Воҳидов Мираброр Хусан ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): Локомотивларнинг ўзгарувчан ток тортув электр двигателларини сунъий нейрон тармоқларини қўллаш орқали техник ҳолатини баҳолаш, 05.08.05 – “Темир йўлларнинг ҳаракатланувчи таркиби, поездларни тортиш ва электрлаштириш”  (техника фанлари).
Диссертация мавзуси рўйхатга олинган рақам: № В2025.2.PhD/Т5738
Илмий раҳбар Ф.И.Ш., илмий даражаси ва унвони: 
Хамидов Отабек Рустамович, техника фанлари доктори, профессор.
Диссертация бажарилган муассаса номи: Тошкент давлат транспорт университети.
ИК фаолият кўрсатаётган муассаса (муассасалар) номи, ИК рақами: Тошкент давлат транспорт университети ҳузуридаги DSc.15/31.08.2022.Т.73.07 рақамли Илмий кенгаш. 
Расмий оппонентлар Ф.И.Ш., илмий даражаси ва унвони: Пирматов Нурали Бердиёрович, техника фанлари доктори, профессор; Курилкин Дмитрий Николаевич, техника фанлари номзоди, доцент
Етакчи ташкилот: Андижон давлат техника институти
Диссертация йўналиши амалий аҳамиятга молик.
II. Тадқиқотнинг мақсади: Локомотивлар ўзгарувчан ток тортув электр двигателларини сунъий нейрон тармоқлар орқали техник ҳолатини баҳолашдан иборат
III. Тадқиқотнинг илмий янгилиги: 
локомотив асинхрон тортув электр двигателларининг ишлаш жараёнида статор ва ротор оралиғидаги ҳаво бўшлиғи магнит индуксиясидаги ўзгаришларни баҳолаш имконини берувчи имитацион модели ишлаб чиқилган;
илк бор замонавий автоматик бошқариш тизимлари маълумотлари асосида локомотивларнинг асинхрон тортув электр двигателлари техник ҳолатини баҳолаш имконини берувчи интеллектуал диагностика усули ишлаб чиқилган;
маҳаллий шароитда локомотив асинхрон тортув электр двигателларининг статор ва ротор оралиғидаги ҳаво бўшлиғи магнит индуксиясини реал вақтда аниқлаш имконини берувчи диагностика қурилмаси ишлаб чиқилган;
асинхрон тортув электр двигателларининг ҳаво оралиғидаги магнит майдоннинг ўзгариш қонуниятларини инобатга олган ҳолда техник ҳолатини баҳолаш имконини берувчи алгоритм ва услубиёт ишлаб чиқилган.
IV. Тадқиқот натижаларининг жорий қилиниши. Локомотивларнинг ўзгарувчан ток электр двигателларини сунъий нейрон тармоқларини қўллаш орқали техник ҳоатини баҳолаш бўйича олиб борилган илмий тадқиқот натижалар асосида:
асинхрон тортув электр двигателлари техник ҳолатини баҳолаш имконини берувчи интеллектуал диагностика усули “Ўзбекистон” локомотив депосига жорий этилган (Ўзбекистон Республикаси Транспорт вазирлигининг 2025-йил 16-октябрдаги 4/Э1484-сонли маълумотномаси). Натижада асинхрон тортув электр двигателларининг носозликларини олдиндан баҳолаш имконини берган. 
асинхрон тортув электр двигателларининг статор ва ротор оралиғидаги ҳаво бўшлиғи магнит индуксиясини реал вақтда аниқлаш имконини берувчи диагностика қурилмаси “Ўзбекистон темир йўллари” АЖ локомотив деполарига жорий этилган (Ўзбекистон Республикаси Транспорт вазирлигининг 2025-йил 16-октябрдаги 4/Э1484-сонли маълумотномаси). Натижада кутилаётган йиллик иқтисодий самарадорлик 856 321 000 (саккиз юз эллик олти миллион уч юз йигирма бир минг) сўмни ташкил этган.