Акбаров Абдулҳамид Акмал ўғлининг
фалсафа доктори (PhD) диссертацияси ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Кичик бизнес ва хусусий тадбиркорлик фаолиятида иқтисодий хавфсизликни таъминлаш йўллари (Андижон вилояти мисолида)”, 08.00.15 – Тадбиркорлик ва кичик бизнес иқтисодиёти.
Диссертация мавзуси рўйхатга олинган рақам: B2024.4.PhD/Iqt4820.
Илмий раҳбар: Эрматов Акмалжон Адхамович, иқтисодиёт фанлари номзоди, доцент.
Диссертация бажарилган муассаса номи: Андижон давлат техника институти.
ИК фаолият кўрсатаётган муассаса номи, ИК рақами: Наманган давлат техника университети, PhD.03/27.05.2020.I.66.03.
Расмий оппонентлар: Маҳмудов Бахриддин Жураевич,  иқтисодиёт фанлари доктори, профессор;   Хасанов Илёс Махмудович,  иқтисодиёт фанлари бўйича фалсафа доктори (PhD), доцент.
Етакчи ташкилот: Фарғона давлат техника университети. 
Диссертация йўналиши: назарий ва амалий аҳамиятга молик. 
II. Тадқиқотнинг мақсади: Андижон вилоятида кичик бизнес ва хусусий тадбиркорлик фаолиятининг барқарор ривожланишига таъсир этаётган таҳдидлар аниқлаш асосида уларнинг иқтисодий хавфсизлигини таъминлаш бўйича илмий таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги: 
илмий-услубий ёндашувга кўра “кичик бизнес ва хусусий тадбиркорлик фаолиятининг иқтисодий хавфсизлиги” тушунчаси кичик бизнес субъектлари барқарор ривожланиши ва узлюксиз фаолиятини таъминлашга қаратилган ички ва ташқи таҳдидалардан ҳимоя қилишни ўз ичига олувчи чора-тадбирлар, сиёсатлар ва стратегиялар мажмуасига кўра такомиллаштирилган;
кичик бизнес ва тадбиркорлик фаолиятининг маълум ҳудуд миқёсида иқтисодий хавфсизлиги ва барқарорлигининг “яшовчанлик” даражаси (КБХТЙ) “паст” (КБХТЙ < 0,34),  “ўрта” (0,34 ≤ КБХТЙ < 0,56),  “яхши” (0,56 < КБХТЙ ≤ 0,78) ҳамда “юқори” (КБХТЙ > 0,78) меъзон чегаралари асосида белгилаш таклифи асосланган;
кичик бизнес ва тадбиркорлик субъектлари иқтисодий хавфсизлигини таъминлаш жараёнида хавфларни аниқлаш ва баҳолаш, уларни камайтириш, бошқарув қарорларини қабул қилиш, хавфсизлик мониторингини амалга ошириш, ташқи муҳитга мослашиш ҳамда натижаларни мунтазам такомиллаштириш босқичларини қамраб олувчи такомиллашган алгоритм ишлаб чиқилган;
кичик бизнес ва тадбиркорлик ривожланишига таъсир этувчи омилларни баҳолаш асосида ЯҲМдаги кичик бизнес ва тадбиркорлик фаолияти ишлаб чиқариш ҳажмининг 2030-йилга қадар прогноз параметрлари ишлаб чиқилган.
