Olloqova O‘g‘iljon Mamanazarovnaning falsafa doktori (PhD) dissertatsiyasi himoyasi haqida e’lon

I. Umumiy ma’lumot 
Dissertatsiya mavzusi, ixtisoslik shifri (ilmiy daraja beriladigan fan tarmog‘i): “Ona tili ta’limida intensiv texnologiyalar asosida o‘quvchilarning pragmatik kompetensiyasini takomillashtirish metodikasi” 13.00.02 – Ta’lim va tarbiya nazariyasi va metodikasi (O‘zbek tili) (Pedagogika fanlari) 
Dissertatsiya mavzusi ro‘yxatga olingan raqam: B2024.3.PhD/Ped8256
Ilmiy rahbar: Fayzieva Umida Asadovna, pedagogika fanlari bo‘yicha falsafa doktori (PhD), dotsent.
Dissertatsiya bajarilgan muassasa nomi: Buxoro davlat universiteti 
IK faoliyat ko‘rsatayotgan muassasa nomi (muassasalar), IK raqami: Buxoro davlat universiteti DSc.03/04.06.2021.Fil72.09
Rasmiy opponentlar: Jo‘raeva Bibish Muxsinovna, filologiya fanlari doktori (DSc), professor; Nurillaeva Shahlo O‘ktamovna, pedagogika fanlari doktori (DSc), professor 
Yetakchi tashkilot: Guliston davlat universiteti
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi ona tili ta’limida intensiv texnologiyalar asosida o‘quvchilarning pragmatik kompetensiyasini takomillashtirish bo‘yicha taklif va tavsiyalar ishlab chiqishdan iborat.
III. Tadqiqotning ilmiy yangiligi:
ona tili darslarida o‘quv materiallarining intensiv texnologiyalar asosida ta’minlanishi o‘quvchilarda lingvistik bilimlarning o‘zgarmas va o‘zgaruvchan tushunchalarni shakllantirishning interiorizatsiya (tushunchaning ichki qabul qilinishi), eksteriorizatsiya (tashqi namoyon bo‘lishi) va refleksiv-baholash kabi xususiyatlari aniqlashtirilgan; 
ona tili ta’limida intensiv texnologiyalar asosida o‘quvchilarning pragmatik kompetensiyasini takomillashtirishga qaratilgan didaktik model mazmuni shaxsiy ta’lim dasturida o‘quvchining o‘qish maqsadlari va faoliyat turlarini belgilash hamda metodik tamoyillarni faol ta’lim strategiyalari bilan uyg‘unlashtirish asosida takomillashtirilgan; 
ona tili ta’limida intensiv texnologiyalar asosida o‘quvchilarning pragmatik kompetensiyasini takomillashtirishning metodik tizimi “Ona tili” darslarida lokutiv, illokutiv va perlokutiv mazmunga ega metodlarni qo‘llash, shuningdek, o‘quvchilarning o‘zlashtirish natijalarini baholash mezonlari bilan diagnostika qilish imkonini beruvchi didaktik muhitni yaratish orqali takomillashtirilgan; 
darsdan tashqari mashg‘ulotlarning intellektual-ijodiy va korreksion rivojlantiruvchi funksiyalarini oshirish asosida evristik ko‘nikmalarni rivojlantirish orqali intensiv texnologiyalar asosida o‘quvchilarning pragmatik kompetensiyasini takomillashtirish samaradorligi aniqlashtirilgan.
IV. Tadqiqot natijalarining joriy qilinishi. Ona tili ta’limida intensiv texnologiyalar asosida o‘quvchilarning pragmatik kompetensiyasini takomillashtirish metodikasi bo‘yicha erishilgan ilmiy natijalaridan: 
ona tili ta’limida intensiv texnologiyalar asosida o‘quvchilarning pragmatik kompetensiyasini takomillashtirishning metodik tizimi “Ona tili” darslarida lokutiv, illokutiv va perlokutiv mazmunga ega metodlarni qo‘llash, shuningdek, o‘quvchilarning o‘zlashtirish natijalarini baholash mezonlari bilan diagnostika qilish imkonini beruvchi didaktik muhitni yaratishga oid tavsiyalar “Ona tili va o‘qish savodxonligidan sinfdan tashqari ishlar” nomli darslik mazmuniga singdirilgan. (O‘zbekiston Resrublikasi Oliy ta’lim, fan va innovatsiyalar vazirligining 2024-yil 11-noyabrdagi 429-son buyrug‘i. Guvohnoma №429-670). Natijada, o‘quvchilarning pragmatik kompetensiyasini takomillashtirish metodikasi zamonaviy yondashuvlar asosida boyitilgan;
ona tili darslarida o‘quv materiallarining intensiv texnologiyalar asosida ta’minlanishi o‘quvchilarda lingvistik bilimlarning o‘zgarmas va o‘zgaruvchan tushunchalarni shakllantirishning interiorizatsiya (tushunchaning ichki qabul qilinishi), eksteriorizatsiya (tashqi namoyon bo‘lishi) va refleksiv-baholash kabi xususiyatlari haqidagi ilmiy-nazariy qarashlar OT-F1-002-raqamli “Yoshlarda milliy g‘oya va mafkuraviy immunitetni shakllantirishning psixologik mexanizmlari” nomli loyiha mazmuniga singdirilgan (Buxoro davlat universitetining 2024-yil 11-oktyabrdagi № 01-04/6082-son ma’lumotnomasi). Natijada, o‘quvchilarining lingvistik bilimlarini pragmatik asosda idrok etish kompetensiyalari rivojlantirilgan, til sezgirligini oshirishda sezilarli natijalarga erishilgan;
darsdan tashqari mashg‘ulotlarning intellektual-ijodiy va korreksion rivojlantiruvchi funksiyalarini oshirish asosida evristik ko‘nikmalarni rivojlantirish orqali intensiv texnologiyalar asosida o‘quvchilarning pragmatik kompetensiyasini takomillashtirishga doir ilmiy xulosalardan Surxondaryo viloyati Termiz shahridagi 5-, Oltinsoy tumanidagi 41-, Jarqo‘rg‘on tumanidagi 61-, Buxoro viloyati Buxoro tumanidagi 3-, 5-, Buxoro shahridagi 6-, 10-, Qashqadaryo viloyati Qarshi shahridagi 4-umumiy o‘rta ta’lim maktablarining boshlang‘ich sinflarida amaliyotga tatbiq etilgan (Maktabgacha va maktab ta’limi vazirligi huzuridagi Respublika ta’lim markazining 2025-yil 16-yanvardagi 01/11-6-31-son ma’lumotnomasi). Natijada, dars jarayonida “Aql xaritalari” bilan ishlash, didaktik o‘yinlarni uyushtirish hamda lug‘at ustida ishlash orqali o‘quvchilarning amaliy ko‘nikmalarini yanada takomillashtirishga erishilgan.