Konstitutsiyamiz xalqimiz siyosiy-huquqiy tafakkuri hamda yuksak maqsadlari ifodasi bo‘lib, Yangi O‘zbekistonni barpo etishda mustahkam huquqiy asosdir. 8 dekabr - O‘zbekiston Respublikasi Konstitutsiyasi qabul qilinganining 33 yilligi munosabati bilan yurtimiz davlat idoralari va ta’lim muassasalarida turli tadbirlar tashkil etilmoqda.
Mazkur tadbirlar doirasida huquqiy bilimlarni oshirish bo‘yicha “Korrupsiyaga qarshi kurashish oyligi” hamda 9-dekabr` - “Xalqaro korrupsiyaga qarshi kurash” kuni tadbirlari ham tashkil etilmoqda. Oliy attestatsiyasi komissiyasi tomonidan faoliyatda ochiqlik va shaffoflikni ta’minlash, korrupsiyaviy xavf-xatarlarning oldini olish hamda attestatsiya jarayonlarini tashkil etishda inson omilini cheklagan holda zamonaviy axborot-kommunikatsiya texnologiyalarida foydalanish samaradorligini oshirish borasida amalga oshirilayotgan yangiliklar, innovatsion yondashuvlar xususida ma’lumotlar taqdim etiladi. 
2025 yil 9 dekabr kuni soat 11-00da Oliy attestatsiya komissiyasida “Ochiq eshiklar kuni” tadbirlari o‘tkaziladi. 

OAK Axborot xizmati.