Авазбекова Шоҳсанам Нурмамат қизининг фалсафа доктори (PhD) диссертацияси ҳимояси ҳақида эълон 

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): “Интегратив таълим технологиялари орқали бошланғич синф ўқувчиларининг илмий дунёқарашини  ривожлантириш методикаси (табиий фанлар мисолида)”, 13.00.02 –Таълим ва тарбия назарияси ва меодикаси  (бошланғич таълим).
Диссертация мавзуси рўйхатга олинган рақам: Б2023.2.PhD/Ped5349
Илмий раҳбар: Қўлдашева Махмуда Нурматжановна педагогика фанлари бўйича фалсафа доктори, (DSc), доцент
Диссертация бажарилган муассаса номи: Наманган давлат педагогика институти. 
ИК фаолият кўрсатаётган муассаса (муассасалар) номи: Наманган давлат педагогика институти, PhD.03/27.09.2024.Ped.184.01
Расмий оппонентлар: Педагогика фанлари доктори (DSc), доцент Абдуллаева Дилноза Нарзуллаевна, педагогика фанлари номзоди Мўминов Маҳамадсоли,.
Етакчи ташкилот: Андижон давлат педагогика институти. 
Диссертация йўналиши: назарий ва амалий аҳамиятга молик. 
II. Тадқиқотнинг мақсади: табиий фанларни ўқитиш жараёнида бошланғич синф ўқувчиларининг илмий дунёқарашини ривожлантириш юзасидан таклиф ва тавсиялар ишлаб чиқишдан иборат.
III. Тадқиқотнинг илмий янгилиги: 
бошланғич синф ўқувчиларининг табиий фанлар воситасида илмий дунёқарашини ривожлантиришнинг мазмуни ўқув мотивациянинг ортиши ва билим доирасининг кенгайишида интеллектуал операцияларнинг ўзгарувчанлиги ҳамда ҳажм жиҳатидан кенгайиши каби рефлексив билим ва кўникмаларни интенсив ривожлантириш босқичлари ”Мен тадқиқотчиман” номли мини лойиҳалар тўплами асосида аниқлаштирилган;
шахсий, мета-мавзули ва мавзуга оид мақсадларнинг тизимли фаолият ёндашуви контекстида бошланғич синф ўқувчиларида илмий дунёқарашини шакллантиришнинг педагогик модели, тарихий ва илмий ёндашувга асосланган тадқиқотчилик ва амалиётга йўналтирилган вазифаларни қўллаш имконияти янги шароитларга мослаштирилган вазиятда интеграциялаш мобил илова воситасида такомиллаштирилган; 
фаннинг мазмунига кўра интеграллашган, ҳамкорликда ўқувчилар  билан ишлаш, дарс жараёнида визуал моделлаштириш, эвристик ёндашув ва тадқиқотга йўналтирилган  назарий ва амалий тадқиқот натижаларининг интеграцияси (“Кимёвий детективлар”, “Ақллар жангги” ,  “Харидлар рўйхати”, “Кутиш дарахти”, “Автобус бекати”, “Кўп рангли варақлар” “Геометрик шакллар” ўйини, ”Боғ ” технологияси) ўқитиш усулларини қўллаш асосида такомиллаштирилган. 
табиий фанлар дарсларида бошланғич синф ўқувчиларининг илмий дунёқарашини ривожлантиришнинг ўқув топшириқлари кўринишида лойиҳалаш, ўқувчиларнинг муваффақият мотивларини педагогик қўллаб-қувватлаш каби дидактик шарт-шароитлари “вазифалар занжири”, мантиқий-дискрет ва мантиқий-амалий муаммоларни намойиш этиш, дарс режасини қайта шакллантириш, билимлар харитаси билан ишлаш техникаларининг воситавий технологик жиҳатига устуворлик бериш асосида такомиллаштирилган.
