Абдураҳмонов Паҳлавон Қаҳрамон ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи):
“Ўзбекистон Республикаси шароитида электр поезд вагонлари хизмат муддати узайтирилишини илмий асослаш”, 05.08.05 – “Темир йўлларнинг ҳаракатланувчи таркиби, поездларни тортиш ва электрлаштириш”.
Диссертация мавзуси рўйхатга олинган рақам: В2025.3.PhD/Т4741 
Илмий раҳбар Ф.И.Ш., илмий даражаси ва унвони: Рахимов Рустам Вячеславович, техника фанлари доктори, профессор.
Диссертация бажарилган муассаса номи: Тошкент давлат транспорт университети.
ИК фаолият кўрсатаётган муассаса номи, ИК рақами: Тошкент давлат транспорт университети, DSc 15/31.08.2022.Т.73.07.
Расмий оппонентларнинг Ф.И.Ш., илмий даражаси ва унвони: Третяков Александр Владимирович – техника фанлари доктори, профессор; Зайниддинов Нуриддин Савранбек ўғли – техника фанлар доктори (DSc), доцент.
Етакчи ташкилот: Жиззах политехника институти.
Диссертация йўналиши: амалий аҳамиятга молик. 
II. Тадқиқотнинг мақсади электр поезд вагонларининг хизмат муддатини узайтириш имкониятини илмий асослаш орқали уларнинг ресурсидан фойдаланиш самарадорлигини оширишдан иборат.
III. Тадқиқотнинг илмий янгилиги қуйидагилардан иборат:
электр поезд мотор вагони эксплуатациясининг хусусиятларини ҳисобга олган ҳолда, кузов элементларининг уларга таъсир этувчи динамик кучлардан юкланганлигини аниқлаш имконини берувчи электр поезд мотор вагони кузовининг юқори аниқликдаги чекли-элементли фазовий модели ишлаб чиқилган;
тензометрия усулини қўллашни инобатга олган ҳолда, электр поезд мотор вагони кузови ва аравачаси элементларининг юкланганлигини аниқлаш имконини берувчи ҳаракат-мустаҳкамлик синовларини ўтказиш дастури ва услубиёти ишлаб чиқилган;
электр поезд мотор вагони кузови ва аравачаси элементларининг мустаҳкамлик захираси ва қолдиқ ресурсини баҳолашни ҳисобга олган ҳолда, уларнинг хизмат муддатини узайтириш имкониятини асослаш учун кўрсатилган вагон элементларининг кучланиш-деформация ҳолатининг ҳаракат тезлигига боғлиқлиги аниқланган;
Ўзбекистон Республикаси шароитида реал ўлчовлар ва уларни ҳисобий маълумотлар билан таққослаш натижалари ишончлилигини ошириш имконини берувчи, электр поезд моторли вагони кузови ва аравачаси элементларида тензорезисторларни ўрнатиш учун оптимал «назорат нуқталари тармоғи» чекли элементлар усули асосида ишлаб чиқилган.
IV. Тадқиқот натижаларининг жорий қилиниши қуйидагилардан иборат: Электр поезд вагонларининг хизмат муддатини узайтириш имкониятини илмий асослаш орқали уларнинг ресурсидан фойдаланиш самарадорлигини ошириш бўйича олиб борилган илмий тадқиқотлар асосида:
электр поезд мотор вагонининг эксплуатацион самарадорлиги ва ишончлилигини оширишни таъминлайдиган янги конструктив ечимлар ишлаб чиқилган ва “Тошкент йўловчи вагонларини қуриш ва таъмирлаш заводи” АЖ амалиётига жорий этилган (Ўзбекистон Республикаси Транспорт вазирлигининг 2025 йил 29 октябрдаги 4/Э1564-сон маълумотномаси). Натижада таклиф этилган конструктив ечимлар электр поезд мотор вагони эксплуатацияси жараёнида юзага келадиган максимал кучланишларни камайиши ҳисобига унинг қолдиқ ресурси ва, тегишлича, хизмат муддатини узайтиришга имкон берган;
электр поезд мотор вагони кузови ва аравачаси элементларининг юкланганлигини тензометрия усули ёрдамида аниқлаш, уларнинг қолдиқ ресурсини ва хизмат муддатини узайтириш имкониятини баҳолаш ҳамда эксплуатация пайтида юзага келадиган максимал кучланишларни баҳолашга хизмат қилувчи дастур ва услубиёт “Тошкент йўловчи вагонларини қуриш ва таъмирлаш заводи” АЖда жорий этилган (Ўзбекистон Республикаси Транспорт вазирлигининг 2025 йил 29 октябрдаги 4/Э1564-сон маълумотномаси). Натижада, электр поезд мотор вагонини ҳаракат-динамик синовлардан ўтказиш вақти ва нархини қисқартириш, ишончли ва аниқ статистик маълумотлар ҳажмини ошириш, шунингдек, синовдан ўтказилаётган ҳаракатланувчи таркибнинг темир йўл тажриба участкалари бўйлаб ҳаракатланиш сонини камайтириш ҳисобига кутилаётган иқтисодий самарадорлик 784 млн сўмни ташкил этган.