Рузиев Беҳзод Рустамовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): “Ўзбекистон Республикаси божхона органлари томонидан товар белгиларига бўлган ҳуқуқларнинг оммавий-ҳуқуқий ҳимоясини такомиллаштириш”, юридик фанлар бўйича фалсафа доктори (PhD) илмий даражасини олиш учун ёзилган
12.00.02 – Конституциявий ҳуқуқ. Маъмурий ҳуқуқ. Молия ва божхона ҳуқуқи (юридик фанлар) ихтисослиги бўйича.
Диссертация мавзуси рўйхатга олинган рақам: B2022.4.PhD/Yu851.
Илмий раҳбар: Мусаев Бекзод Турсунбоевич, юридик фанлар доктори, профессор.
Диссертация бажарилган муассаса номи: Тошкент давлат юридик университети.
ИК фаолият кўрсатаётган муассаса номи, ИК рақами: Тошкент давлат юридик университети, DSc. 07/30.12.2019.Yu.22.02.
Расмий оппонентлар: юридик фанлар доктори, профессор Отахонов Фозилжон Ҳайдарович, юридик фанлар бўйича фалсафа доктори, доцент Ходжаев Шохжахон Акмалжон ўғли.
Етакчи ташкилот: Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг Божхона институти.
Диссертациянинг йўналиши: назарий ва амалий аҳамиятга молик.
II. Тадқиқотнинг мақсади Ўзбекистон Республикаси божхона органлари томонидан товар белгиларига бўлган ҳуқуқларнинг оммавий-ҳуқуқий ҳимоясини комплекс такомиллаштириш, хусусан ҳуқуқни қўллаш амалиётидан келиб чиқиб, товар белгиларининг оммавий-ҳуқуқий ҳимоясини илмий-назарий масалаларини таҳлил қилиш, асослаш, тегишли халқаро ҳужжатлар қоидаларини миллий қонунчиликка имплементация қилиш механизмини ишлаб чиқиш ва таклифлар беришдан иборат.
III. Тадқиқотнинг илмий янгилиги қуйидагилардан иборат: 
божхона хизмати органларига “Интеллектуал мулк обектларининг божхона реестри”га киритилган товар белгилари бўйича ҳуқуқбузарлик аниқланган тақдирда ўз ташаббусига кўра бу ҳақида ҳуқуқ эгасини хабардор қилиш ҳуқуқини бериш зарурлиги асосланган;
“Ягона дарча” божхона ахборот тизими орқали интеллектуал мулк обектларини Реестрга киритиш тўғрисидаги аризаларни юбориш ва қабул қилиш жараёнларини рақамлаштириш зарурлиги асослаб берилган;
ташқи иқтисодий фаолият божхона постларида божхона назорати ва расмийлаштируви жараёнида божхона органларига интеллектуал мулк обектлари ҳуқуқ эгаларининг қонуний манфаатларини ҳимоя қилиш вазифасини юклаш зарурлиги асосланган;
божхона органлари интеллектуал мулк обектларига бўлган ҳуқуқларни ҳимоя қилиш мақсадида товар белгисининг ҳуқуқ эгаси тўғрисидаги маълумотларни аниқлаштириш учун Ўзбекистон Республикасида интеллектуал мулк обектларига бўлган ҳуқуқларни ҳимоя қилиш соҳасидаги ваколатли давлат органига электрон сўров юбориши мумкинлиги асослаб берилган.
