Жуманиязов Махмуд Омирзакович 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража берадиган фан тармоғи номи): “Ёнғин ўчириш енгларининг қуритиш қурилмасини такомиллаштириш”, 05.10.02 – “Фавқулодда ҳолатларда хавфсизлик. Ёнғин, саноат, ядро ва радиация хавфсизлиги” (техника фанлари).
Диссертация мавзуси рўйхатга олинган рақам: B.2025.1.PhD/Т4983.
Илмий раҳбар: Султонов Соҳиб Собирович, техника фанлари бўйича фалсафа доктори (PhD), доцент.
Диссертация бажарилган муассаса номи: Ўзбекистон Республикаси Фавқулодда вазиятлар вазирлиги Академияси.
ИК фаолият кўрсатаётган муассаса номи, ИК рақами: Ўзбекистон Республикаси Фавқулодда вазиятлар вазирлиги Академияси, DSc.40/29.12.2022.Т.129.01.
Расмий оппонентлар: Гаппаров Фурқат Ахмадович техника фанлари доктори, профессор, Саидов Мухиддин Садирович, техника фанлари бўйича фалсафа доктори (PhD), катта илмий ходим.
Етакчи ташкилот: Самарқанд давлат архитектура қурилиш университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Ёнғин ўчириш енгларини қисқа муддатда қуритиш орқали ёнғин-қутқарув бўлинмалари фаолияти самарадорлигини ошириш.
III. Тадқиқотнинг илмий янгилиги:
ёнғин ўчириш енгларини тез ва сифатли  қуритиш, қайта жанговар шай ҳолатга келтиришдаги тезкорлигини ошириш, яроқлик муддати ва хусусиятларини сақлаб қолиш учун турларининг иккита намунадаги махсус қурилманинг фрагментларини ишлаб чиқилиши асосида такомиллаштирилган;
иккита намунадаги махсус қурилманинг енгларни қуритишнинг энг мақбул вариантларининг танланганини ҳисобга олган ҳолда, вақтга нисбатан 30–70 % гача самарадор эканлиги, 30 дақиқадан  120 дақиқагача бўлган оралиқда қуритиш жараёнида ҳам енглардаги намлик йўқотилишининг физик-механик хусусиятларига зиён етказмаслиги кўрсаткичларининг боғлиқлиги нисбат катталиги бўйича аниқланган;
узоқ муддатли ёнғинлар, газ ва нефт фонтанлари ва бошқа турдаги мураккаб ёнғинларни билан боғлиқ фавқулодда вазиятларни бартараф этишда мобил қуритиш қурилмасидан фойдаланган ҳолда ёнғин ўчирувчиларнинг тезда жанговар шай ҳолатга келтириш имкониятини оширишнинг математик модели ишлаб чиқилган;     
илк бора совуқ ва иссиқ об–ҳаво шароитида таклиф этилаётган намунадаги мобил қуритиш ускунасида диаметри 51, 66 ва 77 мм.ли бўлган босим остида ишловчи резина гидроизоляция қопламали енгларни 40°C, 50°C ва 60°C қуритиш ҳароратида қуритилиши эвазига, сарф харажатларни 12–21% гача тежашни ифодаловчи  усуллар ишлаб чиқилган;
IV.Тадқиқот натижаларининг жорий қилиниши. Босим остида ишловчи ёнғин ўчириш енгларини қуритиш усулларини такомиллаштиришга йўналтирилган илмий изланишлар бўйича олинган натижалар асосида:
ёнғин бартараф этгандан сўнг босим остида ишловчи ёнғин ўчириш енглари янги ишлаб чиқилган мобил кўринишдаги қуритиш қурилмасидан фойдаланиб қуритиш “Уз-Кор Гас Чемиcал” МЧЖ ҚК Устюрт газ-кимё комлекси, “Тахиатош Иссиқлик электр станцияси” АЖ ва Қорақалпоғистон Республикаси Фавқулодда вазиятлар бошқармасида жорий этилган (2025 йил 19 январдаги 3-сонли далолатнома,2015 йил 22 январдаги 1/1/27-323-сонли маълумотнома). Натижада, босим остида ишловчи енгларни қуритишга мўлжалланган мобил қуритиш камерасидан фойдаланишнинг иқтисодий самарадорлигини кенгайтирилган ҳисоб–китобига кўра йилига 381 393 988,16 сумни тежаш имконияти мавжудлиги аниқланган.
Содир бўладиган ёнғинларни ўчиришга мўлжалланган янги ёнғин ўчириш енгларини қуритишнинг иккита  янги турдаги намуналари Ўзбекистон Республикаси ФВВ ва Қорақалпоғистон Республикаси Фавқулодда вазиятлар бошқармасининг тегишли бўлим ва ёнғин ўчириш қисмларига жорий этилган (Қорақалпоғистон Республикаси ФВБнинг 2025-йил 22-январдаги 1/1/27-323-сонли, Ўзбекистон Республикаси ФВВнинг (2025-йил 24-январдаги 4/5/30-126-сонли маълумотномаси). Натижада, содир бўладиган ёнғинларни ўчиришга мўлжалланган янги ёнғин ўчириш енгларини қуритишнинг иккита  янги турдаги намунадаги фрагментларининг ишлаб чиқилиши, ёнғин ўчириш бўлинмаларининг ёнғинларни тезкорлик билан ўчириш имконияти ва самарадорлигини 20–25% гача яхшилашга эришилган.