Каримов Ризомат Адашвоевичнинг
фалсафа доктори (PhD) ҳимояси ҳақида эълон

I.Умумий маълумотлар.
Диссертация мавзуси, ихтиссослик шифри (илмий даража бериладиган фан тармоғи): “Тарихий география фанини замонавий педагогик технологиялар асосида ўқитиш методикаси”, 13.00.02-Таълим ва тарбия назарияси ва методикаси (тарих) (педагогика фанлари).
Диссертация мавзуси рўйхатга олинган рақам: B2025.2.PhD/Ped10078.
Илмий тадқиқот иши бажарилган муассаса номи: Чирчиқ давлат педагогика университети.
Илмий раҳбар: Намозов Журабек Абдуазизович, география фанлари бўйича фалсафа доктори (PhD), доцент.
ИК фаолият кўрсатаётган муассаса (муассасалар) номи, ИК рақами: Чирчиқ давлат педагогика университети, DSc.03/30.04.2021.Ped.82.01.
Расмий оппонентлар: Ражабов Фурқат Туракулович, педагогика фанлари доктори, доцент; Ярматов Рахимбой Бахромович, педагогика фанлари доктори, профессор.
Етакчи ташкилот: Гулистон давлат университети.
Диссертация йўналиши: назарий ва амалий аҳамиятга молик.
II.Тадқиқотнинг мақсади тарихий география фанини замонавий педагогик технологиялар асосида ўқитиш методикасини такомиллаштириш бўйича таклиф ва тавсиялар ишлаб чиқишдан иборат. 
III. Тадқиқотнинг илмий янгилиги қуйидагилардан иборат:
замонавий педагогик ёндашувлар асосида тарихий география фанининг услубий-дидактик таъминоти – фан мазмуни, ўқув мақсадлари, таълимий вазифалари ҳамда машғулот шакллари компетенсиявий ёндашув талаблари асосида янгиланган ҳамда ўқитиш жараёнида қўлланиладиган услубий материаллар ва технологиялар тизими мазмунан такомиллаштирилган;
тарихий география фанини замонавий педагогик технологиялар асосида ўқитишнинг дидактик модели мақсад, мазмуний-методологик, технологик-жараёнли, баҳолаш-мониторинг ва натижавий компонентлар узвийлигида, компетенсиявийлик, фанлараро интеграция, визуаллаштириш, тарихийлик ва даврийлик тамойилларига устуворлик бериш асосида такомиллаштирилган; 
тарихий география фанини ўқитиш методикаси дарс машғулотларида замонавий ахборот-коммуникация технологиялари – электрон хариталар, интерактив платформалар, ГАТ (географик ахборот тизимлари) технологиялари, виртуал лабораториялар каби рақамли воситалардан самарали фойдаланиш ҳамда “Идрок харитаси”, “Кейс”, “Лойиҳа асосида ўқитиш”, “Кластер” каби замонавий педагогик ва интерфаол методларни ўқув жараёнига интеграциялаш асосида такомиллаштирилган;
талабаларда тарихий география фанини ўзлаштиришда методик модел ва ўқитиш методикасини тажриба-синов машғулотларига татбиқ этиш орқали таълим самарадорлигига ижобий таъсир кўрсатган натижалар асосида ўқув-методик тавсиялар ишлаб чиқилган.
