Абдуллаева Заҳира Баҳодировнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): “Ўзбекистонида фуқаролик жамияти ривожланишининг мафкуравий омиллари”
09.00.06 – Ғоялар тарихи ва методологияси (фалсафа фанлари)
 Диссертация мавзуси рўйхатга олинган рақам: В2024.4.PhD/Fal435
Илмий раҳбар: Мавлонов Жўрабек Ёрқил ўғли сиёсий фанлар доктори, доцент 
Диссертация бажарилган муассаса номи: Мирзо Улуғбек номидаги Ўзбекистон Миллий университети.
 ИК фаолият кўрсатаётган муассаса (муассасалар) номи, ИК рақами: Ўзбекистон Миллий университети, DSc.03/30.12.2019.F.01.14. 
Расмий оппонентлар: Очилова Бахти Муродовна фалсафа фанлари доктори, профессор; Мусаев Фахриддин Абдусаттарович фалсафа фанлари доктори, профессор.
Етакчи ташкилот: Бухоро давлат унверсетети 
Диссертация йўналиши: назарий-амалий аҳамиятга молик.
II. Тадқиқотнинг мақсади фуқаролик жамиятини ривожлантиришда мафкуравий омилларнинг фалсафий-илмий асосларини таҳлил қилиш, жаҳон ва миллий тажриба асосида уларнинг таъсир механизмларини аниқлаш, ҳамда мафкуравий барқарорликни таъминлашга қаратилган ғоявий ёндашувларни илмий жиҳатдан асослаб беришдан иборат.
III. Тадқиқотнинг илмий янгилиги:
фуқаролик жамиятини ривожлантиришда мафкуравий омилларнинг фалсафий ва аксиологик жиҳатларининг таҳлили асосида фуқаролик жамиятининг ғоявий замини ва инсоннинг маънавий-ахлоқий камолотга интилиши ўртасидаги ички боғлиқликнинг методологик аҳамияти очиб берилган;
жаҳон тажрибаси асосида мафкуравий таъсирнинг либерал, неомилитаристик, популистик ва консерватив каби моделларнинг мутаносиблиги қиёсий таҳлил этилган ва ушбу моделларнинг фуқаролик жамиятининг шаклланишидаги ўрни ва Ўзбекистон инсон қадри ғояси асосидаги моделининг моҳияти илмий асосланган;
глобал ахборот маконида намоён бўлаётган мафкуравий хуружларнинг Ўзбекистонда фуқаролик жамиятини шакллантириш жараёнига салбий таъсири тизимлаштирилган ва бунда миллий мафкуравий иммунитетни шакллантиришнинг ғоявий механизм сифатидаги ижтимоий аҳамияти очиб берилган;
фуқаролик жамиятини мустаҳкамлашда мафкуравий барқарорликни таъминлашга қаратилган фалсафий-назарий ёндашув модели ишлаб чиқилган, унда инсон онгига таъсир этувчи ички ва ташқи мафкуравий омиллар ўзаро боғлиқ ҳолда таҳлил қилиниб, уларни бартараф этишнинг механизмлари ишлаб чиқилган.