IV. Тадқиқот натижаларининг жорий қилиниши. Тадқиқот иши бўйича олинган илмий натижалар қуйидагиларда фойдаланилган: 
божхона хизмати органларига Интеллектуал мулк обектларининг божхона реестрига киритилган товар белгилари бўйича ҳуқуқбузарлик аниқланган тақдирда ўз ташаббусига кўра бу ҳақида ҳуқуқ эгасини хабардор қилиш ҳуқуқини бериш зарурлиги ҳақидаги таклиф Ўзбекистон Республикаси Президентининг 2022-йил 26-апрелдаги “Интеллектуал мулк соҳасини янада ривожлантиришга оид қўшимча чора-тадбирлари тўғрисида”ги ПҚ–221-сон қарорининг 2-бандини ишлаб чиқишда инобатга олинган (Адлия вазирлигининг 2023-йил 1-мартдаги 27/1-149/8-сонли маълумотномаси). Ушбу таклифнинг амалга оширилиши божхона органларининг  товар белгилари ҳуқуқий ҳимояси бўйича ваколатларини белгилашга, ушбу соҳадаги ҳуқуқбузарликларга қарши самарали курашга хизмат қилган; 
“Ягона дарча” божхона ахборот тизими орқали интеллектуал мулк обектларини “Интеллектуал мулк обектлари божхона реестри”га киритиш тўғрисидаги аризаларни юбориш ва қабул қилиш жараёнларини рақамлаштириш зарурлиги ҳақидаги таклиф Ўзбекистон Республикаси Президентининг 2022-йил 26-апрелдаги “Интеллектуал мулк соҳасини янада ривожлантиришга оид қўшимча чора-тадбирлари тўғрисида”ги 
ПҚ–221-сон қарорининг 4-бандини ишлаб чиқишда инобатга олинган (Иқтисодиёт ва молия вазирлиги ҳузуридаги Божхона қўмитасининг 2023-йил 27-майдаги 
16/05-23-00068-сонли маълумотномаси). Ушбу таклифнинг амалга оширилиши божхона органларининг товар белгилари ҳуқуқий ҳимояси бўйича фаолиятини рақамлаштиришга, товар белгиларига оид ҳуқуқларни самарали ҳуқуқий ҳимоясини таъминлашга хизмат қилган; 
ташқи иқтисодий фаолият божхона постларида божхона назорати ва расмийлаштируви жараёнида божхона органлари томонидан интеллектуал мулк обектлари ҳуқуқ эгаларининг қонуний манфаатларини ҳимоя қилиш ҳуқуқини тақдим этиш зарурлиги ҳақидаги таклиф Ўзбекистон Республикаси Президентининг 2022-йил 
26-апрелдаги “Интеллектуал мулк соҳасини янада ривожлантиришга оид қўшимча чора-тадбирлари тўғрисида”ги ПҚ–221-сон қарорининг 4-бандини ишлаб чиқишда инобатга олинган (Иқтисодиёт ва молия вазирлиги ҳузуридаги Божхона қўмитасининг 2023-йил 27-майдаги 16/05-23-00068-сонли маълумотномаси). Ушбу таклифнинг амалга оширилиши божхона органларининг товар белгилари ҳуқуқий ҳимояси бўйича ваколатларини кенгайтиришга хизмат қилган; 
божхона органлари интеллектуал мулк обектларига бўлган ҳуқуқларни ҳимоя қилиш мақсадида товар белгисининг ҳуқуқ эгаси тўғрисидаги маълумотларни аниқлаштириш учун Ўзбекистон Республикасида интеллектуал мулк обектларига бўлган ҳуқуқларни ҳимоя қилиш соҳасидаги ваколатли давлат органига электрон сўров юбориши зарурлиги ҳақидаги таклиф 2024-йил 27-февралдаги Ўзбекистон Республикасининг “Ўзбекистон Республикаси Божхона кодексига божхона тартиб-таомилларини янада такомиллаштиришга қаратилган ўзгартиш ва қўшимчалар киритиш тўғрисида”ги ЎРҚ–913-сон Қонунинг 1-моддаси 40-бандини ишлаб чиқишда инобатга олинган (Иқтисодиёт ва молия вазирлиги ҳузуридаги Божхона қўмитасининг 2024-йил 21-мартдаги 15/05-24-00436-сонли маълумотномаси). Ушбу таклифнинг амалга оширилиши божхона органлари ва интеллектуал мулк обектларига бўлган ҳуқуқларни ҳимоя қилиш соҳасидаги ваколатли давлат органларининг товар белгилари ҳуқуқий ҳимояси бўйича ўзаро ҳамкорлигини таъминлашга хизмат қилган.
Мазкур диссертация хулосалари асосида ишлаб чиқилган таклиф ва тавсиялар қабул қилинган.