Эгамов Жўшқин Жуманазар ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Энергиятежамкор картошка ковлагичга цилиндрсимон элеватор ишлаб чиқиш ва параметрларини асослаш”, 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: В2024.3.PhD/Т4946.
Илмий раҳбар: Норчаев Даврон Рустамович, техника фанлари доктори, профессор.
Диссертация бажарилган муассаса номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, DSc.05/13.05.2020.Т.112.01.
Расмий оппонентлар: Толибаев Алписбай Ержанбаевич, техника фанлари доктори, катта илмий ходим; Гойипов Умиджон Гуломжонович, техника фанлари бўйича фалсафа доктори, доцент.
Етакчи ташкилот: Гулистон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади энергиятежамкор картошка ковлагичга унинг туганакларини сифатли элаклайдиган цилиндрсимон элеватор ишлаб чиқиш ва параметрларини асослашдан иборат.
III. Тадқиқотнинг илмий янгилиги: 
картошка пуштасининг тупроғини кам энергия ҳисобига самарали элаклаш учун энергиятежамкор картошка ковлагичга цилиндрсимон элеваторнинг конструксияси ишлаб чиқилган;
ишлаб чиқилган цилиндрсимон элеватор конструктив параметрлари, кам энергия сарфлаб, картошкани кам шикастлаш ҳисобига, самарали элаклаш шартидан келтириб чиқарилган аналитик ифодалар асосида аниқланган;
цилиндрсимон элеватор қурилмаси билан жиҳозланган энергиятежамкор картошка ковлагичнинг элакловчи цилиндрсимон элеваторининг горизонтга нисбатан ўрнатилиш бурчаги картошкани шикастланиши ва ергача бўлган учиш масофасидан келиб чиқиб асосланган; 
цилиндрсимон элеваторнинг горизонтга нисбатан ўрнатилиш бурчаги, узунлиги ва айланишлар сонининг мақбул қийматлари тупроқнинг элакланиш даражаси, картошканинг йўқотилиши ва шикастланиши ҳамда агрегатнинг ҳаракат тезлиги ва иш режимларига боғлиқлик қонуниятларини ифодаловчи регрессия тенгламаларини биргаликда ечиш орқали аниқланган.
IV. Тадқиқот натижаларининг жорий қилиниши. Энергиятежамкор картошка ковлагичга цилиндрсимон элеватор ишлаб чиқиш ва параметрларини асослаш бўйича олинган натижалар асосида:
энергия-ресурстежамкор картошка ковлагичга дастлабки талаблар ва техник топшириқ ишлаб чиқилган (Қишлоқ хўжалигида билим ва инновациялар миллий марказининг 2024-йил 21-декабрдаги №05/01-05/02-05/04-03-430-сон маълумотномаси). Натижада цилиндрсимон элеватор уюмлагич билан жиҳозланган картошка ковлагич конструксиясини ишлаб чиқиш имкони яратилган;
энергиятежамкор картошка ковлагичнинг тажриба нусхаси Қишлоқ хўжалигини механизациялаш илмий-тадқиқот институти тажриба хўжалиги даласида ва Тошкент вилояти Янгийўл туманидаги фермер хўжаликларида жорий этилган (Қишлоқ хўжалигида билим ва инновациялар миллий марказининг 2024-йил 21-декабрдаги №05/01-05/02-05/04-03-430-сон маълумотномаси). Натижада картошка ковлагичнинг агротехник ва техник-эксплуатацион иш кўрсатгичлари, яъни картошка тугунакларининг ковлаб олиш тўлиқлиги 97,3 фоизгача ошишига, картошка тугунакларининг шикастланиш даражасини 1,5-2,0 фоизгача камайишига эришилган;
энергиятежамкор картошка ковлагични ўзлаштириш учун унинг лойиҳа-конструкторлик ҳужжатлари (дастлабки талаблар, техник топшириқ ва чизмалар) “БМКБ-Агромаш” АЖ да лойиҳалаш жараёнига жорий этилган (Қишлоқ хўжалигида билим ва инновациялар миллий марказининг 2024-йил 21-декабрдаги №05/01-05/02-05/04-03-430-сон маълумотномаси). Натижада цилиндрсимон элеватор уюмлагич билан жиҳозланган картошка ковлагичнинг саноат нусхаларини ишлаб чиқариш имконияти яратилган.