Юлдашева Феруза Улуғбековнанинг
юридик фанлари доктори (DSc) диссертацияси ҳимояси ҳақида эълон

I.Умумий маълумотлар. 
Диссертация мавзуси, ихтисослик шифри (илмий даража берадиган фан тармоғи номи): “Ўзбекистон Республикасида давлат фуқаролик хизматининг ташкилий -ҳуқуқий асосларини такомиллаштириш”, 12.00.02 – “Конституциявий ҳуқуқ. Маъмурий ҳуқуқ. Молия ва божхона ҳуқуқи ихтисослиги (юридик фанлар).
Диссертация мавзуси рўйхатга олинган рақам: B2022.2. DSc /Yu198
Илмий маслаҳатчи: Асадов Шавкат Ғайбуллаевич юридик фанлар дοктοри, прοфессοр 
Диссертация бажарилган муассаса номи: Ўзбекистон Республикаси Президенти ҳузуридаги Давлат сиёсати ва бошқаруви академияси
ИК фаолият кўрсатаётган муассаса номи, ИК рақами: Ўзбекистон Республикаси Жамоат хавфсизлиги университети, DSc.32/30.12.2020.Yu.74.01 қошидаги Илмий кенгаш
Расмий оппонентлар: Ахмедов Даврон Куванович юридик фанлар доктори, профессор; Маликова Гулчехра Рихсиходжаевна юридик фанлар доктори, профессор; Рахимов Абдуманноб Кузиевич юридик фанлар доктори.
Етакчи ташкилот: Ўзбекистон Республикаси Ички ишлар вазирлиги Академияси. 
Диссертация йўналиши: назарий ва амалий аҳамиятга молик.
II.Тадқиқотнинг мақсади Ўзбекистон Республикасида давлат фуқаролик хизматининг ташкилий-ҳуқуқий асосларини такомиллаштириш бўйича илмий-назарий ва амалий жиҳатдан асослантирилган таклиф ва тавсиялар ишлаб чиқишдан иборат.
III.Тадқиқотнинг илмий янгилиги: 
субектив омилларни минималлаштиришга йўналтирилган меритократик тамойилларнинг жорий этилиши давлат фуқаролик хизматида шаффофлик ва хизмат самарадорлиги оширилишга ҳамда кадр ресурсларини ривожлантиришга ва бошқарув сифатини яхшилашга имкон бериши асослантирилган;
давлат фуқаролик хизматчисининг ҳуқуқий мақомининг консептуал модели (ҳуқуқ–мажбурият) чеклашлар, таʼқиқлар ва юридик жавобгарлик каби элементлар  билан бойитилиши унинг профессионал мустақиллиги ва давлат ҳокимияти манфаатлари орасидаги мувозанатни таʼминловчи ҳуқуқий механизмнинг асосини ташкил этиши асослаб берилган;
молиявий-назорат, лицензиялаш, рухсатнома бериш, тафтиш ваколатларига эга давлат фуқаролик хизмати лавозимларининг дифференциацияланган рўйхати шакллантирилиши ҳамда ушбу лавозимларни эгаллаган хизматчиларни уларнинг розилигисиз мажбурий ротация қилиниши давлат хизматида коррупсиявий омилларнинг чекланишига хизмат қилиши асослаб берилган;
давлат фуқаролик хизматчисининг юридик ҳамда интизомий жавобгарликка тортишда процессуал кафолатларни (тушунтириш, далилларни текширишда иштирок этиш, ҳимояланиш, эʼтироз билдириш ҳуқуқи) кучайтирилиши унинг касбий мажбурият ва вазифаларини бажариши самарадорлиги оширилишига хизмат қилиши асослантирилган;
давлат фуқаролик хизматини натижадорликка қаратилган стандартлар асосида ташкил этиш, кадрлар сиёсатида танлов ва рақобатни кучайтириш, маʼмурий аппаратнинг ихчамлаштириш давлат бошқарувининг институционал сифатини ривожлантиришга ёрдам бериши исботланган.