IV. Тадқиқот натижаларининг жорий қилиниши. Табиий фанларни ўитиш орқали ўувчиларнинг илмий дунёқарашини ривожлантиришнинг назарий-амалий хусусиятлари тадқиқот натижалари асосида:
табиий фанларни ўқитиш жараёнида ўқувчиларнинг илмий дунёқарашини   ривожлантиришнинг мазмуни ўқув мотивациянинг ортиши ва билим доирасининг кенгайиши. Шунингдек, интеллектуал операцияларнинг ўзгарувчанлиги ва ҳажм жиҳатидан кенгайиши, табиий фанлар бўйича билимларнинг мазмунан чуқурлашуви каби рефлексив кўникма ва билимларни интенсив ривожлантирувчи когнитив ёндашувларни такомиллаштиришга доир таклифлардан СП-1002/21-рақамли “Анимацион ёндашув асосида бошланғич синф ўқувчиларида экологик онгни шакллантириш” мавзусидаги амалий лойиҳа ҳамда доирасида фойдаланилган (Ўзбекистон Республикаси Мактабгача ва мактаб таълими вазирлиги ҳузуридаги Республика таълим марказининг 2025-йил 6-августдаги 01/11-5-510-сон маълумотномаси, Наманган давлат педагогика институтининг 2025-йил 10-ноябрдаги 22-18/2640-03-сон маълумотномаси) олинди. Натижада, табиий фанлар дарсларида ўқувчиларнинг илмий дунёқарашини  ривожлантириш  самарадорлигини оширишга хизмат қилган;
ўқувчиларнинг илмий дунёқарашини ривожлантиришнинг педагогик модели, илмий дунёқарашни шакллантирувчи вазиятларнинг мазмуни ва табиий фанларнинг интеграцияси асосида билимга, тарихий ва илмий ёндашувга асосланган, амалиётга йўналтирилган вазифаларни қўллаш имконияти янги шароитларга мослаштирилган тарзда интеграция қилиш бўйича таклифлар асосида фойдаланилган. (Ўзбекистон Республикаси Мактабгача ва мактаб таълими вазирлиги ҳузуридаги Республика таълим марказининг 2025-йил 6-августдаги 01/11-5-510-сон маълумотномаси). Натижада, ўқувчиларнинг илмий дунёқарашини ривожлантиришнинг  самарадорлигини оширишга хизмат қилган;
табиий фанлар мазмунига кўра интеграллашган, ўтказилиш шакли бўйича жуфтлик тарзида ташкил этилган табиий фанлар тўгарак дарсларини жорий этиш орқали ҳамкорликда ўқувчилар  билан ишлаш, дарс жараёнида визуал моделлаштириш, эвристик ёндашув ва тадқиқотга йўналтирилган ўитиш усулларини қўллаш бўйича таклифлардан СП-1002/21-рақамли “Анимацион ёндашув асосида бошланғич синф ўқувчиларида экологик онгни шакллантириш” мавзусидаги амалий лойиҳа ҳамда доирасида фойдаланилган (Наманган давлат педагогика институтининг 2025-йил 10-ноябрдаги 22-18/2640-03-сон маълумотномаси). Натижада,  эвристик ёндашув ва тадқиқотга йўналтирилган ўқитиш усулларини қўллаш асосида самарадорликка эришишилган.
табиий фанларни ўитиш жараёнида бошланғич синф ўқувчиларининг илмий дунёқарашини ривожлантиришнинг методик таъминоти таълим жараёнида субект-субект муносабатларига асосланиш фан мазмунини ўқув топшириқлари кўринишида лойиҳалаш, ўувчиларнинг муваффақият мотивларини педагогик қўллаб-қувватлаш каби дидактик шарт-шароитлари “вазифалар занжири”, мантиқий-дискрет ва мантиқий-амалий муаммоларни намойиш этиш, дарс режасини қайта шакллантириш, билимлар харитаси билан ишлаш техникаларининг воситавий технологизацион жиҳатига устуворлик бериш асосида такомиллаштиришга доир таклиф ва тавсиялардан (Ўзбекистон Республикаси Мактабгача ва мактаб таълими вазирлиги ҳузуридаги Республика таълим марказининг 2025-йил 6-августдаги 01/11-5-510-сон маълумотномаси). Натижада, табиий фанларни ўқитиш жараёнида бошланғич синф ўқувчиларининг илмий дунёқарашини ривожлантиришнинг методик таъминотини  бойитилишига хизмат қилган.