Иброҳимов Бобуржон Равшанбек ўғли
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): 05.02.01–“Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси. Камёб, нодир ва радиоактив элементлар технологияси (қуймачилик ва металларга ишлов бериш технологияси йўналиши)” ихтисослиги.
Диссертация мавзуси рўйхатга олинган рақам: B2025.3.PhD/Т3904
Диссертация бажарилган муассаса номи: Ислом Каримов номидаги Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети хузуридаги DSc.03/30.12.2019.Т.03.04. рақамли Илмий Кенгаш.
Илмий раҳбар: Турсунбаев Сарвар Анварович, техника фанлари бўйича фалсафа доктори, доцент.
Расмий оппонентлар: Техника фанлари доктори, профессор, Дуняшин Н.С.; техника фанлари бўйича фалсафа доктори, доцент, Бегатов Ж.М.
Етакчи ташкилот: Наманган давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Зарбий юкланиш остида ишлайдиган чўяндан ишлаб чиқиладиган машинасозлик деталларининг зарбий қовушқоқлигини ошириш технологиясини такомиллаштиришдан иборат.
III. Тадқиқотнинг илмий янгилиги:
болғаланувчан чўян қотишмаси таркибига киритилган никел элементининг чўяндаги кимёвий элементлар билан реакция активлигининг ўзгариши асосида  болғаланувчи чўянни модификациялаш технологияси шлаб чиқилган;
оқ чўянни индуксион печда суюқ ҳолатда печ ичида ишлов бериш технологияси никелнинг темир билан таъсирланиши асосида олинган болғаланувчан чўян қуйиш технологияси ишлаб чиқилган;
болғаланувчан чўянни қум-гилли қолипга қуйишнинг биметалл усули чўянни икки босқичли қуйишда ҳосил бўладиган иссиқлик алмашинувдаги ҳароратлар фарқи асосида ишлаб чиқилган;
болғаланувчан чўяндан олинган қуйма маҳсулотларга паст ҳароратда термик ишлов беришнинг аустенизациялаш технологияси ушбу ҳароратда аустените ҳосил қилиш шартларининг чегаравий қийматлари асосида ишлаб чиқилган;
болғаланувчан чўяндан олинган қуйма маҳсулотларнинг зарбий қовушқоқлигини таъминлайдиган термик ишлов бериш технологияси зарбий қовушқоқликнинг қийматига ишлов бериш ҳароратининг юза қаттиқлигига таъсир қилишга боғлиқ равишда ишлаб чиқилган.
IV.Тадқиқот натижаларининг жорий қилиниши. Болғаланувчан чўянни индуксион печида модификациялаш технологияси “Навоий машинасозлик заводи” ИЧБ га жорий қилинган (НКМК АЖнинг 2025 йил 29 апрелдаги 23/01-01-07/325-сон маълумотномаси). Жорий қилиш натижасида қотишманинг зарбий қовушқоқлиги 7-8% га ортган;
Болғаланувчан чўянни қум-гилли қолипга қуйишнинг биметалл усули “Навоий машинасозлик заводи” ИЧБ га жорий қилинган (НКМК АЖнинг 2025 йил 29 апрелдаги 23/01-01-07/325-сон маълумотномаси). Жорий қилиш натижасида чўяннинг қаттиқлиги 7-9% га ортган;
Болғаланувчан чўяндан олинган қуйма маҳсулотларга паст ҳароратда термик ишлов беришнинг аустенизациялаш технологияси “Навоий машинасозлик заводи” ИЧБ га жорий қилинган (НКМК АЖнинг 2025 йил 29 апрелдаги 23/01-01-07/325-сон маълумотномаси). Жорий қилиш натижасида чўяннинг чўзишдаги мустаҳкамлиги 4-6% га ортган.