Мажидов Шахзод Абдихалил ўғлининг
фалсафа доктори (PhD) диссертацияси ҳимояси ҳақида эълон

I.    Умумий маълумотлар.
Диссертация мавзуси, ихтисослик шифри: “Коррупциявий ҳуқуқбузарликлар ҳақида хабар берган шахслар ҳуқуқларини ҳимоя қилишни такомиллаштириш масалалари”, “12.00.12 – Коррупция муаммолари (юридик фанлар)”.
Диссертация мавзуси рўйхатга олинган рақам: В2023.1.PhD/Yu998
Илмий раҳбар: Каримов Вахабжон, юридик фанлари доктори, профессор.
Диссертация бажарилган муассаса номи: Ўзбекистон Республикаси Ҳуқуқни муҳофаза қилиш академияси.
ИК фаолият кўрсатаётган муассаса номи, ИК рақами: Ўзбекистон Республикаси Ҳуқуқни муҳофаза қилиш академияси, DSc.31/31.12.2020.Yu.67.01.
Расмий оппонентлар: юридик фанлари доктори, профессор Тиллабоев Мирзатилла Алишерович, иқтисод фанлари доктори, профессор Кабилов Шариф Рахимович. 
Етакчи ташкилот: Ўзбекистон Республикаси Коррупцияга қарши курашиш агентлиги.
Диссертация йўналиши: назарий ва амалий аҳамиятга молик.
II.    Тадқиқотнинг мақсади: Коррупциявий ҳуқуқбузарликлар ҳақида хабар берган шахсларнинг ҳуқуқларини ҳуқуқий жиҳатдан ҳимоя қилиш ва уларни рағбатлантириш билан боғлиқ назарий ва ҳуқуқий муаммоларни бартараф этиш юзасидан миллий қонунчиликни такомиллаштириш ҳамда мавзу бўйича таклиф ва тавсияларни ишлаб чиқишдан иборат.
III.    Тадқиқотнинг илмий янгилиги: 
манфаатлар тўқнашуви тўғрисидаги қонунчилик талабларини бажармаслик билан боғлиқ ҳуқуқбузарликни коррупцияга оид маъмурий ҳуқуқбузарликлар рўйхатига киритиш ва ушбу турдаги маъмурий ҳуқуқбузарлик ҳақида хабар берган шахсларни рағбатлантиришнинг ҳуқуқий асосларини қонунчиликда белгилаш асослантирилган;
манфаатлар тўқнашуви тўғрисидаги қонунчилик талабларини бажармаслик билан боғлиқ коррупцияга оид маъмурий ҳуқуқбузарлик ҳақида хабар берган шахсларга суд орқали ундириладиган жариманинг эллик фоизи миқдорида бир марталик пул мукофоти билан рағбатлантириш асослаб берилган;
непотизм ва одоб-ахлоқ қоидаларининг бузилиши билан боғлиқ хатти-ҳаракатларни коррупциявий ҳуқуқбузарликларга оид хабарларнинг тоифаларига киритишнинг зарурати асослантрилган;
коррупцияга оид ҳуқуқбузарликлар ҳақида хабар берган шахсларга нисбатан иш жойида таъқиб, тазйиқ ва зўравонлик ҳолатлари, шу жумладан
меҳнат ҳуқуқлари бузилишининг олдини олиш мақсадида ҳимоя ордерини тақдим этиш зарурлиги асослантирилган. 