IV. Тадқиқот натижаларининг жорий қилиниши. Ўзбекистонда фуқаролик жамиятини ривожлантиришнинг мафкуравий омилларини амалга ошириш борасида олинган тадқиқот иши натижаси, хусусан:
фуқаролик жамиятини ривожлантиришда мафкуравий омилларнинг фалсафий-онтологик ва аксиологик асослари илмий жиҳатдан чуқур таҳлил қилиниб, бу орқали фуқаролик жамиятининг ғоявий замини ва инсоннинг маънавий-ахлоқий камолотга интилиши ўртасидаги ички боғлиқликнинг методологик жиҳатларига оид хулосалардан Ўзбекистон Республикаси Олий таълим, фан ва инновациялар вазирлигининг ижтимоий лойиҳаларида амалиётга тадбиқ қилинган (Олий таълим, фан ва инновациялар вазирлигининг 2025-йил 1-августдаги 04/17-2577-рақамли маълумотномаси). Натижалар, фуқаролик жамиятида сунъий интеллектдан тўғри фойдаланиш инсоний қадриятларни асрашнинг омили эканлигини тушунишга хизмат қилган;
Жаҳон тажрибаси асосида мафкуравий таъсирнинг турли шакллари – либерал, неомилитаристик, популистик ва консерватив моделлар контекстида таҳлил қилинганлиги ва ушбу моделларининг фуқаролик жамиятининг шаклланишига бўлган таъсирининг қиёсий таҳлили асосида, уларнинг илмий моҳияти очиб берилганлигига оид хулосалардан Ўзбекистон Республикаси Навоий вилояти Оила ва хотин-қизлар бошқармаси томонидан ташкил этилган Ўзбекистонда фуқаролик жамиятини ривожлантиришда гендер тенглик, ижтимоий фаоллик ва гуманистик қадриятларни кучайтиришга йўналтирилган инновацион ғоялар бўйича ўтказилган семинар-тренинг ва тадбирларда фойдаланилган. (Ўзбекистон Республикаси Оила ва хотин-қизлар қўмитаси томонидан 2025-йил 13-октябрдаги 02-02/1533-сонли маълумотномаси). Натижалар, ўтказилган тадбирлар ва семинар-тренинглар сифати, мазмунининг ортишида ҳамда хотин-қизларнинг муаммолари, эҳтиёжлари ва қизиқишларини ўрганиш, тизимли таҳлил қилиш ва муаммоларни ҳал этишга хизмат қилган;
Ўзбекистон¬да фуқаролик жамиятини шакллантириш жараёнидаги мафкуравий заифликлар ва глобал ахборот хуружлари таъсири илмий асосда тизимлаштирилган ва бунда миллий мафкуравий иммунитетни шакллантиришнинг ғоявий механизмлари ҳамда уларнинг фалсафий-амалий жиҳатларининг аҳамиятига оид хулосалардан Навоий вилоят Маънавият ва маърифат кенгашининг 2025-йилга мўлжалланган “Йўл харитаси”нинг ИВ бўлим, 28-банд доирасида белгиланган “Ҳудуд ўзига хослигини инобатга олган ҳолда ўрганишлар ва таҳлилларга асосланган, илмий жиҳатдан асосланган ъИжтимоий лойиҳаъ ишлаб чиқиш ва уни эксперимент тарзида синовдан ўтказиш” вазифасини бажаришда фойдаланилган. (Республика Маънавият ва маърифат маркази 2025-йил 20-октябрдаги 03-1276-сонли маълумотномаси). Натижалар, Ўзбекистонда олиб борилаётган маънавий-маърифий ва сиёсий жараёнларнинг мазмун-моҳиятини ёритишда, тўли ижтимоий лойиҳаларни яратишга илмий манба бўлиб хизмат қилган;
Фуқаролик жамиятини мустаҳкамлашда мафкуравий барқарорликни таъминлашга қаратилган комплекс фалсафий-назарий ёндашув модели ишлаб чиқилгани, унда инсон онгига таъсир этувчи ички ва ташқи мафкуравий омиллар ўзаро боғлиқ ҳолда таҳлил қилиниб, уларни бартараф этишнинг илмий асосланган механизмлари ишлаб чиқилгани ҳақидаги хулосалардан Ўзбекистон Республикаси “Миллий тикланиш” демократик партиясининг 2025–2029 йилларга мўлжалланган сайловолди дастурининг (Миллий ва умуминсоний қадриятларга таян¬ган жамият барпо этиш бобининг 5.1 Давлат ва жамоат ташкилотлари бошқарувини такомиллаштириш ҳамда 5.1.3. Маҳаллий давлат ҳокимияти, ўзини ўзи бошқариш органлари фаолиятини такомиллаштириш, фуқаролик жамиятини ривожлантириш) йўналишларда келтирилган вазифаларга мос келиши инобатга олиниб, ходимларнинг ижтимоий-сиёсий йўналишдаги билим ва кўникмаларини оширишда ҳамда мафкуравий тарғибот ишларида фойдаланилган. (ЎзМТДП Марказий кенгаши, 13-октябрдаги 02/01-93-сонли маълумотномаси). Натижалар, “Миллий тикланиш” демократик партияси электоратининг сиёсий фаолиятини такомиллаштириш, мафкуравий онгини оширишга хизмат қилган.