Ким Дончернинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Олмалиқ кон-металлургия комбинати» АЖда хомаки мис ишлаб чиқаришнинг энергия самарадорлигини ошириш», 05.05.01–Энергетика тизимлари ва мажмуалари (техника фанлари).
Диссертация мавзуси рўйхатга олинган рақам: B2018.4.PhD/T921.
Илмий раҳбар: Камалов Толяган Сиражиддинович, техника фанлари доктори, профессор.
Диссертация бажарилган муассаса номи: «Илмий-техника маркази» маъсулияти чекланган жамияти.
ИК фаолият кўрсатаётган муассаса номи, ИК рақами: Тошкент давлат техника университети ва «Илмий-техника маркази» маъсулияти чекланган жамияти, DSc.27.06.2017.Т.03.03.
Расмий оппонентлар: Хошимов Фозилджан Абидович, техника фанлари доктори, профессор; Арипов Назиржон Мукарамович, техника фанлари доктори, профессор.
Етакчи ташкилот: Навоий давлат кончилик институти
Диссертация йўналиши: назарий ва амалий аҳамиятга молик.
II. Тадқиқотнинг мақсади: «Олмалиқ кон-металлургия комбинати» АЖ энергетик сиғимни ва бирлик хомаки мисни ишлаб чиқаришда электр энергиянинг солиштирма сарфи тузилмасини ишлаб чиқиш ҳамда энергия тежамкорлик салоҳиятини аниқлашдан иборат.
III. Тадқиқотнинг илмий янгилиги:
энергия элтувчилар, эритиш ва конвертерли қайта ишлаш агрегатларини хом ашё билан юкланганлик даражасини инобатга олган ҳолда хомаки мисни ишлаб чиқариш энергия сиғимининг математик модели ишлаб чиқилган;
бирлик хомаки мисни ишлаб чиқаришда энергия элтувчилар солиштирма сарфининг структураси интеграл кўрсатгичлар усули асосида ишлаб чиқилган;
акс эттирувчи печь, кислород алангали печь, суюқ ваннали печь, конверторли қисм агрегатларининг энерготежамкор иш режимлари сиқилган ҳаво ва техник кислород оқимини ростлаш орқали ишлаб чиқилган;
турбоҳавопуфлаш станциясидаги қуввати 3,0 МВтли турбонагнетателнинг синхрон электр юритмаси частотавий ростлаш асосида такомиллаштирилган.
IV.Тадқиқот натижаларининг жорий қилиниши.
Хомаки мисни тайёрлаш жараёнининг энергия самарадорлигини ошириш бўйича олинган натижалар асосида:
техник кислород оқимини ростлайдиган тизим Мисни эритиш заводининг компрессор станциясида жорий этилди («Олмалиқ кон-металлургия комбинати» АЖнинг 2018 йил 24 октябрдаги 31-10-402 сон маълумотномаси). Натижада йилига 1,84 миллион кВт∙соат электр энергиясини тежаш имконини берди;
сиқилган ҳавони бошқарадиган тизим Мисни эритиш заводи кислород станциясининг ҳавони ажратиш блокида жорий этилди («Олмалиқ кон-металлургия комбинати» АЖнинг 2018 йил 24 октябрдаги 31-10-402 сон маълумотномаси). Натижада йилига 22,0 миллион кВт∙соат электр энергиясини тежаш имконини берди;
частотавий ростланадиган 3,0 МВт синхрон электр юритмаси Мисни эритиш заводининг турбоҳавопуфлаш станциясида жорий этилди («Олмалиқ кон-металлургия комбинати» АЖнинг 2018 йил 24 октябрдаги 31-10-402 сон маълумотномаси). Натижада йилига 6,9 миллион кВт∙соат электр энергиясини тежаш имконини берди.