Саидов Иззатилло Истамовичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): “Бошланғич синф ўқувчиларини жисмоний тарбия машғулотларида соғломлаштиришнинг ташкилий-услубий хусусиятлари”, 13.00.04–Жисмоний тарбия ва спорт машғулотлари назарияси ва методикаси (педагогика фанлари).

Диссертация мавзуси рўйхатга олинган рақам: В2018.1.PhD/Ped462.

Илмий раҳбар: Керимов Фикрат Азизович, педагогика фанлари доктори, профессор.

Диссертация бажарилган муассаса номи: Бухоро давлат университети.

ИК фаолият кўрсатаётган муассаса номи, ИК рақами: Ўзбекистон давлат жисмо­ний тарбия ва спорт университети, DSc.27.06.2017.Ped.28.01.

Расмий оппонентлар: Кошбахтиев Илдар Ахмедович, педагогика фанлари доктори, профессор; Маткаримов Рашид Машарипович, педагогика фанлари номзоди, профессор.

Етакчи ташкилот: Урганч давлат университети.

Диссертация йўналиши: назарий ва амалий аҳамиятга молик.

II. Тадқиқотнинг мақсади: бошланғич синф ўқувчиларини жисмоний тарбия машғулотларида соғломлаштиришнинг ташкилий-услубий хусусият­ларига асосланган услубиятни такомиллаштириш бўйича таклиф ва тавсиялар ишлаб чиқишдан иборат.

III. Тадқиқотнинг илмий янгилиги:

умумий ўрта таълим мактабларида таҳсил олувчи ўқувчиларнинг саломат­лигини сақлаш ва мустаҳкамлашга қаратилган жисмоний тарбия дастурининг ўзига хос ташкилий-услубий хусусиятларига асосланган услубият такомиллаштирилган;

жисмоний тарбия дарсларида 10-11 ёшли ўқувчиларнинг саломатлигини мустаҳ­камлайдиган аэробика, эгилувчанлик ва мушаклар чўзилувчанлигини яхшилашга хизмат қилувчи стретчинг машқларини қўллаш механизми ишлаб чиқилган;

ҳар хил даражадаги индивидуал қобилият ва тайёргарликка эга бўлган 10-11 ёшли ўқувчилар учун вазифалар белгилаб олиниб, уларнинг жисмоний тайёргарлигини назарда тутган ҳолда жисмоний тарбия дарсларини ташкиллаштириш методикаси такомиллаштирилган;

бошланғич синф ўқувчиларининг индивидуал имкониятларини инобатга олган ҳолда уларда жисмоний тарбиянинг ҳаракат амалларига ўргатиш, жисмоний тайёргарлик,жисмоний ривожланганлик ва функционал тайёргарлигини ривожлан­тириш услубияти такомиллаштирилган.

IV. Тадқиқот натижаларининг жорий қилиниши.

Бошланғич синф ўқувчи­ларини жисмоний тарбия дарсларида соғломлаштиришнинг ташкилий-услубий хусусиятлари бўйича олинган илмий натижалар асосида:

умумий ўрта таълим мактаблари бошланғич синф ўқувчиларининг саломат­лигини сақлаш ва мустаҳкамлашга қаратилган жисмоний тарбия дастурининг ўзига хос ташкилий-услубий хусусиятларига асосланган такомиллаштирилган услубият Бухоро вилояти Жондор туманидаги 32- ва 33- умумий ўрта таълим мактаблари ҳамда Бухоро шаҳридаги 1 ва 9- умумий ўрта таълим мактаблари 10-11 ёшли ўқувчи­ларининг жисмоний тарбия дарсларида қўлланилган (Ўзбекистон Республика­си Жисмоний тарбия ва спорт вазирлигининг 2018 йил 6 декабрдаги 01-07-10-3112-сон маълумотномаси). Натижада 10-11 ёшли ўқувчилар билан соғломлаштириш йўнали­шидаги жисмоний тарбия дарсларини ўтказишда ўқувчиларнинг саломатлиги, жисмоний ва функционал тайёргарлик кўрсаткичлари яхшиланган;

жисмоний тарбия дарсларида 10-11 ёшли ўқувчиларнинг саломатлигини мустаҳ­камлайдиган аэробика, эгилувчанлик ва мушаклар чўзилувчанлигини яхшилашга хизмат қилувчи стретчинг машқларини қўллашнинг такомиллаштирилган методикаси Бухоро вилояти Жондор туманидаги 32- ва 33- умумий ўрта таълим мактаблари бошланғич синф ўқувчиларининг жисмоний тарбия дарсларида қўлланилган (Ўзбекистон Республикаси Жисмоний тарбия ва спорт вазирлигининг 2018 йил 6 декабрдаги 01-07-10-3112-сон маълумотномаси). Натижада 32-умумий ўрта таълим мактаби 10-11 ёшли ўқувчиларнинг эгилувчанлик сифати 44-48%га, 33-умумий ўрта таълим мактаби ўқувчиларининг эгилувчанлик сифати 42-47%га, Бухоро шаҳридаги 1-умумий ўрта таълим мактаби 10-11 ёшли ўқувчиларнинг эгилувчанлик сифати 40-45%га, 9-умумий ўрта таълим мактаби ўқувчиларининг эгилувчанлик сифати 43-46%га ривожланган;

ҳар хил даражадаги индивидуал қобилият ва тайёргарликка эга бўлган 10-11 ёшли ўқувчилар учун вазифалар белгилаб олиниб, уларнинг жисмоний тайёргарлигини назарда тутган ҳолда такомиллаштирилган методика Бухоро шаҳри­даги 1- ва 9- умумий ўрта таълим мактаблари бошланғич синф ўқувчиларининг жисмоний тарбия дарсларида қўлланилган (Ўзбекистон Республикаси Жисмоний тарбия ва спорт вазирлигининг 2018 йил 6 декабрдаги 01-07-10-3112-сон маълумот­номаси). Натижада 1- умумий ўрта таълим мактаби 10-11 ёшли ўқувчиларининг жисмоний тайёргарлик кўрсаткичи 11,5 %га, 9- умумий ўрта таълим мактаби 10-11 ёшли ўқувчиларининг жисмоний тайёргарлик кўрсаткичи 11,2%га яхшиланган;

бошланғич синф ўқувчиларининг индивидуал имкониятларини инобатга олган ҳолда уларда жисмоний тарбиянинг ҳаракатлантиришга қаратилган билимларини шакллантириш, жисмоний тайёргарлик,жисмоний ривожланганлик ва функционал тайёргарлик кўрсаткичларини яхшилашнинг такомиллаштирилган услубияти Бухоро вилояти Жондор туманидаги 32- ва 33-умумий ўрта таълим мактаблари бошланғич синф ўқувчиларининг жисмоний тарбия дарсларида қўлланилган (Ўзбекистон Республика­си Жисмоний тарбия ва спорт вазирлигининг 2018 йил 6 декабрдаги 01-07-10-3112-сон маълумотномаси). Натижада 32-мактабнинг 10-11 ёшли ўқувчи­ларининг жисмоний тайёргарлик кўрсаткичи 12,4%га, 33 - мактабнинг 10-11 ёшли ўқувчиларининг жисмоний тайёргарлик кўрсаткичи 12,2%га яхшиланган.