Ражабов Нуриддин Равшановичнинг 
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Пенсия тизимини молиялаштиришни такомиллаштиришнинг устувор йўналишлари”, 08.00.07 – “Молия, пул муомаласи ва кредит”.
Диссертация мавзуси рўйхатга олинган рақам: B2019.3.PhD/Iqt1113. 
Илмий раҳбар: Рустамов Даврон Рустамович, иқтисодиёт фанлари доктори, профессор.
Диссертация бажарилган муассаса номи: Тошкент давлат иқтисодиёт университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.03/30.12.2019.I.17.01.
 Расмий оппонентлар: Жумаев Нодир Хосиятович, иқтисодиёт фанлари доктори, профессор; Ражабов Шерзод Умрзоқович, иқтисодиёт фанлари доктори, профессор.
Етакчи ташкилот: Г.В.Плеханов номидаги Россия иқтисодиёт университети Тошкент шаҳри филиали.
Диссертация йўналиши: назарий ва амалий аҳамиятга молик.
II. Тадқиқотнинг мақсади: пенсия тизимини молиялаштиришни такомиллаштиришнинг устувор йўналишларига қаратилган илмий таклиф ва амалий тавсиялар ишлаб чиқишдан иборат.
III.Тадқиқотнинг илмий янгилиги қуйидагилардан иборат:
пенсионерларни ижтимоий қўллаб-қувватлаш чораларини янада кучайтириш, тизимнинг ижтимоий адолатлилигини сақлаб қолиш мақсадида «Саховат» интернат уйлари ҳамда Уруш ва меҳнат фахрийлари учун республика пансионатида яшовчи ёлғиз пенсионерларга шахсий сарф-харажатлари учун камида тўланадиган ойлик пенсия миқдорини амалдаги 10 фоиздан 20 фоизгача ошириш зарурлиги асосланган;
ижтимоий ҳимояга мухтож ёшларни қўллаб-қувватлаш мақсадида боқувчисини йўқотганлик пенсиясини олиш ёшини 18 ёшгача узайтириш таклиф этилган;
аҳолининг  боқувчисини йўқотган қатламини турмуш даражасини оширишга қаратилган чора-тадбирлар изчиллигини таъминлаш, фуқароларни ижтимоий ҳимоя қилиш ва моддий қўллаб-қувватлаш мақсадида таълим муассасаларида таҳсил олаётган боқувчисини йўқотган ўқувчи ва талабаларга боқувчисини йўқотганлик пенсиясини тўлашни 23 ёшгача узайтириш таклиф этилган;
фуқароларни ижтимоий жиҳатдан қўллаб-қувватлашни кучайтириш ва пенсияларни ҳисоблаш ва тайинлаш тизимини ижтимоий адолат принциплари асосида такомиллаштириш мақсадида иш стажига 18 ёшгача бўлган ногирон болага қараб турилган вақтни қўшиб ҳисоблашнинг мақсадга мувофиқлиги асосланган.
IV.Тадқиқот натижаларининг жорий қилиниши. Пенсия таъминоти тизимидаги муаммоларни ҳал этиш бўйича ишлаб чиқилган таклифлар асосида:
пенсионерларни ижтимоий қўллаб-қувватлаш чораларини янада кучайтириш, тизимнинг ижтимоий адолатлилигини сақлаб қолиш мақсадида «Саховат» интернат уйлари ҳамда Уруш ва меҳнат фахрийлари учун республика пансионатида яшовчи ёлғиз пенсионерларга шахсий сарф-харажатлари учун камида тўланадиган ойлик пенсия миқдорини амалдаги 10 фоиздан 20 фоизгача ошириш таклифи Ўзбекистон Республикаси Президентининг 2021 йил 25 мартдаги «Кексалар ва ногиронлиги бўлган шахсларни ижтимоий қўллаб-қувватлаш, «Саховат» ва «Мурувват» интернат уйлари тизимини янада ривожлантириш тўғрисида»ги ПФ-6195-сон Фармонида ўз аксини топган. (Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармасининг 2023 йил 2 июндаги 05-01932-сон маълумотномаси). Ушбу таклифнинг амалиётга жорий қилиниши натижасида пенсионерларнинг реал даромадлари оширилган ҳамда ижтимоий тўловлар миқдорининг минимал истеъмол харажатлари қийматидан кам бўлмаслиги таъминланган;
ижтимоий ҳимояга мухтож ёшларни қўллаб-қувватлаш мақсадида боқувчисини йўқотганлик пенсиясини олиш ёшини 18 ёшгача узайтириш таклифи Ўзбекистон Республикасининг 2022 йил 9 февралдаги “Фуқароларнинг ва тадбиркорлик субъектларининг ҳуқуқлари кафолатлари янада кучайтирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида” ЎРҚ-752-сон Қонунида ўз аксини топган (Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармасининг 2023 йил 2 июндаги 05-01932-сон маълумотномаси). Ушбу таклифнинг амалиётга жорий қилиниши натижасида пенсионерларнинг реал даромадлари оширилган ҳамда ижтимоий тўловлар миқдорининг минимал истеъмол харажатлари қийматидан кам бўлмаслиги таъминланган;
аҳолининг  боқувчисини йўқотган қатламини турмуш даражасини оширишга қаратилган чора-тадбирлар изчиллигини таъминлаш, фуқароларни ижтимоий ҳимоя қилиш ва моддий қўллаб-қувватлаш мақсадида таълим муассасаларида таҳсил олаётган боқувчисини йўқотган ўқувчи ва талабаларга боқувчисини йўқотганлик пенсиясини тўлашни 23 ёшгача узайтириш таклифи Ўзбекистон Республикасининг 2022 йил 9 февралдаги “Фуқароларнинг ва тадбиркорлик субъектларининг ҳуқуқлари кафолатлари янада кучайтирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида” ЎРҚ-752-сон Қонунида ўз аксини топган (Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармасининг 2023 йил 2 июндаги 05-01932-сон маълумотномаси). Ушбу таклифнинг амалиётга жорий қилиниши натижасида пенсионерларнинг реал даромадлари оширилган ҳамда ижтимоий тўловлар миқдорининг минимал истеъмол харажатлари қийматидан кам бўлмаслиги таъминланган;
фуқароларни ижтимоий жиҳатдан қўллаб-қувватлашни кучайтириш ва пенсияларни ҳисоблаш ва тайинлаш тизимини ижтимоий адолат принциплари асосида такомиллаштириш мақсадида иш стажига 18 ёшгача бўлган ногирон болага қараб турилган вақтни қўшиб ҳисоблаш таклифи Ўзбекистон Республикасининг 2022 йил 9 февралдаги “Фуқароларнинг ва тадбиркорлик субъектларининг ҳуқуқлари кафолатлари янада кучайтирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида” ЎРҚ-752-сон Қонунида ўз аксини топган (Ўзбекистон Республикаси Иқтисодиёт ва молия вазирлиги ҳузуридаги бюджетдан ташқари Пенсия жамғармасининг 2023 йил 2 июндаги 05-01932-сон маълумотномаси). Ушбу таклифнинг амалиётга жорий қилиниши натижасида пенсионерларнинг реал даромадлари оширилган ҳамда ижтимоий тўловлар миқдорининг минимал истеъмол харажатлари қийматидан кам бўлмаслиги таъминланган.