IV.Тадқиқот натижаларининг жорий қилиниши. Тадқиқот асосида олинган натижалар қуйидагиларда оъз ифодасини топган:
меритократик тамойилларнинг жорий этилиши давлат фуқаролик хизматида шаффофлик ва хизмат самарадорлиги оширилишга ҳамда кадр ресурсларини ривожлантиришга ва бошқарув сифатини яхшилашга имкон беришига оид ғоя ва таклифлар кадрлар малакасини ошириш курсларида фойдаланиш учун “Давлат хизмати” (Ўзбекистон Республикаси Президенти ҳузуридаги Давлат бошқаруви академияси Кенгашининг 2024-йил 6-майдаги 8-сонли баённомаси) дарслигига киритилган (Ўзбекистон Республикаси Президенти ҳузуридаги Давлат бошқаруви академиясининг 2025-йил 29-январдаги 02-07/81-сонли далолатномаси). Ушбу таклифнинг инобатга олиниши давлат фуқаролик хизматига қабул қилиш жараёнида субектив омилларни минималлаштиришда назарий асос яратди;
давлат фуқаролик хизматчисининг ҳуқуқий мақомининг консептуал модели (ҳуқуқ–мажбурият) чеклашлар, таʼқиқлар ва юридик жавобгарлик каби элементлар билан бойитилиши тўғрисидаги таклиф 2022-йил 8-августдаги ЎРҚ-788-сонли Ўзбекистон Республикасининг “Давлат фуқаролик хизмати тўғрисида”ги Қонунининг 16-моддасига жорий қилинган (Ўзбекистон Республикаси Олий Мажлиси Қонунчилик палатаси Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитасининг 2022-йил 30-сентябрдаги 04/10-10-169- сон далолатномаси). Ушбу таклифнинг инобатга олиниши давлат фуқаролик хизматчисининг профессионал мустақиллиги ва давлат ҳокимияти манфаатлари орасидаги мувозанатни таʼминловчи ҳуқуқий механизмни ишлаб чиқишга асос яратган;
мажбурий равишда ротация қилиниши лозим бўлган давлат фуқаролик хизмати лавозимларининг рўйхатини белгилаш ва ушбу рўйхатдагиларни уларнинг розилигисиз ротация қилиш тўғрисидаги таклифлар 2022-йил 8-августдаги ЎРҚ-788-сонли Ўзбекистон Республикасининг “Давлат фуқаролик хизмати тўғрисида”ги Қонунининг 39-моддаси учинчи хатбошиси ўз ифодасини топган (Ўзбекистон Республикаси Олий Мажлиси Қонунчилик палатаси Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитасининг 2022-йил 30-сентябрдаги 04/10-10-169-сон далолатномаси). Ушбу таклифлар асосида ротация қилиниши шарт бўлган лавозимлар ва ушбу лавозимлардаги хизматчилар ротацияси мажбурий эканлиги белгиланиши давлат фуқаролик хизматида коррупсиявий омилларнинг чекланишига хизмат қилган.
давлат фуқаролик хизматчисининг юридик ҳамда интизомий жавобгарликка тортишда процессуал кафолатларни кучайтирилиши тўғрисидаги таклиф 2022-йил 8-августдаги ЎРҚ-788-сонли Ўзбекистон Республикасининг “Давлат фуқаролик хизмати тўғрисида”ги Қонунининг 16-моддасининг 3 қисмига жорий қилинган (Ўзбекистон Республикаси Олий Мажлиси Қонунчилик палатаси Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитасининг 2022-йил 30-сентябрдаги 04/10-10-169- сон далолатномаси). Ушбу таклиф давлат фуқаролик хизматчиларнинг касбий мажбурият ва вазифаларини бажариши самарадорлиги оширилишига хизмат қилган;
давлат фуқаролик хизмати лавозимларининг сиёсий гуруҳига тааллуқли давлат фуқаролик хизматчиларини лавозимга тайинлаш ва лавозимдан озод қилиш тартибини алоҳида норматив-ҳуқуқий ҳужжатлар билан белгилаш тўғрисидаги таклиф 2022-йил 8-августдаги ЎРҚ-788-сонли Ўзбекистон Республикасининг “Давлат фуқаролик хизмати тўғрисида”ги Қонунининг 23-моддасига жорий қилинган (Ўзбекистон Республикаси Олий Мажлиси Қонунчилик палатаси Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитасининг 2022-йил 30-сентябрдаги 04/10-10-169-сон далолатномаси). Ушбу таклиф давлат фуқаролик хизмати лавозимларининг сиёсий гуруҳига тааллуқли давлат фуқаролик хизматчиларини лавозимга тайинлаш ва лавозимдан озод қилишнинг сиёсий омиллари ва бошқа хусусиятларини инобатга олиш учун ҳуқуқий замин яратган.