BAKIEVA Shaxlo Xamidullaevnaning

doktorlik dissertatsiya himoyasi haqida e’lon

    I. Umumiy ma’lumotlar.

Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: tibbiyot fanlari nomzodi.

Dissertatsiya mavzusi ro‘yxatga olingan raqam: 30.09.2014/B2014.3-4.Tib177.

Dissertatsiya mavzusi, ixtisoslik shifri: «Qon tizimi patologiyasida burun va burun yondosh bo‘shliqlari kasalliklari klinikasi, patogenezi va davolash», 14.00.04–otorinolaringologiya  (tibbiyot fanlari).

Ilmiy  maslahatchining F.I.Sh., ilmiy darajasi va unvoni: Xakimov Abdumalik Maxmudovich, tibbiyot fanlari doktori, professor.

Dissertatsiya bajarilgan muassasa nomi: Toshkent tibbiyot akademiyasi.

IK faoliyat ko‘rsatayotgan muassasa nomi, IK raqami: Toshkent tibbiyot akademiyasi, 16.07.2013.Tib.17.01.

Rasmiy opponentlar: MD, professor Doris Lang-Loidolt; t.f.d., professor Kiselev A.S.; t.f.d., professor Djabbarov K.D.

Yetakchi tashkilot: Seul milliy universiteti.

Dissertatsiya yo‘nalishi: amaliy ahamiyatga molik.

    II. Nashr ishlari.

Ilmiy daraja talabgori tomonidan nashr ishlariga qo‘yilgan talablar to‘liq bajarilgan, jumladan:

a) O‘zbekiston Respublikasi OAKning doktorlik dissertatsiyalari asosiy ilmiy natijalari nashr qilish tavsiya etilgan ilmiy nashrlar ro‘yxatiga kiritilgan 5 ta milliy ilmiy jurnalda 14 ta ilmiy maqola, 2 ta xorijiy ilmiy jurnalda 2 ta ilmiy maqola nashr qilingan;

b) dissertatsiya mavzusi bo‘yicha 5 ta ma’ruza tezisi xalqaro ilmiy-amaliy konferensiya materiallarida e’lon qilingan (jumladan: 2012, Rossiya Federatsiyasi; 2013, Buyuk Britaniya).

  III. Tadqiqotning maqsadi: qon tizimi patologiyasida burun va burun yondosh bo‘shliqlarining morfofunksional holatini, kasalliklar  klinik belgilarining  o‘ziga xos xususiyatlarini o‘rganish va patogenetik asoslangan kompleks davolashni ishlab chiqish.

    IV. Dissertatsiyaning ilmiy yangiligi:

anemiyaning og‘ir shakllari, gemostaz va gemoblastoz holatida kechadigan burun va burun yondosh bo‘shliqlari kasalliklarini uchrashi darajasi (chastotasi) aniqlangan;

anemiyaning og‘ir shakllari, gemostaz, gemoblastoz patologiyasida burun va burun yondosh bo‘shliqlari kasalliklari klinik kechishining o‘ziga xos xususiyatlari aniqlangan;

qon patologiyasida  burun va burun yondosh bo‘shliqlari yalliglanish kasalliklari patogenezini asosida differensiatsiyalangan  davolash usullari ishlab chiqilgan;

leykemiya va aplastik anemiya eksperimental modellarida yuqori jag‘ va burun bo‘shlig‘i shilliq kavatining holati baholangan;

ilik aplaziyasi va leykemiyada tuzilmaviy buzilishlarning umumiy va o‘ziga xos xususiyatlari aniqlangan;

qon tizimi patologiyasi bulgan bemorlarda  burun va burun yondosh bo‘shliqlari kasalliklarini ehtiyotli davolash va LOR a’zolarining holatini uzoq muddatli dinamik kuzatuvi o‘tkazish  algoritmi ishlab chikilgan.

    V. Dissertatsiyaning amaliyotga joriy etilgan ilmiy natijalari:

Tadqiqot natijalari «Qon patologiyasida burun va burun yondosh bo‘shliqlari shilliq pardasining holatini baholash usuli» O‘zbekiston Intellektual mulk agentligi, № IAP 20120442 patent ko‘rinishida rasmiylashtirilgan;

«Burun va burunga yondosh bo‘shliqlarining yallig‘lanish kasalliklari: patogenezi, diagnostikasi va davolash», «Burundan qon ketishi: patogenezi, diagnostikasi va davolash» deb nomlangan metodik tavsiyalar sog‘liqni saqlash amaliyotiga, jumladan, Andijon davlat tibbiyot instituti klinikasining gematologiya bulimi va 1-chi Samarqand viloyati ko‘p tarmoqli tibbiyot markazining gematologiya markaziga joriy qilingan (O‘zbekiston Respublikasi Sog‘liqni saqlash vazirligining 29.12.2014 yildagi 35-sonli xulosasi). Yukorida kayd etilgan tavsiyalarni qon patologiyasi mavjud bemorlarda burun va burunga yondosh bo‘shliqlari kasalliklarini davolash samaradorligi 31,3% foizga oshdi va bemorlarning statsionardagi o‘rin kuni 1,8 martagacha qisqardi.