Сапаров Бобир Худайбердиевичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): “Ёшларни соғлом турмуш тарзи ва ватанпарварлик руҳида тарбиялашда мафкуравий тарғибот технологияларининг аҳамияти”
09.00.05 - Миллий ғоя ва тарғибот технологиялари (фалсафа фанлари)
Диссертация мавзуси рўйхатга олинган рақам: В2024.4.PhD/Fal1009
Илмий раҳбар: Махкамов Улугбек Абдугаппорович, фалсафа фанлари бўйича фалсафа доктори (PhD), доцент
Диссертация бажарилган муассаса номи: Мирзо Улуғбек номидаги Ўзбекистон Миллий университети.
ИК фаолият кўрсатаётган муассаса (муассасалар) номи, ИК рақами: Ўзбекистон Миллий университети, DSc.03/30.12.2019.F.01.14.
Расмий оппонентлар: Худайберганов Равшан Худайберганович, фалсафа фанлари доктори, доцент; Абдухалиқов Сафар, фалсафа фанлари доктори, профессор.
Етакчи ташкилот: Ўзбекистон Республикаси Жамоат хавфсизлиги университети.
Диссертация йўналиши: назарий-амалий аҳамиятга молик.
II. Тадқиқотнинг мақсади янгиланаётган Ўзбекистонда авлодлараро ворисийликга амал қилиш ва таълим тизимининг барча босқичларида ўзаро ҳамкорликни таъминлашнинг ёшларни соғлом турмуш тарзи ва ватанпарварлик руҳида тарбиялашнинг мафкуравий технологияси сифатидаги ролини асослашдан иборат.
III. Тадқиқотнинг илмий янгилиги:
халқ оғзаки ижоди намуналаридаги қаҳрамон образларининг ватанпарварлиги замонавий ёшлар учун юрт тинчлиги, халқ фаровонлиги йўлида фидокорона меҳнат қилишнинг ибрат мактаби эканлиги ва улардан давр руҳига мос равишда фойдаланиш тарихий мафкуравий технология сифатида намоён бўлиши асосланган;
мактаб, оила ва маҳаллада соғлом турмуш тарзига оид амалий фаолиятни тизимли ташкил этиш, бу жараёнларда ота-оналарнинг мунтазам иштирокини таъминлашга эришиш ёшлар онгида бу фаолиятни тизимли ташкил этиш “соғлом танада соғлом руҳни шакллантириш”нинг оқилона технологияси сифатидаги аҳамияти очиб берилган;
таълим тизимининг барча босқичларида ёшларнинг ватанпарварлик тарғиботига оид танловлар ва ижтимоий лойиҳаларда иштирокини таъминлаш, хориж давлатлар ёшларининг ватанпарварлик руҳидаги фаолиятини қиёсий таҳлил этиш ёшларнинг ўз ватанида эришилган ютуқлар билан ғурурланиш, унинг равнақига муносиб ҳисса қўшиш туйғусини шакллантиришнинг мафкуравий тарғибот технологияси сифатида амал қилиши очиб берилган;
ёшларнинг соғлом турмуш тарзи ва ватанпарварлик руҳида тарбиялаш жараёни «Янги Ўзбекистон тараққиёт стратегияси»нинг ҳуқуқий-демократик давлат қуришга қаратилган ғоявий-мафкуравий асосларига таянган ҳолда ривожланиши ва бу жараённи такомиллаштиришга йўналган тарғибот технологияларини ишлаб чиқиш даврнинг руҳига мос ёшлар катламини тарбиялаш учун зарурлиги асосланган.
