Karimov Akbarning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i) Mustaqillik yillarida O‘zbekistonning ijtimoiy-iqtisodiy va madaniy taraqqiyotida yoshlarning o‘rni (1991-2021-yillarda Surxondaryo viloyati misolida)”, 07.00.01–O‘zbekiston tarixi.
Dissertatsiya mavzusi ro‘yxatga olingan raqam: B2021.3.PhD/Tar951.
Dissertatsiya bajarilgan muassasa nomi: Termiz davlat universiteti.
Ilmiy rahbar: Tursunov Anvar Sayfullaevich, tarix fanlari bo‘yicha falsafa doktori (PhD), dotsent.
IK faoliyat ko‘rsatayotgan muassasa nomi, IK raqami: Termiz davlat universiteti, PhD.03/30.12.2019.Tar.78.02.
Rasmiy opponentlar: Qabulov Eshbolta Atamuratovich, tarix fanlari doktori (DSc), professor; Rashidov Oybek Rasulovich, tarix fanlari doktori (DSc), professor.
Yetakchi tashkilot: Qarshi muhandislik-iqtisodiyot instituti.
II. Tadqiqotning maqsadi: Mustaqillik yillarida (1991-2021-yillar) O‘zbekistonning ijtimoiy-iqtisodiy va madaniy taraqqiyotida yoshlarning o‘rnini Surxondaryo viloyati misolida yoritib berishdan iborat.
III. Tadqiqotning ilmiy yangiligi:
Mustaqillikning dastlabki yillarida viloyatning chegara hududlarida yashovchi yoshlarni terrorizm va ekstremizm oqimiga tortish bilan bog‘liq harakatlar bo‘lganligi, biroq, ushbu buzg‘unchi g‘oyalarga qarshi kurashda keng jamoatchilik tashkilotlari va huquq-tartibot idoralarining faoliyati birlamchi manbalar doirasida asoslangan;
yoshlar tashkilotining faoliyatini yo‘lga qo‘yishdagi dastlabki davr qiyinchiliklari, tashkilotning moddiy-texnik ta’minotini yo‘lga qo‘yish jarayonlaridagi nochorliklar, yoshlarning bandligini ta’minlash, ularni ijtimoiy qo‘llab-quvvatlash, yoshlar ongida milliy vatanparvarlik, daxldorlik tuyg‘ularini shakllantirish bilan bog‘liq holatlar va uning natijalari ilk bor ilmiy jihatdan ochiqlangan;
yoshlarning shakllanib kelayotgan qiziqish va orzu-istaklarini yo‘lga qo‘yish bilan bog‘liq jarayonlarda ko‘pincha ma’suliyasizlikka yo‘l qo‘yilganligi, o‘tkazilayotgan tadbirlarning ko‘pincha balandparvoz shiorlar darajasida o‘tkazilganligi bois yoshlar hayotida muhim iz qoldirmaganligi, aksincha yoshlar orasida ishsizlik, xorijga ish izlab chiqib ketish, jinoyatchilik, oilaviy nizolar kabi salbiy holatlar avj olganligi, ayniqsa maktab, kollej va ish beruvchi tashkilotlar o‘rtasida amaliy aloqa o‘rnatilmaganligi dalillangan;
Yangi O‘zbekiston sharoitida yoshlarni o‘qitish, ularga kasb-hunar o‘rgatish, yoshlar biznesini qo‘llab-quvvatlash, ularning bandligini ta’minlash, kitobxonlik madaniyatini shakllantirish, yoshlarning besh tashabbus doirasidagi faoliyati hamda davlat va jamoat tashkilotlari o‘rtasida yoshlar masalasida keng qamrovli dasturlar ishlab chiqilganligi va mazkur dasturlarning hayotga tatbiq etilganligi bilan bog‘liq ma’lumotlar dalillangan.
IV. Tadqiqot natijalarining joriy qilinishi.
Mustaqillikning dastlabki yillarida viloyatning chegara hududlarida yashovchi yoshlarni terrorizm va ekstremizm oqimiga tortish bilan bog‘liq harakatlar bo‘lganligi, biroq, ushbu buzg‘unchi g‘oyalarga qarshi kurashda keng jamoatchilik tashkilotlari va huquq-tartibot idoralarining faoliyati birlamchi manbalar doirasida asoslanganligi haqidagi ma’lumotlardan Termiz davlat universiteti Tarix fakulteti 2-kurslarida o‘tiladigan “Surxondaryo tarixi” fanining mustaqillik yillari 4-bobida foydalanilgan va “O‘zbekiston tarixi” telekanalida efirga uzatiladigan “Taqdimot” ko‘rsatuvlarini namoyish etishda foydalangan (O‘zbekiston milliy teleradiokompaniyasi “O‘zbekiston tarixi” telekanali DUKning 2023-yil 14-martdagi 06-31-415-son ma’lumotnomasi). Tadqiqot natijalarining joriy qilinishi teletomoshabinlarni shu jumladan, yoshlarni faollashtirib, ularning sifati va sonini ortishi, yosh tadbirkorlik faoliyati, uyushgan va uyushmagan yoshlarning ijtimoiy-iqtisodiy muammolari hamda amalga oshirilgan islohotlarni samarasi haqidagi ma’lumotlar keng jamoatchlikka etkazishga xizmat qilgan;
Yoshlar tashkilotining faoliyatini yo‘lga qo‘yishdagi dastlabki davr qiyinchiliklari, tashkilotning moddiy-texnik ta’minotini yo‘lga qo‘yish jarayonlaridagi nochorliklar, yoshlarning bandligini ta’minlash, ularni ijtimoiy qo‘llab-quvvatlash, yoshlar ongida milliy vatanparvarlik, daxldorlik tuyg‘ularini shakllantirish bilan bog‘liq holatlar va uning natijalari ilk bor ilmiy jihatdan ochiqlanganligi haqidagi ma’lumotlardan Surxondaryo viloyati ma’naviyat va ma’rifat markazida tashkil etilgan “O‘zbekiston yoshlari jahon ma’naviyat ko‘zgusida” tanlov targ‘ibotda keng foydalangan (Respublika Ma’naviyat va ma’rifat markazi huzuridagi ijtimoiy-ma’naviy tadqiqotlar institutining 2023-yil 23-martdagi 110-son ma’lumotnomasi). Yakunda, yoshlarda milliy qadriyatlarga hurmat, tarixiy ong va milliy g‘urur shakllanishini oshirish borasida amalga oshirilgan islohotlarning samarasi, shu bilan birga qo‘shni davlatlar, viloyatlar bilan aloqasi xususidagi ma’lumotlar haqida bilim va ko‘nikmalar rivojlanishiga xizmat qilgan.