Рустамов Алишер Рахматалиевичнинг
фалсафа доктори (PhD) Диссертацияси ҳимояси ҳақида эълон

I.Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Кичик бизнес субектларини ривожлантиришда инновациялардан самарали фойдаланиш йўллари” (Наманган вилояти мисолида), 08.00.15 - “Тадбиркорлик ва кичик бизнес иқтисодиёти”.
Диссертация мавзуси рўйхатга олинган рақам: B2023.1.PhD/Iqt2833.
Илмий раҳбар: Байхонов Баходиржон Турсунбаевич, иқтисодиёт фанлари доктори, профессор.
Диссертация бажарилган муассаса номи: Абу Райҳон Беруний номидаги Урганч давлат университети.
ИК фаолият кўрсатаётган муассаса номи, ИК рақами: Абу Райҳон Беруний номидаги Урганч давлат университети, DSc.03/27.09.2024.I.55.03.
Расмий оппонентлар: Худайберганов Дилшод Тухтабаевич, иқтисодиёт фанлари доктори, профессор; Назруз-Зода Лайли Бахтияровна, иқтисодиёт фанлари бўйича фалсафа доктори (PhD), доцент. 
Етакчи ташкилот: Термиз давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади кичик бизнес субектларини ривожлантиришда инновациялардан самарали фойдаланишга қаратилган илмий таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги.
кичик бизнес субектларида мувозанат ва фалсафий тизим негизида барқарор инновацион ривожланиш назариялари асосида инновацион ривожланишга таъсир этувчи шарт-шароитлар ва омиллар тизимлаштирилган;
Наманган вилоятидаги кичик бизнес субектларида инновациядан фойдаланиш даражаси ўзгаришини ссенарийлар асосида кўп омилли эконометрик моделлари таклиф этилган;
кичик бизнес субектлари самарадорлигига таъсир этувчи омиллар тадбиркорнинг ижодкорлиги, билимларни узатиш ва инновацион фаолиятни ташкил этиш, даромадлилик даражаси, жамоа билан ишлаш, тадбиркорнинг ўзини-ўзи самарадорлигини ошириш, маълумотлар базасини ташкил этиш жараёнларини баҳолашнинг консептуал модели таклиф этилган; 
кичик бизнес субектларини ривожлантиришда инновациядан самарали фойдаланишнинг 
2025-2030-йилларга мўлжалланган кўп омилли прогноз кўрсаткичлари ишлаб чиқилган. 
IV. Тадқиқот натижаларининг жорий қилиниши. Кичик бизнес субектларини ривожлантиришда инновациялардан самарали фойдаланиш бўйича олинган илмий натижалар асосида: 
кичик бизнес субектларида мувозанат ва фалсафий тизим негизида барқарор инновацион ривожланиш назариялари асосида инновацион ривожланишга таъсир этувчи шарт-шароитлар ва омилларни тизимлаштириш бўйича таклифи Савдо-саноат палатаси Наманган вилояти ҳудудий бошқармаси амалиётига жорий этилган (Ўзбекистон Республикаси Савдо-саноат палатасининг 2024-йил 26-июлдаги 13/08-3-4-10295-сон маълумотномаси). Ушбу янгилик натижасида Наманган вилоятида фаолият юритиб келаётган 14,0 % кичик бизнес субектларида аҳоли эҳтиёжидан келиб чиққан ҳолда 18 турдаги янги инновацион маҳсулот ишлаб чиқариш йўлга қўйилган;
Наманган вилоятидаги кичик бизнес субектларида инновациядан фойдаланиш даражаси ўзгаришини ссенарийлар асосида кўп омилли эконометрик моделлари бўйича таклиф Савдо-саноат палатаси Наманган вилояти ҳудудий бошқармаси амалиётига жорий этилган (Ўзбекистон Республикаси Савдо-саноат палатасининг 2024-йил 26-июлдаги 13/08-3-4-10295-сон маълумотномаси). Мазкур таклиф натижасида Наманган вилоятида фаолият кўрсатаётган 46,7 % кичик бизнес субектларининг таҳлил натижалари бўйича эришилган қиймат 2.76 га тенг ва қабул қилинган чегаралар доирасида деб олинди ва тадқиқот тадбиркорлик соҳаси ривожланишига, ижодкорлик ва инновациялар боғлиқлиги аниқланган;
кичик бизнес субектлари самарадорлигига таъсир этувчи омиллар тадбиркорнинг ижодкорлиги, билимларни узатиш ва инновацион фаолиятни ташкил этиш, даромадлилик даражаси, жамоа билан ишлаш, тадбиркорнинг ўзини-ўзи самарадорлигини ошириш, маълумотлар базасини ташкил этиш жараёнларини баҳолашнинг консептуал модели бўйича таклиф Савдо-саноат палатаси Наманган вилояти ҳудудий бошқармаси амалиётига жорий этилган (Ўзбекистон Республикаси Савдо-саноат палатасининг 2024-йил 26-июлдаги 13/08-3-4-10295-сон маълумотномаси). Мзкур таклиф натижасида Наманган вилоятида фаолият юритиб келаётган “Осиё хоме тек” МЧЖ субектларида асосий капиталга ўзлаштирилган инвестиция ҳажми 1,0 %га оширилса, корхонада инновациядан фойдаланиш даражаси 0,2 % ва ушбу корхоналарда ишлаётган ишчилар сонини 10 нафарга кўпайиши 1,3 % ошиши ҳамда  “Тўқимачи саноат текстил” корхонаси ҳисоботидан танлаб олинган тадбиркорлик субектларининг ишлаб чиқариш қувватидан фойдаланиш даражалари ва корхонада энергия сарфини 10,0 %га камайтириш ҳисобидан корхонада инновациядан фойдаланиш даражасини мос равишда қўшимча 8,5 % ва 4,0 %га ошишини ифода этиши аниқланган;
кичик бизнес субектларини ривожлантиришда инновациядан самарали фойдаланишнинг 2025-2030-йилларга мўлжалланган кўп омилли прогноз кўрсаткичлари Савдо-саноат палатаси Наманган вилояти ҳудудий бошқармаси амалиётига жорий этилган (Ўзбекистон Республикаси Савдо-саноат палатасининг 2024-йил 26-июлдаги 13/08-3-4-10295-сон маълумотномаси). Ушбу таклиф Наманган вилоятининг 2022-2026-йилларда ҳудудлар, тармоқлар ва соҳаларни ривожлантириш, иқтисодий ислоҳотларни амалга ошириш йўналишлари бўйича дастур бандларини ишлаб чиқишда фойдаланилган.