IV. Тадқиқот натижаларининг жорий қилиниши. Ёшларни соғлом турмуш тарзи ва ватанпарварлик руҳида тарбиялашда мафкуравий тарғибот технологияларининг аҳамиятига оид илмий тадқиқотнинг натижалари қуйидаги ташкилотларда амалиётга жорий қилинган:
халқ оғзаки ижоди намуналаридаги қаҳрамон образлари ватанпарварлигининг замонавий ёшлар учун ибрат мактаби сифатидаги аҳамияти ва улардан давр руҳига мос равишда фойдаланишнинг мафкуравий технологияси сифатидаги ролига оида хулосалар Республика Маънавият ва маърифат маркази ҳузуридаги Ижтимоий-маънавий тадқиқотлар институти фаолиятининг турли ёшдаги фуқароларнинг онгида Ватан туйғусини шакллантиришга йўналтирилган маънавий-маърифий ишларни, спорт мусобақаларни ташкил этишда фойдаланилган (Республика Маънавият ва маърифат маркази ҳузуридаги Ижтимоий-маънавий тадқиқотлар институтининг 2025 йил 7 майдаги 10/258-сон маълумотномаси). Натижалар ёшларнинг онгида миллий халқ оғзаки ижоди намуналарини ўқиш, улардаги ғояларни оммалаштириш ва улардан ибрат олиб фаолиятини тизимли ташкил этишга хизмат қилган.
мактаб, оила ва маҳаллада соғлом турмуш тарзига оид амалий фаолиятни тизимли ташкил этиш, бу жараёнларда ота-оналарнинг мунтазам иштирокини таъминлашга эришиш ёшлар онгида бу фаолиятни тизимли ташкил этиш “соғлом танада соғлом руҳни шакллантириш”нинг оқилона технологияси сифатидаги аҳамиятини очиб беришга оид хулосалардан Ўзбекистон Миллий телерадиокомпаниясининг ёшлар онгида ватанпарварлик ва соғлом турмуш тарзини тарғиб қилишга оид кўрсатувларни тайёрлашда фойдаланилган (Ўзбекистон Миллий Телерадиокомпанияси “Ўзбекистон24” ижодий бирлашмаси давлат муассасасининг 2025 йил 7 майдаги 05-09-63-сон далолатномаси). Натижалар Ўзбекистон Миллий Телерадиокомпанияси “Ўзбекистон 24” ижодий бирлашмаси кўрсатувларини мазмунан бойитиш ва уларнинг амалий аҳамиятини оширишга хизмат қилган;
таълим тизимининг барча босқичларида ёшларнинг ватанпарварлик тарғиботига оид танловлар ва ижтимоий лойиҳаларда иштирокини таъминлаш, хориж давлатлар ёшларининг ватанпарварлик руҳидаги фаолиятини қиёсий таҳлил этиш ёшларнинг ўз ватанида эришилган ютуқлар билан ғурурланиш, унинг равнақига муносиб ҳисса қўшиш туйғусини шакллантиришнинг мафкуравий тарғибот технологияси сифатида амал қилишига оид хулосалардан Ўзбекистон Республикаси Миллий Гвардияси таълим муассасалари ҳарбий тайёргарлик ўқув бўлинмаларини фаолиятида фойдаланилган (Ўзбекистон Миллий Гвардиясининг 2025 йил 30 апрелдаги 4030/В-сон далолатномаси). Натижалар Ўзбекистон Миллий Гвардияси таълим муассасалари барча ҳарбий тайёргарлик ўқув бўлинмалари тингловчиларининг жанговар вазифани оғишмай бажаришига, мафкуравий иммунитетни оширишга хизмат қилган;
ёшларнинг соғлом турмуш тарзи ва ватанпарварлик руҳида тарбиялаш жараёни «Янги Ўзбекистон тараққиёт стратегияси»нинг ҳуқуқий-демократик давлат қуришга қаратилган ғоявий-мафкуравий асосларига таянган ҳолда ривожланиши ва бу жараённи такомиллаштиришга йўналган тарғибот технологияларини ишлаб чиқиш даврнинг руҳига мос ёшлар катламини тарбиялаш учун зарурлигига оид хулосалардан Ўзбекистон Республикаси Мудофаа Вазирлиги тизими таълим муассасаларининг курсантларнинг жисмоний ва маънавий чиниқтиришга оид ўқув қўлланмаларни ишлаб чиқишда фойдаланилган (Ўзбекистон Республикаси Мудофаа Вазирлигининг 2025 йил 2 майдаги 10/961-рақамли далолатномаси). Натижалар Ўзбекистон Республикаси Мудофаа Вазирлиги таълим муассасалари курсантлари онгидаги ватанпарварлик туйғуларини шакллантириш, уларнинг соғлом турмуш тарзи қоидаларига риоя қилишига оид кўникмаларни шакллантиришга хизмат қилган.
