Алимов Бехзодходжа Ботировичнинг
фалсафа доктори (PhD) диссертация ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Маҳаллий хомашё ва саноат чиқиндилари асосида композицион оловбардош материалларнинг таркиблари ва олиш технологиясини ишлаб чиқиш», 02.00.07 – Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйхатга олинган рақам: В2025.2.PhD/Т2570.
Илмий раҳбар: Юнусов Миржалил Юсупович, техника фанлари доктори, профессор.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДМ, DSc.03/30.12.2019.К/Т.03.01. 
Расмий оппонентлар: Туляганова Васила Суннатиллаевна, техника фанлари доктори, катта илмий ходим; Негматов Жахонгир Носир ўғли, техника фанлари бўйича фалсафа доктори, катта илмий ходим.
Етакчи ташкилот: Фарғона давлат техника университети.
Диссертация йўналиши: амалий аҳамиятга молик.
II. Тадқиқотнинг мақсади: маҳаллий хомашё ва саноат чиқиндилари асосида композицион оловбардош материалларнинг таркиблари ва олиш технологиясини ишлаб чиқишдан иборат.
III. Тадқиқотнинг илмий янгилиги:
композицион оловбардош материаллар олиш учун танланган органо-ноорганик ингредиентларнинг кимёвий-минералогик таркиби ва асосий физик-кимёвий, механик ва технологик хоссалари аниқланган;
маҳаллий хомашё ва ишлаб чиқариш чиқиндилари асосида композицион оловбардош материалларнинг рационал таркиби ишлаб чиқилган;
юқори оловбардош, физик-механик ва эксплуатацион хоссаларга эга бўлган композицион оловбардош материалларнинг оптимал таркиби ишлаб чиқилган;
вермикулит, серпентинит ва микрокремнезем асосидаги қопламалар одатдаги оловбардош қопламаларга нисбатан деярли 2 баробар кичик ҳажм оғирлигига, 4 баробар кичик иссиқлик ўтказувчанлик коэффициентига ва натижада 1,2 баробар юқори оловбардошликка эга эканлиги аниқланган;
саноатнинг қурилиш соҳасида қўллаш учун композицион оловбардош материаллар олиш технологияси ишлаб чиқилган;
олинган композицион оловбардош материаллар таннархи мавжудларига нисбатан 2 баробар арзонлашгани аниқланган.
IV. Тадқиқот натижаларининг жорий қилиниши. Маҳаллий хомашёлар ва саноат чиқиндилари асосида композицион оловбардош материаллар таркиби ва олиш технологиясини ишлаб чиқиш бўйича олинган илмий натижалар асосида:
композицион оловбардош материаллар олишнинг ишлаб чиқилган технологияси “Бекобод Огнеупор” қўшма корхонаси цехида синовдан ўтказилган ва амалиётга жорий этилган (“Ўзқурилишматериаллари” АЖнинг 2025 йил 22 майдаги 02/15-1685-сонли маълумотномаси). Натижада, физик-механик ва эксплуатацион хоссалари яхшиланган композицион оловбардош материалларни олиш ҳамда уларнинг таннархини 2 баробарга камайтириш имконини берган;
қурилиш-техник тавсифлари яхшиланган вермикулит ва серпентинит тоғ жинсларининг табиий слюдали минераллари асосида ишлаб чиқилган композицион оловбардош материалларнинг мақбул таркиблари “Бекобод Огнеупор” қўшма корхонасида амалиётга жорий этилган (“Ўзқурилишматериаллари” АЖнинг 2025 йил 22 майдаги 02/15-1685-сонли маълумотномаси). Натижада, қурилиш материаллари ва конструкцияларининг чидамлилигини 2 баробарга ошириш имконини берган.