Жабборова Саодат Зоировнанинг фалсафа доктори (PhD) диссертацияси ҳимояси ҳақидаги эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Мактабгача таълим ташкилоти кичик гуруҳ тарбияланувчиларини оилада миллий қадриятлар асосида ахлоқий тарбиялаш методикасини такомиллаштириш” 13.00.08 –Мактабгача таълим ва тарбия назарияси ва методикаси .
Диссертация мавзуси рўйхатга олинган рақам: B2023.4.PhD/Ped 6876 
Илмий раҳбар: Дилова Наргиза Гайбуллаевна, педагогика фанлари доктори (DSc), профессор.
Диссертация бажарилган муассаса номи: Бухоро давлат университети.
ИК фаолият кўрсатаётган муассаса номи: Бухоро давлат университети, PhD.03/30.12.2019.Ped.72.04.
Расмий оппонентлар: Рахманкулова Наргиз Хаджиакбаровна, профессор, педагогика фанлари доктори (DSc); Қурбонова Гўзал Ражаб қизи,доцент, педагогика фанлари бўйича фалсафа доктори (PhD).
Етакчи  ташкилот:  Гулистон давлат университети.
Диссертация йўналиши назарий ва амалий аҳамиятга молик.
II.Тадқиқотнинг мақсади мактабгача таълим ташкилоти кичик гуруҳ тарбияланувчиларини оилада миллий қадриятлар асосида ахлоқий тарбиялаш методикасини такомиллаштиришдан иборат. 
III. Тадқиқотнинг илмий янгилиги:
миллий қадриятларнинг тарбиявий шаклланиш мазмуни тарихий, энциклопедик, педагогик-психологик ҳамда халқ оғзаки ижоди манбаларидаги болаларни ижтимоий ҳаётга тайёрлашда қўлланилган гносеологик методларнинг фаоллаштирувчи, мотивация уйғотувчи компонентларига устуворлик бериш асосида аниқлаштирилган;
кичик гуруҳ тарбияланувчиларини оилада миллий қадриятлар асосида ахлоқий тарбиялаш жараёни боланинг характер хусусияти, психологик-маънавий ривожланиши, креатив – позитив, фаолиятли-ҳаракатчанликни таъминловчи ижодий ўйин машғулотларининг дидактик тизимига мос равишда баҳолаш индикаторларининг ретроспектив даврийлик талабларига мувофиқ таснифланган;
кичик гуруҳ тарбияланувчиларини оилада маънавий-ахлоқий тарбиялаш боланинг (эмоционал, ахлоқий ўз-ўзини бошқариш, шахсий ишчанлик) хусусиятларини шакллантириш имконини таъминловчи (иммитацион ўйинлар, рефлексив машқлар, визуализация) усуллардан фойдаланишга йўналтирилган халқ оғзаки ижодининг кичик жанрларига устуворлик бериш асосида такомиллаштирилган; 
мактабгача таълим ташкилоти кичик гуруҳ тарбияланувчиларини оилада миллий қадриятлар асосида ахлоқий тарбиялаш бола шахсий сифатлари, ижтимоий-ҳиссий ривожланиш соҳаларининг шаклланганлик даражаси ретроспектив даврийлик талабларига мувофиқ ("Дастурхон атрофида", “Энг ёқимли ҳид”, "Ўйинчоқлар ташрифи", “Она тасвири”) ижодий-танқидий, фаолиятли-амалий ўйинлар орқали бола онгига сингдиришни таъминлашга қаратилган методик тавсиялар такомиллаштирилган.
IV. Тадқиқот натижаларининг жорий қилиниши. Мактабгасҳа 3 - 4 ёшли болани оилавий қадриятлар асосида ахлоқий тарбиялаш методикасини такомиллаштиришга доир тадқиқот натижалари асосида:
мактабгача ёшдаги кичик гуруҳ тарбияланувчиларини оилавий қадриятлар асосида ахлоқий тарбиялаш жараёнлари маданиятлилик, коммуникативлик, креативлик, мослашувчанлик даражалари ижодий ўйинларни интерактив дастурий воситалар, рефлексив ва витаген ахборот билан уйғунлаштириб, миллий қадриятларга интеграцион, инновацион, мотивацион устуворлик бериш асосида такомиллаштиришга доир назариялар “Мактабгача таълимда бошқарув ва менежмент” номли оʻқув қоʻлланма мазмунига сингдирилган (Ўзбекистон Республикаси Олий таълим, фан ва инновациялар вазирлигининг 2023-йил 6-ноябрдаги 491-сон буйруғи, 491486-рақамли нашр гувоҳномаси). Натижада, мактабгача ёшдаги кичик гуруҳ болаларида ахлоқий тарбияланганлик даражасини шакллантиришга йўналтирилган ўйин технологияларини самарали қоʻллаш имконияти яратилган;
мактабгача ёшдаги кичик гуруҳ тарбияланувчиларини оилавий қадриятлар асосида ахлоқий тарбиялаш жараёнлари халқаро тажрибалар ва миллий қадриятларга асосланган методик базани когнитив билиш жараёнлари ҳамда миллий таълим тузилишининг ички (англаш, фикрлаш, ҳис-туйғуга эга бўлиш) ва ташқи (кийиниш, хулқ-атвор, коммуникация) атрибутлар билан интеграциялаш орқали такомиллаштирилган таклиф ва тавсиялардан Мактабгача ва мактаб таълими вазирлиги фаолиятида фойдаланилган (Низомий номидаги Тошкент давлат педагогика университетининг 2024-йил 28-октябрдаги 11-05-6149/04-сон маълумотномаси). Натижада, 3-4 ёшдаги болаларни оилавий қадриятлар асосида ахлоқий тарбиялашга оид фаолиятни такомиллаштириш усуллари ва омилларига оид назария ва амалий материаллар билан бойитишга хизмат қилган; 
оилада кичик ёшдаги болаларнинг миллий қадриятлар асосида тадрижий маънавий-ахлоқий ривожланишини баҳолаш индикаторлари ретроспектив даврийлик талабларига мувофиқ миллий ва умуминсоний қадриятлар тамойилларига кўра такомиллаштиришга оид тавсиуалар “Диссертацияда илгари сурилган мактабгача таълим ташкилоти кичик гуруҳ тарбияланувчиларини оилада миллий қадриятлар асосида ахлоқий тарбиялаш методикасини такомиллаштириш тадқиқи ҳақидаги хулосалардан Бухоро телерадиокомпанияси кўрсатувларида фойдаланилган (“Бухоро” телерадиокомпаниясининг 2024-йил 3-июндаги 01-09-96-сонли маълумотномаси). Натижада, мактабгасҳа уошдаги кичик гуруҳ болаларида ахлоқий тарбиялаш методикасини такомиллаштириш ролли ўйинларни қоʻллаш самарадорлигини оширишга еришилган.