Ахроров Маъруфжон Насимжоновичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): «Лазер нурининг қўчқорчалар организмидаги алмашинув жараёнлари, табиий чидамлилиги ва маҳсулдорлигига таъсири», 03.00.08-Одам ва ҳайвонлар физиологияси (биология фанлари).
Диссертация мавзуси рўйхатга олинган рақам: B2022.1.PhD/B689.
Илмий раҳбар: Ражамуродов Зайнитдин Туробович, биология фанлари доктори, профессор. 
Диссертация бажарилган муассаса номи: Самарқанд давлат тиббиёт университети.
ИК фаолият кўрсатаётган муассаса номи, ИК рақами: Самарқанд давлат университети, PhD.03/30.12.2019.B.02.08.
Расмий оппонентлар: Матчанов Азат Таубалдиевич, биология фанлари доктори, профессор; Алиев Дилмурод Давронович, биология фанлари доктори, доцент..
Етакчи ташкилот: Ўзбекистон Миллий университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: паст интенсивликдаги лазер нурининг наслчиликда фойдаланилмайдиган қўчқорчалар озиқланиши, ҳазм жараёнлари, моддалар алмашинуви, қонининг морфолигик кўрсатгичлари, табиий чидамлилиги ва маҳсулдорлигига таъсирини аниқлашдан иборат.
III. Тадқиқотнинг илмий янгилиги:
қўчқорчалар организмида кечадиган метаболик жараёнларнинг меъёрида кечишини таъминловчи паст интенсивликдаги лазер нурларининг оптимал кучланишлари, таъсир этиш давомийлиги, таъсирлаш даврийлиги ва соҳалари аниқланган.
қўчқорчаларни яйлов ва қўшимча озуқалар билан озиқлантиришга  ўтганидан кейин паст интенсив лазер нурининг  қочқорчалар озуқа истеъмолини ошириши, катта қоринда кечадиган микробиологик, биокимёвий ҳамда умумий ҳазм жараёнларининг кечиш самарадорлигини ошириши илмий асосланган; 
паст интенсив лазер нури таъсирида қўчқорчалар томонидан истеъмол қилинган қуруқ модда, минерал моддалар, ҳазмланувчи протеин ва истеъмол қилинган озуқаларнинг энергатик қиймати оширилиши илмий асосланган;
паст интенсивликдаги лазер нури қўчқорчалар қонининг морфологик, биокимёвий кўрсатгичлари, лейкограмманинг ёшга хос хусусиятлари, табиий чидамлилиги, иммун реактивлиги, оқсиллар алмашинуви ҳамда маҳсулдорлик кўрсатгичларини ошириши аниқланган.
IV. Тадқиқот натижаларининг жорий қилиниши. Лазер нурининг қўчқорчалар организмидаги алмашинув жараёнлари, табиий чидамлилиги ва маҳсулдорлигига таъсири бўйича олинган натижалар асосида:
қўчқорчалар иштаҳасини ва улардаги сўлак секрециясини ошириш, катта қоринда кечадиган ҳазм жараёнларини жадаллаштирувчи ҳамда тўйимли моддаларнинг ўзлаштириш коеффисиентини оширишда қўчқорчалар организмига лазер нурини таъсир эттириш усулларини қўллаш ва такомиллаштириш бўйича ишлаб чиқилган тавсиялар Самарқанд вилояти Қушработ туманидаги “Гуландом она чорвалари” фермер хўжалиги фаолиятига жорий этилган (Ўзбекистон Республикаси ветеринария ва чорвачиликни ривожлантириш давлат қўмитасининг 2022 йил 4 ноябрдаги 02/23-2251 сон маълумотномаси). Натижада, физиологик ҳолати яхшиланиб ҳазм жараёнларини рағбатлантирилиши ва тўйимли моддаларнинг ҳазмланишини ортиши ҳисобига ҳар бир тажриба гуруҳидаги қўчқорчалардан назорат гуруҳидагига нисбатан олинадиган соф фойда 9.7% га ортиши имконини берган;
паст интенсивликдаги лазер нурларини қўллаш орқали қўчқорчалар томонидан истеъмол қилинган қуруқ модда, минерал моддалар, ҳазмланувчи протеин ва истеъмол қилинган озуқаларнинг энергатик қиймати, қонининг морфологик, биокимёвий ва табиий чидамлилиги, оқсиллар алмашинуви ҳамда маҳсулдорлик кўрсатгичларини ошириш бўйича ишлаб чиқилган тавсиялари Самарқанд вилояти Қушработ туманидаги “Гуландом она чорвалари” фермер хўжалиги фаолиятига жорий этилган (Ўзбекистон Республикаси ветеринария ва чорвачиликни ривожлантириш давлат қўмитасининг 2022 йил 4 ноябрдаги 02/23-2251 сон маълумотномаси). Натижада,  сутдан ажралган қўчқорчалар организмининг резистентлик ва ҳаётчанлик кўрсаткичларини назорат гуруҳига нисбатан 7,2 % га ошириш имконини берган.