IV. Тадқиқот натижаларининг жорий қилиниши:
тарихий география фанини замонавий педагогик технологиялар асосида ўқитиш методикасини такомиллаштириш бўйича олиб борилган тадқиқот натижалари асосида: 
замонавий педагогик ёндашувлар асосида тарихий география фанининг услубий-дидактик таъминоти – фан мазмуни, ўқув мақсадлари, таълимий вазифалари ҳамда машғулот шакллари компетенсиявий ёндашув талаблари асосида янгиланган ҳамда ўқитиш жараёнида қўлланиладиган услубий материаллар ва технологиялар тизимини такомиллаштиришга оид тавсиялар “Педагогик технология” номли дарслик мазмунига сингдирилган (Ўзбекистон Республикаси Олий таълим, фан ва инновациялар вазирлигининг 2025-йил 6-мартдаги 491-сонли буйруғи билан тасдиқланган №491249-рақамли нашр рухсатномаси). Натижада, замонавий педагогик технологиялар асосида дарс машғулотларини ташкил этиш, ўқув топшириқлари ва баҳолаш воситаларини интеграциялашган ҳолда татбиқ этиш орқали таълим жараёни сифати ва самарадорлигини оширишга эришилган.
ташкилий-функсионал элементларни мақсад, мазмуний-методологик, технологик-жараёнли, баҳолаш - мониторинг ва натижавий компонентлар узвийлигида, компетенсиявийлик, фанлараро интеграция, визуаллаштириш, тарихийлик ва даврийлик тамойиллари орқали тарихий география фанини замонавий педагогик технологиялар ёрдамида ўқитиш тизимини технологиялаштиришга доир таклифлар ОТ-Ф1-049 рақамли “Талабаларда ассертив хулқни шакллантиришнинг ижтимоий-психологик хусусиятлари” (2017-2021й) мавзусидаги илмий-амалий лойиҳадаги вазифаларни бажаришда фойдаланилган. (Жиззах политехника институтининг 2021-йил 3-декабрдаги 02-2000-2005-сон маълумотномаси). Натижада, талабаларда нафақат назарий билимлар, балки тарихий-макондаги кўникмалар, мустақил фикрлаш ва изланиш маданиятини шаклланишига эришилган. 
тарихий география фанини ўқитиш методикаси дарс машғулотларида замонавий ахборот-коммуникация технологиялари – электрон хариталар, интерактив платформалар, ГАТ (географик ахборот тизимлари) технологиялари, виртуал лабораториялар каби рақамли воситалардан самарали фойдаланиш ҳамда “Идрок харитаси”, “Кейс”, “Лойиҳа асосида ўқитиш”, “Кластер” каби замонавий педагогик ва интерфаол методларни ўқув жараёнига интеграциялаш бўйича таклифлар “Педагогик технология” номли дарслик мазмунига сингдирилган (Ўзбекистон Республикаси Олий таълим, фан ва инновациялар вазирлигининг 2025-йил 6-мартдаги 491-сонли буйруғи билан тасдиқланган №491249-рақамли нашр рухсатномаси). Натижада, “Тарихий география” фанининг мазмунини замонавий, интерактив ва касбий йўналтирилган методик материаллар билан бойитишга хизмат қилган.
Тарихий география фанини замонавий педагогик технологиялар асосида ўқитиш методикасига оид олиб борилган тадқиқот ишлари натижалари, уларнинг илмий-амалий ишланмалари ҳамда ишлаб чиқилган таклиф ва тавсиялар таълим жараёнида самарадорликни оширишга хизмат қилиши билан бир қаторда, ёш авлодда маънавий-ахлоқий тарбия, миллий ва тарихий қадриятларга ҳурмат руҳини шакллантиришга доир илмий хулосалар Қори Ниёзий номидаги Тарбия педагогикаси миллий институти Қорақалпоғистон филиалида бажарилаётган А1-ХТ-0-92997 рақамли “Ёшларни умуминсоний, миллий ва тарихий қадриятлар уйғунлиги асосида маънавий-ахлоқий тарбиялашнинг муаммолари” мавзусидаги амалий лойиҳани амалга оширишда фойдаланилган. (Қори Ниёзий номидаги Тарбия педагогикаси миллий институти Қорақалпоғистон филиалининг 2025-йил 29-августдаги 342-сонли маълумотномаси). Натижада, тарихий-географик билимларни замонавий педагогик технологиялар асосида ўқитиш методикасини такомиллаштиришга эришилган.