IV.    Тадқиқот натижаларининг жорий қилиниши. Тадқиқот иши бўйича олинган илмий натижалар асосида:
манфаатлар тўқнашуви тўғрисидаги қонунчилик талабларини бажармаслик билан боғлиқ ҳуқуқбузарликни коррупцияга оид маъмурий ҳуқуқбузарлик рўйхатига киритиш ва ушбу турдаги маъмурий ҳуқуқбузарлик ҳақида хабар берган шахсларни рағбатлантиришнинг ҳуқуқий асосларини белгилаш юзасидаги таклифидан Ўзбекистон Республикаси Вазирлар Маҳкамасининг 31.12.2020 йилдаги 829-сон қарори билан тасдиқланган “Коррупцияга оид ҳуқуқбузарлик ҳақида хабар берган ёки коррупцияга қарши курашишга бошқа тарзда кўмаклашган шахсларни рағбатлантириш тартиби тўғрисида”ги низомнинг 3-банди бешинчи хатбошисига ўзгартириш ва қўшимчалар киритишда фойдаланилган (Ўзбекистон Республикаси Адлия вазирлигининг 2025 йил 14 ноябрдаги 8/12-0016-сон далолатномаси). Мазкур таклиф манфаатлар тўқнашуви тўғрисидаги қонунчилик талабларини бажармаслик билан боғлиқ коррупцияга оид маъмурий ҳуқуқбузарлик ҳақида хабар берган шахсларни рағбатлантиришнинг норматив-ҳуқуқий асосларини белгилашга имкон берган;
манфаатлар тўқнашуви тўғрисидаги қонунчилик талабларини бажармаслик билан боғлиқ коррупцияга оид маъмурий ҳуқуқбузарлик ҳақида хабар берган шахсларга суд орқали ундириладиган жариманинг эллик фоизи миқдорида бир марталик пул мукофоти тариқасида рағбатлантириш ҳақидаги таклифидан Ўзбекистон Республикаси Вазирлар Маҳкамасининг 31.12.2020 йилдаги 829-сон қарори билан тасдиқланган “Коррупцияга оид ҳуқуқбузарлик ҳақида хабар берган ёки коррупцияга қарши курашишга бошқа тарзда кўмаклашган шахсларни рағбатлантириш тартиби тўғрисида”ги низомнинг 9-банд “а” кичик бандининг учинчи хатбошисини ишлаб чиқишда фойдаланилган (Ўзбекистон Республикаси Адлия вазирлигининг 2025 йил 14 ноябрдаги 8/12-0016-сон далолатномаси). Мазкур таклиф манфаатлар тўқнашуви тўғрисидаги қонунчилик талабларини бажармаслик билан боғлиқ коррупцияга оид маъмурий ҳуқуқбузарлик ҳақида хабар берган шахсларни бир марталик пул мукофоти билан тақдирланишини таъминлашга хизмат қилган;
непотизм ва одоб-ахлоқ қоидаларининг бузилиши билан боғлиқ хатти-ҳаракатларни коррупциявий ҳуқуқбузарликларга оид хабарларнинг тоифаларига киритиш ҳақидаги таклифидан “Коррупцияга оид ҳуқуқбузарлик ҳақида хабар берган шахсларни ҳимоя қилиш тўғрисида”ги Қонуни лойиҳасининг 23-моддасини ишлаб чиқишда фойдаланилган (Ўзбекистон Республикаси Коррупцияга қарши курашиш агентлигининг 2025 йил 28 майдаги 8-сон далолатномаси). Ушбу таклифнинг инобатга олиниши нафақат коррупцияга оид маъмурий ёки жиноий ҳуқуқбузарликлар, балки коррупциявий хатти-ҳаракатлар ҳақида хабар берган шахсларга ҳам давлат ҳуқуқий ҳимояси тақдим этилишига хизмат қилади;
коррупцияга оид ҳуқуқбузарликлар ҳақида хабар берган шахсларга нисбатан иш жойида таъқиб, тазйиқ ва зўравонлик ҳолатлари, шу жумладан меҳнат ҳуқуқлари бузилишининг олдини олиш мақсадида ҳимоя ордерини тақдим этиш ҳақидаги таклифидан “Коррупцияга оид ҳуқуқбузарлик ҳақида хабар берган шахсларни ҳимоя қилиш тўғрисида”ги Қонуни лойиҳасининг 36-моддасини ишлаб чиқишда фойдаланилган (Ўзбекистон Республикаси Коррупцияга қарши курашиш агентлигининг 2025 йил 28 майдаги 8-сон далолатномаси). Ушбу таклиф хабар берган шахсларнинг иш жойида меҳнатга оид ҳуқуқларини ҳимоя қилиш юзасидан превентив ҳимоя чораларининг бир тури сифатида уларга ҳимоя ордерини тақдим этиш орқали уларнинг ҳуқуқ ва қонуний манфаатларини ҳимоя қилишга хизмат қилади.