Файзуллаев Рустам Хамраевичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси ихтисослик шифри (илмий даража бериладиган фан тармоғи ва номи): “Бўлажак касб таълими ўқитувчиларининг ўқув-билиш компетентлигини модулли-рейтинг таълим асосида такомиллаштириш”, 13.00.05–Касб-ҳунар таълими назарияси ва методикаси (педагогика фанлари).

Диссертация мавзуси рўйхатга олинган рақам: В2019.1.PhD/Ped858.

Илмий раҳбар: Исмаилова Зухра Карабаевна, педагогика фанлари доктори, профессор.

Диссертация бажарилган муассаса номи: Тошкент ирригация ва қишлоқ хўжалигини механизациялаш муҳандислари институти.

ИК фаолият кўрсатаётган муассаса (муассасалар) номи, ИК рақами: Касб-ҳунар таълими тизимини инновацион ривожлантириш, педагог кадрларининг малакасини ошириш ва уларни қайта тайёрлаш институти, DSc.27.06.2017.Ped.48.01.

Расмий оппонентлар: Муслимов Нарзулла Алихонович, педагогика фанлари доктори, профессор; Муллахметов Радик Гилазович,  педагогика фанлари номзоди, доцент.

Етакчи ташкилот: Жиззах политехника институти.

Диссертация йўналиши: амалий ва назарий аҳамиятга молик.

II. Тадқиқотнинг мақсади: бўлажак касб таълими ўқитувчиларининг ўқув-билиш компетентлигини ўқитишнинг модул-рейтинг таълим асосида такомиллаштиришдан иборат.

III. Тадқиқотнинг илмий янгилиги:

касб таълими жараёнида ўқитишнинг модул-рейтинг технологиясини жорий этиш тамойиллари (ихчамлаштириш, тузилмалаштириш, рейтинглаш, мунтазам баҳолаш) асосида бўлажак касб таълими ўқитувчиларининг ўқув-билиш компетентлигининг ташкил-тузилмавий компонентлари (мотивацион, когнитив, фаолиятли, рефлексив, креатив) мазмунан такомиллаштирилган;

умумкасбий ва ихтисослик фанлари модул бирликларидаги техник билимларни компьютер технологиялари асосида интеграциялаш, тизимли квантлаш ва когнитив визуаллаштириш орқали модулли билиш дастури мазмуни такомиллаштирилган;

бўлажак касб таълими ўқитувчиларининг ўқув-билиш компетентлигини ўқитишнинг модул-рейтинг, “Case-Problem-Method”, “Case-Incident-Method” таълим технологиялари асосида такомиллаштиришнинг ташкилий-педагогик тузилмаси ишлаб чиқилган;

бўлажак касб таълими ўқитувчиларида ўқув-билиш компетентлигининг такомиллашганлиги даражасини баҳолаш мезонлари (когнитив, фаолиятий, мотивацион, краетив) ва усуллари (назарий, техник, ижодий, модул-рейтинг тизими, асссисмент, квалиметрик) мунтазамлик, изчилик ва босқичма-босқич тамойиллари асосида ривожлантирилган.

IV. Тадқиқот натижаларининг жорий қилиниши.

Олий таълим муассасаларида бўлажак касб таълими ўқитувчиларининг ўқув-билиш компетентлигини модулли-рейтинг таълим асосида такомиллаштириш бўйича олинган илмий натижалари асосида:

касб таълими жараёнида ўқитишнинг модул-рейтинг технологиясини жорий этиш тамойиллари (ихчамлаштириш, тузилмалаштириш, рейтинглаш, мунтазам баҳолаш) асосида бўлажак касб таълими ўқитувчиларининг ўқув-билиш компетентлигининг ташкилий-тузилмавий компонентларини мазмунан такомиллаштиришга оид таклиф ва тавсиялари 5111000-Касб таълими (5430100-Қишлоқ хўжалигини механизациялаш) бакалавриат таълим йўналиши малака талаблари мазмунига сингдирилган (Олий ва ўрта махсус таълим вазирлигининг 2018 йил 30 июлдаги 89-03-2729-сон маълумотномаси). Мазкур таклиф ва тавсиялар бўлажак касб таълими ўқитувчиларда ўқув-билиш компетентлигини ривожлантиришнинг асосий йўналишлари ва педагогик механизмлари такомиллаштиришга хизмат қилган;

“Case-Problem-Method”, “Case-Incident-Method” таълим технологиялари асосида бўлажак касб таълими ўқитувчиларининг ўқув-билиш компетентлигини такомиллаштиришнинг ташкилий-педагогик модели Тошкент ирригация ва қишлоқ хўжалигини механизациялаш муҳандислари институти, Қарши муҳандислик-иқтисодиёт институти, Тошкент ирригация ва қишлоқ хўжалигини механизациялаш муҳандислари институтининг Бухоро филиали, Бухоро муҳандислик-технология институтларининг касб таълими йўналишларида амалиётга жорий этилган (Олий ва ўрта махсус таълим вазирлигининг 2018 йил 30 июлдаги 89-03-2729-сон маълумотномаси). Мазкур модел олий таълим муассасаларида бўлажак касб таълими ўқитувчиларини касбий фаолиятга тайёрлашда ўқув-билиш компетентлигини такомиллаштиришга хизмат қилган;.

умумкасбий ва ихтисослик фанлари модул бирликларидаги техник билимларни компьютер технологиялари асосида интеграциялаш, тизимли квантлаш ва когнитив визуаллаштириш,  модулли билиш дастури орқали бўлажак касб таълими ўқитувчиларида ўқув-билиш компетентлигини такомиллаштиришга қаратилган  “Махсус фанларни ўқитиш методикаси” фанининг ўқув-методик таъминотини ҳамда бўлажак касб таълими ўқитувчиларида ўқув-билиш компетентлигини баҳолашнинг модул-рейтинг тизими ишлаб чиқилган ва амалиётга жорий этилган (Олий ва ўрта махсус таълим вазирлигининг 2018 йил 30 июлдаги 89-03-2729-сон маълумотномаси). Мазкур ўқув-методик таъминот бўлажак касб таълими ўқитувчиларининг ўқув-билиш компетентлигини модул-рейтинг тизими  асосида тизимли ва объектив баҳолашга хизмат қилган.