IV. Тадқиқот натижаларининг жорий қилиниши. 
Кичик бизнес ва хусусий тадбиркорлик фаолиятининг иқтисодий хавфсизлигини таъминлаш бўйича ишлаб чиқилган илмий ва амалий таклифлар асосида: 
илмий-услубий ёндашувга кўра “кичик бизнес ва хусусий тадбиркорлик фаолиятининг иқтисодий хавфсизлиги” тушунчаси кичик бизнес субъектлари барқарор ривожланиши ва узлюксиз фаолиятини таъминлашга қаратилган ички ва ташқи таҳдидалардан ҳимоя қилишни ўз ичига олувчи чора-тадбирлар, сиёсатлар ва стратегиялар мажмуасига кўра такомиллаштирилишига доир назарий-услубий материаллардан олий ўқув юртлари талабалари учун тавсия этилган “Бизнесга кириш” номли ўқув қўлланма тайёрлашда фойдаланилган (Ўзбекистон Республикаси Олий таълим, фан ва инновациялар вазирлиги Андижон машинасозлик институти ректорининг 2024-йил 10-декабрдаги 920-К-сонли буйруғи). Мазкур илмий таклифнинг амалиётга жорий этилиши натижасида талабаларда таваккалчилик шароитида бизнес юритиш ҳамда кичик бизнес ва хусусий тадбиркорлик фаолиятининг иқтисодий хавфсизлиги тушунчасини юзасидан назарий билимларини янада кенгайтириш имкони яратилган (Ўзбекистон Савдо-саноат палатасининг 2025-йил 27-октябрдаги 06-10-33-17012-сонли маълумотномаси);
кичик бизнес ва тадбиркорлик фаолиятининг маълум ҳудуд миқёсида иқтисодий хавфсизлиги ва барқарорлигининг “яшовчанлик” даражаси (КБХТЙ) “паст” (КБХТЙ < 0,34),  “ўрта” (0,34 ≤ КБХТЙ < 0,56),  “яхши” (0,56 < КБХТЙ ≤ 0,78) ҳамда “юқори” (КБХТЙ > 0,78) меъзон чегаралари асосида белгилаш таклифи асосланган (Андижон вилояти ҳокимлигининг 2025-йил 25-июлдаги 02/29-107-сонли маълумотномаси). Мазкур илмий таклифнинг амалиётга жорий этилиши натижасида Андижон вилояти ҳокимлиги томонидан Булоқбоши, Шаҳрихон, Хўжаобод ва Бўстон туманларида қишлоқ хўжалиги, озиқ-овқат, ҳунармандчилик ҳамда тикув-трикотаж соҳаларида фаолият юритувчи кичик бизнес субъектларига кенг имтиёзлар тақдим этиш, Асака, Қўрғонтепа, Пахтаобод ва Жалақудуқ туманларида саноат ва қишлоқ хўжалиги салоҳиятини янада ривожлантириш, жумладан, қурилиш материаллари ва озиқ-овқат маҳсулотларини ишлаб чиқаришга эътибор қаратиш, Улуғнор туманининг марказий жойлашуви ҳисобга олиниб, транспорт-логистика хизматларини йўлга қўйиш, энг қуйи яшовчанлик кўрсаткичига эга бўлган Марҳамат, Избоскан ва Балиқчи туманларини таълим хизматларини кўрсатишга қайта ихтисослаштириш таклифи ишлаб чиқилган (Ўзбекистон Савдо-саноат палатасининг 2025-йил 27-октябрдаги 06-10-33-17012-сонли маълумотномаси);
кичик бизнес ва тадбиркорлик субъектлари иқтисодий хавфсизлигини таъминлаш жараёнида хавфларни аниқлаш ва баҳолаш, уларни камайтириш, бошқарув қарорларини қабул қилиш, хавфсизлик мониторингини амалга ошириш, ташқи муҳитга мослашиш ҳамда натижаларни мунтазам такомиллаштириш босқичларини қамраб олувчи такомиллашган алгоритм ишлаб чиқилган (Андижон вилояти ҳокимлигининг 2025-йил 25-июлдаги 02/29-107-сонли маълумотномаси). Мазкур илмий таклифни амалиётга жорий этиш натижасида Андижон вилоятида жойлашган кичик бизнес ва хусусий тадбиркорлик субъектларининг барқарор иқтисодий ривожланиш стратегиялари ҳамда иқтисодий хавфсизлик сиёсатларини ишлаб чиқишда фойдаланилган. Натижада “Хўжаобод Турон текстил” МЧЖ ҳамда “Барлос ҳилоли” ХКларининг барқарорлик ҳолати мос равишда 1,02% ҳамда 1,01% га ортган. (Ўзбекистон Савдо-саноат палатасининг 2025-йил 27-октябрдаги 06-10-33-17012-сонли маълумотномаси);
кичик бизнес ва тадбиркорлик ривожланишига таъсир этувчи омилларни баҳолаш асосида ЯҲМдаги кичик бизнес ва тадбиркорлик фаолияти ишлаб чиқариш ҳажмининг 2030-йилга қадар прогноз параметрлари ишлаб чиқилган (Андижон вилояти ҳокимлигининг 2025-йил 25-июлдаги 02/29-107-сонли маълумотномаси). Мазкур илмий таклифнинг амалиётга жорий этилиши натижасида Андижон вилояти ҳокимлиги томонидан Ўзбекистон Республикаси Вазирлар Маҳкамасининг “2022-2026-йилларда Андижон вилояти ҳудудларини комплекс ижтимоий-иқтисодий ривожлантириш ва аҳоли турмуш даражасини янада яхшилашга доир қўшимча чора-тадбирлар тўғрисида”ги ВМҚ-204-сонли қарорини ижро этишга қаратилган комплекс чора тадбирларни амалга оширишга доир ҳужжатларни ишлаб чиқишда фойдаланилган (Ўзбекистон Савдо-саноат палатасининг 2025-йил 27-октябрдаги 06-10-33-17012-сонли маълумотномаси).