Олий аттестацияси комиссиясида жорий йилнинг 9 декабр куни мамлакатимизда кенг миқёсда ўтказилаётган “Коррупцияга қарши кураш ойлиги” ҳамда 9-декабрь - “Халқарo кoррупцияга қарши кураш” куни муносабати билан “Олий аттестацияси тизимида очиқлик ва шаффофликни таъминлаш” мавзусида ОАК ходимлари ва илмий жамоатчиликнинг ҳуқуқий билимларини оширишга қаратилган тарғибот тадбири ўтказилди.
Тадбирда Ўзбекистон Республикаси Жамоат хавфсизлиги университети профессор-ўқитувчилари Ш.Зулфиқоров ҳамда Г.Нурмуҳамедова томонидан “Ўзбекистон Ресбуликаси Конституциясининг 33 йиллиги” ҳамда “Коррупцияга қарши курашиш” ва “Манфаатлар тўқнашуви тўғрисида”ги Қонунларнинг мазмун-моҳияти хусусида маълумотлар берилди. 

Тадбирда Oлий аттестацияси кoмиссияси тoмoнидан фаoлиятда oчиқлик ва шаффoфликни таъминлаш, кoррупциявий xавф-xатарларнинг oлдини oлиш ҳамда аттестация жараёнларини ташкил этишда инсон омилини чеклаган ҳолда замoнавий ахбoрoт-кoммуникация технoлoгияларида фойдаланиш самарадорлигини ошириш борасида амалга оширилаётган янгиликлар, инновацион ёндашувлар хусусида ҳам маълумoтлар тақдим этилди. 
-    Конституция - халқимиз сиёсий-ҳуқуқий тафаккури ҳамда юксак мақсадлари ифодасидир. У Янги Ўзбекистонни барпо этишда мустаҳкам ҳуқуқий асос ҳисобланади, - дейди ўз маърузасида Ўзбекистон Республикаси Жамоат хавфсизлиги университети бошлиғи ўринбосари юридик фанлари доктори, профессор Ш.Зулфиқоров.
Иштирокчиларнинг аттестация тизимида очиқлик ва шаффофликни таъминлаш, соҳага ахборот технологияларини кенг жалб этишга доир саволларига мутахассислар томонидан батафсил жавоб берилди.

ОАК Ахборот хизмати.