Мирсобитов Мирзиёд Мирзохид ўғлининг 
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Тадбиркорлик субектларини қўллаб-қувватлашда солиқ маъмуриятчилигини такомиллаштириш”, 08.00.07 – “Молия, пул муомаласи ва кредит”.
Диссертация мавзуси рўйхатга олинган рақам: B2025.2.PhD/Iqt5428. 
Илмий раҳбар: Кузиева Наргиза Рамазановна, иқтисодиёт фанлари доктори, профессор.
Диссертация бажарилган муассаса номи: Тошкент давлат иқтисодиёт университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.03/30.12.2019.I.17.01.
 Расмий оппонентлар: Жумаев Нодир Хосиятович, иқтисодиёт фанлари доктори, профессор; Нормурзаев Умид Холмурзаевич, иқтисодиёт фанлари доктори, профессор.
Етакчи ташкилот: Ўзбекистон Республикаси Банк-молия академияси.
Диссертация йўналиши: назарий ва амалий аҳамиятга молик.
II. Тадқиқотнинг мақсади: тадбиркорлик субектларини қўллаб қувватлашда солиқ маъмуриятчилигини такомиллаштириш бўйича илмий таклиф ва амалий тавсиялар ишлаб чиқишдан иборат.
III.Тадқиқотнинг илмий янгилиги қуйидагилардан иборат:
умумий овқатланиш корхоналари юридик шахслардан олинадиган ер солиғини ва мол-мулкига солинадиган солиқни тўлашдан озод этилиши ва якка тартибдаги тадбиркорлар учун белгиланган ижтимоий солиқ ставкасини базавий ҳисоблаш миқдорининг 50 фоизга қисқартириш таклиф этилган;
қимматбаҳо ва нодир металлар ҳамда углеводород хом ашёсини қазиб олувчи юридик шахслар махсус рента солиғи тўловчилар таркибига ва реализациядан олинган рента даромади солиқ обектига киритиш лозимлиги асосланган;
умумий овқатланиш корхоналари солиқлар ва йиғимлар бўйича қарздорлик ҳамда жарима ва пеняларни фоизсиз, аризасиз, фақат солиқ органларини хабардор қилиб, тенг улушларда кечиктириб тўлаш ва бўлиб-бўлиб ҳуқуқини бериш таклиф этилган;
янги ташкил этиладиган тадбиркорлик субектларига айланмадан олинадиган солиқ ставкаси, ер солиғи, юридик шахсларнинг мол-мулкига солинадиган солиқларни камайтирилган ҳолда 1 фоизли ставкада тўлаш таклиф этилган. 
IV.Тадқиқот натижаларининг жорий қилиниши. Тадбиркорлик субектларини қўллаб-қувватлашда солиқ маъмуриятчилигини такомиллаштириш бўйича олинган илмий натижалар асосида:
умумий овқатланиш корхоналари юридик шахслардан олинадиган ер солиғини ва юридик шахсларнинг мол-мулкига солинадиган солиқни тўлашдан озод этилиши, Республика туманларида фаолиятни амалга оширувчи якка тартибдаги тадбиркорлар учун белгиланган ижтимоий солиқ ставкасини базавий ҳисоблаш миқдорининг 50 фоизга қисқартириш бўйича таклифи Солиқ кодексининг 483-моддасида тасдиқланиб амалиётга жорий этилди (Ўзбекистон Республикаси Давлат Солиқ Қўмитасининг 2022-йил 14-сентябрдаги 15-123037-сонли маълумотномаси). Натижада, ушбу таклиф амалга оширилса, умумий овқатланиш корхоналари ва якка тартибдаги тадбиркорлар учун солиқ юкини сезиларли даражада камайтиради. Юридик шахслардан олинадиган ер солиғи ва мол-мулк солиғидан озод қилиш корхоналарнинг ликвидлик ҳолатини яхшилайди, инвестициялар ва фаолиятни ривожлантириш имкониятини оширган.
қимматбаҳо ва нодир металлар ҳамда углеводород хом ашёсини қазиб олувчи юридик шахслар махсус рента солиғи тўловчилар таркибига ва реализациядан олинган рента даромади солиқ обектига киритиш таклифи Солиқ кодексининг 4541-2-моддаларида ўз аксини топиб, амалиётга жорий этилди (Ўзбекистон Республикаси Давлат Солиқ Қўмитасининг 2022-йил 14-сентябрдаги 15-123037- сонли маълумотномаси). Натижада, қимматбаҳо ва нодир металлар ҳамда углеводород хом ашёсини қазиб олувчи юридик шахслар махсус рента солиғи тўловчилар таркибига киритилганда, ушбу корхоналар солиқ мажбуриятларини аниқ ва шаффоф тарзда бажаришда эришилган. 
умумий овқатланиш корхоналари солиқлар ва йиғимлар бўйича қарздорлик ҳамда жарима ва пеняларни фоизсиз, аризасиз, фақат солиқ органларини хабардор қилиб, тенг улушларда кечиктириб тўлаш ва бўлиб-бўлиб ҳуқуқини бериш таклифи Солиқ кодексининг 482-моддасида ўз аксини топиб амалиётга жорий этилди (Ўзбекистон Республикаси Давлат Солиқ Қўмитасининг 2022-йил 14-сентябрдаги 15-123037-сонли маълумотномаси). Натижада, умумий овқатланиш корхоналари учун солиқлар ва йиғимлар бўйича қарздорликни фоизсиз ва аризасиз, фақат солиқ органларини хабардор қилиб, тенг улушларда кечиктириб тўлаш имконияти берилганда, корхоналар ликвидликни сақлаш ва операцион харажатларини ўз вақтида қоплаш имкониятига эга бўлган. 
янги ташкил этиладиган тадбиркорлик субектларига айланмадан олинадиган солиқ ставкаси, ер солиғи, юридик шахсларнинг мол-мулкига солинадиган солиқларни камайтирилган ҳолда 1 фоизли ставкада тўлаш таклифи 2022-2026-йилларга мўлжалланган Янги Ўзбекистоннинг тараққиёт стратегиясини ишлаб чиқишда фойдаланилган (Ўзбекистон Республикаси Давлат Солиқ Қўмитасининг 2022-йил 14-сентябрдаги 15-123037-сонли маълумотномаси). Натижада, солиқ енгилликлари орқали иқтисодий рағбатлантириш, инвестицион фаолликни кучайтириш ва кичик ҳамда ўрта бизнесни қўллаб-қувватлаш мумкин бўлган.