: V.I.Romanovskiy nomidagi Matematika instituti.
IK faoliyat ko‘rsatayotgan muassasa nomi, IK raqami: V.I.Romanovskiy nomidagi Matematika instituti huzuridagi DSc.02/30.12.2019.FM.86.01 raqamli Ilmiy kengash.
Ilmiy rahbar: Xudoyberdiev Abror Xakimovich, fizika-matematika fanlari doktori, professor.
Rasmiy opponentlar: Arzikulov Farhodjon Nematjonovich, fizika-matematika fanlari doktori, katta ilmiy xodim; Eshmatov Farxod Xasanovich, fizika-matematika fanlari doktori, katta ilmiy xodim.
Yetakchi tashkilot: Qoraqalpoq davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi nilradikallari filiform bo‘lgan chekli o‘lchamli echiluvchan Li va Leybnis algebralarining kengaytmalari, xususan abel kengaytmalari orqali ularni klassifikatsiyalash va strukturaviy tahlil qilish uchun kompleks yondashuv ishlab chiqishdan iborat.
III. Tadqiqotning ilmiy yangiligi quyidagilardan iborat:
n-darajali Shrodinger algebraning markaziy kengaytmalari va uning infinitezimal deformatsiyalari aniqlangan;
tabiiy usulda gradiurlangan filiform Li algebralarning barcha bir o‘lchamli markaziy kengaytmalari topilgan;
filiform nilradikalli echiluvchan Li algebralarning bir o‘lchamli kengaytmalari aniqlangan va ularning to‘liq tuzilmalari tavsiflangan;
echiluvchan Leybnis algebralarning Abel kengaytmalarini qurish usuli ishlab chiqilgan va besh o‘lchamli echiluvchan Leybnis algebralarining Abel kengaytmalar aniqlangan.
IV. Tadqiqot natijalarining joriy qilinishi. Filiform nilradikalli echiluvchan Li va Leybnis algebralarining markaziy hamda Abel kengaytmalari bo‘yicha olingan natijalar asosida:
echiluvchan Li va Leybnis algebralarning kengaytirish metodidan va filiform nilradikalli echiluvchan Li algebralarning bir o‘lchamli kengaytmalaridan AP14870282 raqamli “Noassotsiativ algebralar turlari uchun Identifikatorlarni aniqlash” mavzusidagi xorijiy loyihada nonassotsiativ algebralarning boshqa sinflariga umumlashtirish maqsadida qo‘llanilgan (Astana IT Universitetining 2025 yil 5-noyabrdagi №1/1529-sonli ma’lumotnomasi, Qozog‘iston Respublikasi). Ilmiy natijaning qo‘llanilishi binar va unar Leybnis algebralarining Abel kengaytmalarini aniqlash imkonini bergan;
kichik o‘lchamli echiluvchan Li va Leybnis algebralarining markaziy va Abel kengaytmalari uchun ishlab chiqilgan usullari va ularning tasniflaridan  F-FA-2021-423 raqamli “Operator algebralarining avtomorfizmlari, cheksiz o‘lchamli noassotsiativ algebralar va superalgebralarning klassifikatsiyasi” mavzusidagi fundamental loyihada noassotsiativ algebraik tuzilmalarni tasniflash uchun  zamonaviy yondashuvlarni takomillashtirishda foydalanilgan (Matematika institutining 2025 yil 3-dekabrdagi №2/505-sonli ma’lumotnomasi). Ilmiy natijalarni qo‘llanilishi besh o‘lchamli nilpotent Leybnis algebralarining algebraik va geometrik tasniflarini olish imkonini bergan.