Yaxshiboeva Gulbahor Oybek qizi
pedagogika fanlari doktori (DSc) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi):         “Paramedisina sohasida raqobatbardosh  mutaxassislar tayyorlash tizimini takomillashtirishda ingliz tili o‘qitishning metodik asoslari”, 13.00.02- ta’lim va tarbiya nazariyasi va metodikasi (ingliz tili).
Dissertatsiya mavzusi ro‘yxatga olingan raqam: B2025.2.DSc/Ped1192.
 Ilmiy rahbar: 
Isroilova Dildora Muxtarovna - O‘zbekiston davlat jahon tillari universiteti kafedra mudiri, pedagogika fanlari doktori (DSc),professor.
Dissertatsiya bajargan muassasa nomi: Andijon davlat tibbiyot instituti.
IK faoliyat ko‘rsatayotgan muassasa nomi, IK raqami: Andijon davlat tibbiyot instituti, DSc.04/08.05.2024.Tib.95.03. 
Rasmiy opponentlar:  Dong Min Shin – Janubiy Koreya, Koreya milliy transport universiteti, "Paramedisina" fakulteti dekani, professor, Xakimov Abdulxakim - Andijon davlat universiteti, fizika kafedrasi mudiri, pedagogika fanlari doktori (DSc), dotsent,     Xoshimova Dildarxan Urinbaevna - Toshkent davlat yuridik universiteti kafedra professori, pedagogika fanlari doktori (DSc), professor. 
Yetakchi tashkilot: Chirchiq davlat pedagogika universiteti
Dissertatsiya yo‘nalishi:nazariy va amaliy ahamiyatga molik.
II. Tadqiqotning maqsadi: paramedisina sohasida raqobatbardosh  mutaxasisslar tayyorlash tizimini  ingliz tilini o‘qitish metodikasini sohaviy amaliy ehtiyojlariga moslashtirish orqali takomillashtirishdan iborat. 
III. Tadqiqotning ilmiy yangiligi:
Paramediklarning kundalik faoliyatida ishlatilinadigan maxsus "triage," "intubation," "CPR," "AED" kabi kasbiy terminlarni ketma-ketlik asosida to‘rt bosqichdagi bir xil ma’noni ifodalovchi turli so'zlar (sinonimlar), bir-biriga qarama-qarshi ma’nolarga ega so'zlar (antonimlar), Flipped learning (teskari ta’lim) texnologiyasi va gemifikatsiya yordamida amalga oshirish zarurati ilmiy asoslangan;  
Akademik mobillik sharoitida tibbiyot sohasi vakillarini turli madaniyatdagi bemorlar bilan muloqot qilish, ularning o‘ziga xos qadryatlari, urf-odatlari va e’tiqodlarini shifokor sifatida tushunishda “Tibbiyotda xorijiy til” fanining mazmuniga   simulyasion (Phet), mannequin-based simulators, virtual reality (VR) simulators, standardized patient simulators, task trainers  va intekrativ metodlarini tadbiq etish orqali modefikatsiyalashtirilgan;
Paramediklarning sohaviy ingliz tili (EMP) hamda madaniyatlararo kasbiy muloqot (intercultural professional communication skills) ko‘nikmalarini rivojlantirish maqsadida zamonaviy til o‘qitish metodologiyasining fanga yo‘naltirilgan yondashuvlaridan biri bo‘lgan Content and Language Integrated Learning (CLIL), shuningdek, aktiv ta’lim metodlari va kros-kultural o‘rganish (Cross-Cultural Learning, CCL) konsepsiyalari asosida integratsion-didaktik, adaptive, kognitiv va akademik model ishlab chiqilgan;
Tadqiqot jarayonida paramedisina yo‘nalishida faoliyat yuritayotgan talaba va mutaxassislar uchun ingliz tilidagi bilim, ko‘nikma va kasbiy terminologik nutqini kompleks tahlil qilish, yaratilgan yondashuvda baholash faqat grammatik va leksik bilim darajasi bilan cheklanmay, balki lingvistik, pragmatik va madaniyatlararo kommunikativ o‘qitishning kompetensiyaviy “A, B, C, D, E” mezonli baholash modeli takomillashtirilgan;
Fanlararo integratsiya, amaliy yondashuvlar, adaptiv ta’lim texnologiyalari, tahlil va manitoringlar asosida paramedisina yo‘nalishi talabalari, favqulotda vaziyatlar boshqarmasi va tez tibbiy yordam bo‘limi xodimlari bilan integratsiyalashgan hamkorlik (Collaborative learning) mexanizmi ilk marotaba mentorship yondashuvi (mentorship approach) hamda kasbiy hayotga moslashish (Cognitive Apprenticeship) strategiyalari ishlab chiqilgan.
