Абдувахобов Муслимбек Элбек ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи):
“Ўзбекистон темир йўллари АЖда фойдаланилаётган электровозларнинг асинхрон тортув электр двигтаелларини диагностика қилиш усулларини такомиллаштириш”, 05.08.05 – “Темир йўлларнинг ҳаракатланувчи таркиби, поездларни тортиш ва электрлаштириш”.
Диссертация мавзуси рўйхатга олинган рақам: В2024.4.PhD/Т5147
Илмий раҳбар Ф.И.Ш., илмий даражаси ва унвони:
Хамидив Отабек Рустамович техника фанлари доктори (DSc), профессор.
Диссертация бажарилган муассаса номи: Тошкент давлат транспорт университети.
ИК фаолият кўрсатаётган муассаса номи, ИК рақами: Тошкент давлат транспорт университети, DSc 15/31.08.2022.Т.73.07.
Расмий оппонентларнинг Ф.И.Ш., илмий даражаси ва унвони: Пирматов Нурали Бердиёрович – техника фанлари доктори, профессор; Мамаев Шерали Иброҳимович – техника фанлари бўйича фалсафа доктори (PhD), доцент.
Етакчи ташкилот: Андижон давлат техника институти
Диссертация йўналиши: амалий аҳамиятга молик. 
II. Тадқиқотнинг мақсади “Ўзбекистон темир йўллари” акциядорлик жамиятида эксплуатация қилинаётган электровозларнинг асинхрон тортув электр двигателларини диагностика қилишнинг токли усулини такомиллаштиришдан иборат.
III. Тадқиқотнинг илмий янгилиги қуйидагилардан иборат: 
локомотивларнинг асинхрон тортув электр двигателларидаги фаза токларининг спектрал таҳлили асосида улардаги носозликларни олдиндан аниқлаш имконини берувчи комплекс диагностика усули ишлаб чиқилган;
асинхрон тортув электр двигателлари подшипниклари, статори ва роторидаги носозликларни аналитик таҳлил қилиш ва олдини олишнинг электродинамик самарадорлик кўрсаткичкларига боғлиқлигини ифодаловчи математик модел такомиллаштирилган;
асинхрон тортув двигатели подшипникларидаги экссентриситет оғишининг статор токига боғлиқлигини инобатга олган ҳолда фаза токлари катталикларининг носимметрик даражасига таъсирини баҳолаш имконини берувчи иммитацион модел ишлаб чиқилган;
локомотивларнинг асинхрон тортув электр двигателлари статор токи параметрларидаги ўзгаришлар Кирхгоф қонунлари асосида двигателнинг жорий техник ҳолатини диагностика қилиш услубиёти ишлаб чиқилган.
IV. Тадқиқот натижаларининг жорий қилиниши қуйидагилардан иборат: Электровозларнинг асинхрон тортув электр двигателларини диагностикалаш усулларини такомиллаштириш бўйича ўтказилган илмий тадқиқотлар асосида:
статор фаза токлари хусусиятларини таҳлил қилиш орқали асинхрон тортув электр двигателларининг техник ҳолатини баҳолашнинг ишлаб чиқилган диагностика қурилмаси ва услубиёти “Қўқон” локомотив депосида жорий этилди. (Ўзбекистон Республикаси Транспорт вазирлигининг 2025-йил 16-апрелдаги 4/Э 541-сон маълумотномаси). Натижада асинхрон тортув двигателларининг такомиллаштирилган токли диагностика қилиш усулида келиб чиқиши мумкин бўлган носозликларни олдиндан аниқлаш самарадорлиги 15% га ортган; 
локомотивларнинг асинхрон тортув электр двигателларини учун ишлаб чиқилган токли диагностика усули “Ўзбекистон темир йўллари” АЖ тасарруфидаги “Қўқон” локомотив депосида жорий этилди (Ўзбекистон Республикаси Транспорт вазирлигининг 2025-йил 16-апрелдаги 4/Э 541-сон маълумотномаси). Натижада кутилаётган иқтисодий самарадорлик 900 728 000 (тўққиз юз миллион етти юз йигирма саккиз минг) сўмни ташкил этган.