Юлдашева Дилдора Баходиржон қизининг
фалсафа доктори (PhD) диссертацияси ҳимояси ҳақида эълон

I.    Умумий маълумотлар.
Диссертация мавзуси, ихтисослик шифри: 05.06.02–Тўқимачилик материаллари технологияси ва хомашёга дастлабки ишлов бериш - “Табиий ипакдан  тўқима ишлаб чиқариш учун пишитилган ип тайёрлаш технологиясини такомиллаштириш”.
Диссертация мавзуси рўйхатга олинган рақам: B2025.2.PhD/Т5711
Илмий раҳбар: Муҳаммадрасулов Шамсиддин Хасанович техника фанлари фалсафа доктори,  катта илмий ходим
Диссертация бажарилган муассаса номи: Фарғона давлат техника университети. 
ИК фаолият кўрсатаётган муассаса номи, ИК рақами: Наманган тўқимачилик саноати институти DSc.03./04.10.2025.Т.174.01 
Расмий оппонентлар: Юлдашев Жамшид Қамбаралиевич  т.ф.д. (DSc), Абдуллаев Улуғбек Тўланбаевич т.ф.д. профессор
Етакчи ташкилот: Андижон машинасозлик институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Қуйи чизиқли зичликдаги бир қаватли хом ипакни тўқишга тайёрлаш технологиясини такомиллаштириш ва эшилган бир қаватли хом ипакдан юпқа, нафис ипак газлама ассортиментини яратиш ва уни ишлаб чиқаришни йўлга қўйишдан иборат.
III.Тадқиқотнинг илмий янгилиги қуйидагилардан иборат:
бир қаватли табиий ипакдан кўйлакбоп тўқималарини ишлаб чиқаришда танда ва арқоқ ипларига бурам бериш технологияси ишлаб чиқилган; 
табиий ипакдан тўқималар ишлаб чиқариш учун ипнинг яхлитлигини таъминлайдиган бир қаватли танда ва арқоқ ипларига бурам бериш жараёнида уларга 300, 400 ва ундан ортиқ бурам бериб, бир қаватли ипакдан тўқима олиш учун эшишнинг мақбул варианти ишлаб чиқилган;
бир қаватли қуйи чизиқли зичлигли хом ипак танда ва арқоқ ипларини эшишнинг технологик параметрларини оптимал қийматлари тўла омилли тажриба усули ёрдамида олинган регрессия моделларини таҳлили асосида ипларини узилишга чидамлилиги юқори бўлиши аниқланган;
такомиллаштирилган усулда тўқувга тайёрланган бир қаватли хом ипакдан танда  ва арқоқ ипларига 450  бурам берилган 2,33З тўқув ипларидан ташкил топган, тўқув иплари зичлиги ўзгармаган ҳолда тўқиманинг жипслигини  ортишини таъминлайдиган кўйлакбоп табиий ипак тўқимасининг тури яратилган ва наъмуна вариант ишлаб чиқилган. 
Тадқиқотнинг амалий натижалари қуйидагилардан иборат:
хом ипакни тўқишга тайёрлаш технологияси уларга маълум миқдорда бурам бериш технологик жараёнини киритиш орқали такомиллаштирилган, натижада хом ипак ипининг узувчи куч ва узулишдаги чўзилиш кўрсаткичлари сезиларли даражада яхшиланган;
республика ипакчилик саноатида илк бор бир қаватли танда ипларига ҳам, арқоқ ипларига ҳам маълум миқдорда бурам берилган ва унинг оптимал параметрлари ишлаб чиқилган;
олинган бир қаватли хом ипакдан юза зичлиги юқори бўлган юпқа ипак газлама тўқиш учун бир қаватли хом ипакка маълум даражада бурам бериш учун бериладиган бурамнинг оптимал параметри тўлиқ омилли тажриба ўтказиш асосида аниқлаб олинган;
ўтказилган лаборатория синови натижаларини таҳлилига кўра хом ипакнинг узувчи куч бўйича кўрсаткичи эшилгандан кейин 18,6% га, узилишдаги чўзилиш кўрсаткичи эса 15% га ортган. Эшилган хом ипак ипининг жипслигини эса эшилмаган хом ипакка нисбатан 23% га оширишга эришилган;
лаборатория синовлари натижасида такомиллаштирилган усулда тайёрланган бир қаватли хом ипакдан тўқилган тўқиманинг 10,0 см қирқимдаги узувчи кучи танда иплари бўйича стандарт кўрсаткичига нисбатан 54,4% га, назорат вариантига нисбатан эса 85,3% га, худди шу кўрсаткичлар арқоқ иплари бўйича стандарт кўрсаткичига нисбатан 17,75% га, назорат вариантига нисбатан эса 64,3% га орттиришга эришилган.
IV. Тадқиқот натижаларининг жорий қилиниши. Табиий ипакдан юқори сифатли юпқа нафис кўйлакбоп газламалар ишлаб чиқариш технологиясини такомиллаштириш асосида:
юпқа нафис пардозланган газламалар олишни такомиллаштирилган усулини Фарғона вилояти, Марғилон шаҳридаги “Шарқ ипаги Дурдонаси” МЧЖ корхонасида ишлаб чиқаришга жорий этилган (“Ўзбекипаксаноат” уюшмасининг 2025-йил 29-июлдаги №4-2/1304-сонли маълумотномаси). Натижада, хом ипакдан тўқилган тўқиманинг узиш кучи танда иплари бўйича 85,3% га, арқоқ иплари бўйича эса 64,3% га яхшиланган ҳамда корхонада кутилаётган йиллик иқтисодий самарадорлик 2 507 707 минг (икки миллиард беш юз етти миллион етти юз етти минг) сўмни ташкил этган.