IV. Tadqiqot natijalarining joriy qilinishi. Paramedisina sohasida raqobatbardosh  mutaxasisslar tayyorlash tizimini takomillashtirishda ingliz tili o‘qitishning metodik asoslari mavzusi yuzasidan:
paramedisina sohasida mutaxassis tayyorlash jarayonida ingliz tilini samarali o‘qitish, nafaqat til kompetensiyasini shakllantirish, balki kasbiy faoliyatga tayyorlovchi tibbiy jarayonlarni dars jarayoniga tadbiq etish maqsadida “Foreign language in medicine” (Tibbiyotda xorijiy til) nomli o‘quv qo‘llanmasi nashr etilgan.  (O‘zbekiston Respublikasi Oliy ta’lim, fan va innovatsiyalar Vazirligi, Andijon davlat tibbiyot institute rektorining 2024-yil 30-oktyabrdagi, 01/08/2471-sh sonli ma’lumotnomasi). Natijada sohaviy matnlar bilan ishlash, nazariy bilimlarni amaliyotga tadbiq etish, til ko‘nikmalarini mustahkamlash maqsadida mashqlar tizimi bilan ishlash imkoniyatiga erilshildi;
ilk bor o‘quv qo‘llanma asosida paramediklarni raqobatbardosh, xalqaro talab darajasiga mos  kadr etishtirish uchun to‘rt tillik hamda tibbiy qisqartmalardan  iborat elektron lug‘at ishlab chiqilgan (elektron hisoblash mashinalari uchun yaratilgan dasturning rasmiy ro‘yxatdan o‘tkazilganligi to‘g‘risidagi guvohnoma O'zbekiston Respublikasi adliya Vazirligi № 54154). Natijada bugungi kunda paramedisina sohasida tahsil olayotgan mutaxassislarni so‘z boyligini yanada oshirish, ingliz tilidagi sohaviy til ko‘nikmalarini  takomillashtirish va nutq malakalarini  rivojlantirishga erishilgan;
paramedisina sohasida raqobatbardosh mutaxassislar tayyorlashda madaniyatlararo muloqotni rivojlantirish maqsadida, talabalarni sohaviy tanqidiy-tahliliy fikrlash qobilyatini shakllantiruvchi matnlar bazasini qo‘llashga doir taklif va tavsiyalardan Andijon davlat tibbiyot institutida 2019-yildan buyon o‘z faoliyatini olib borayotgan “Pearls of valley” yozgi o‘quv maktabi ishtirokchilarini tibbiy ingliz tiliga o‘rgatishda foydalanilgan. (2025-yil 24 iyuldagi 01/06-3850-sonli ma’lumotnoma). Natijada xalqaro toifadagi mutaxassislarni ingliz tilida simulyasion ta’lim texnologiyalari asosida o‘quv jarayonlarini tashkil etishga  xizmat qilgan; 
paramedisina yo‘nalishida tahsil oluvchi talaba va faoliyat yuritayotgan mutaxassislarni jahon standartlariga mos raqobatbardosh kadrlar tayyorlash tizimini takomillashtirish maqsadida xorijiy tillarni, xususan ingliz tilini o‘qitishning metodologik asoslari va paramediklar uchun sohaviy ingliz tilini oson va tez o‘rganishga qaratilgan mashq va topshiriqlaridan O‘zbekiston Milliy teleradiokompaniyasi “O‘zbekiston-24” ijodiy birlashmasi “O‘zbekiston” teleradiokanali tomonidan tayyorlangan, “Ta’lim va taraqqiyot”, “Adabiy jarayon”, “O‘zbekiston yoshlari” kabi turkum ko‘rsatuvlar va eshittirishlarning senariysini tayyorlashda (2023-2025 yillarda) foydalanilgan. (O‘zbekiston milliy teleradiokompaniyasi «O‘zbekiston 24» ijodiy birlashmasi, davlat muassasasining 21 iyul 2025 yildagi 05-09-1197-sonli ma’lumotnomasi) Natijada, Ingliz tilida yaratilgan interaktiv ta’lim resurslari (videodarslar, platformalar, simulyatorlar)dan samarali foydalanish imkoniyati yaratilib, Ingliz tilini qo‘llash orqali ushbu sohavakillarini darsga o‘rgatishda ko‘proq kasbga qiziqtirish va yo‘naltirilgan metodlarni nazariy jarayonlarni amaliyotga bog‘lash yuzasidan olib borilgan ilmiy tadqiqot ishlarining natijalari va ularning ta’lim jarayonidagi afzalliklari bilan bog‘liq amaliy takliflar ommalashtirilgan;
“Paramedisina” yo‘nalishi qo‘shma ta’lim dasturi talabalarini akademik mobillik sharoitida tibbiy maqsadlarda ingliz tilini o‘qitishning   pedagogik, metodik va psixologik xususiyatlari haqidagi tahliliy qarashlar va nazariy xulosalaridan Andijon davlat tibbiyot instituti hamda Janubiy Koreya “National Research Foundation of Korea” nazorati ostida Koreya milliy transport universiteti, Paramedisina fakulteti bilan birgalikda olib borilgan "Uzbekistan - Establishment of Paramedicine and Mass Casualty Incident (MCI) Triage Education Program" loyihasining ta’lim jarayonida foydalanilgan. (Koreya milliy transport universitetining 10-fevral, 2025-yildagi ma’lumotnomasi). Natijada “Paramedisina” sohasi bilan bog‘liq mavjud yoki yuzaga kelishi mumkin bo‘lgan muammolar hamda istiqbollarni ilmiy-nazariy va amaliy jihatdan chuqur o‘rganish, yangi innovatsion pedagogik texnologiyalarni ta’lim jarayonida qo‘llash hamda paramediklarning kasbiy ko‘nikma va malakalarini shakllantirish, zamonaviy talablar asosida paramedisina yo‘nalishini tashkil etish bo‘yicha o‘quv reja va dasturlar ishlab chiqilgan.