Мирзаев Баҳовуддин Абдураззоқовичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Вауш кони доломитларини бойитиш ва қайта ишлаш асосида магний оксиди олиш технологиясини ишлаб чиқиш», 04.00.14 – Фойдали қазилмаларни бойитиш (техника фанлари).  
Диссертация мавзуси рўйхатга олинган рақам: В2023.4.PhD/Т4158.
Илмий раҳбар: Хужакулов Нурмурод Ботирович, техника фанлари бўйича фалсафа доктори (PhD), доцент.  
Диссертация бажарилган муассаса номи: Ўзбекистон Республикаси Фанлар академияси Навоий бўлими.
ИК фаолият кўрсатаётган муассаса номи, ИК рақами: Навоий давлат кончилик ва технологиялар университети, DSc.17/04.06.2021.Т.06.01.
Расмий оппонентлар: Мухиддинов Баходир Фахриддинович, техника фанлари доктори, профессор; Бадалов Феруз Амирович, техника фанлари фалсафа доктори (PhD), катта илмий ходим.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: Вауш кони доломитларини бойитиш ва қайта ишлаш асосида магний оксиди олиш технологиясини ишлаб чиқишдан иборат.
III. Тадқиқотнинг илмий янгилиги:
Вауш кони доломитини флотация усулида бойитишда илк маротаба алкилбензолсулфокислота (АБСК) реагентидан фойдаланилди, натижада доломитнинг бойитмага ажралиши 96,03% га, бойитмадаги доломит миқдори 93,8% га ошиши аниқланган;
бойитилган доломитини термик ишлов беришда декарбонизация жараёнини фаоллаштириш мақсадида НаCлнинг оптимал миқдори аниқланган;
бойитилган доломитни декарбонизациялаш натижасида каустик доломит олишнинг оптимал ҳарорати аниқланган;
илк бор Вауш кони доломитини бойитиш ва қайта ишлаш орқали турли саноат тармоқлари учун магний оксиди ва магнийли маҳсулотлар ҳамда калсий карбонати олиш технологияси ишлаб чиқилган.
IV. Тадқиқот натижаларининг жорий қилиниши. Вауш кони доломитларини бойитиш ва қайта ишлаш асосида магний оксиди олиш технологиясини ишлаб чиқиш бўйича олинган илмий натижалар асосида:
Вауш кони доломитларини флотацияли бойитиш усули “Навоий кон-металлургия комбинати” акциядорлик жамияти Марказий илмий тадқиқот лабораториясида жорий қилинган (“Навоий кон-металлургия комбинати” акциядорлик жамиятининг 2025 йил 29 октябрдаги 02-07/02/11137-сонли маълумотномаси). Натижада, дастлабки маҳсулот таркибидаги доломитнинг бойитмага ажралишини 96,03% га ва доломитнинг бойитмадаги миқдорини 93.8% га ошириш имконини берган;
доломит бойитмасини НаCл қўшиб декарбонизацияланиш жараёни  “Навоий кон-металлургия комбинати” акциядорлик жамияти Марказий илмий тадқиқот лабораториясида жорий этилган (“Навоий кон-металлургия комбинати” акциядорлик жамиятининг 2025 йил 29 октябрдаги 02-07/02/11137-сонли маълумотномаси). Натижада, декарбонизациялаш жараёнидан кейинги танлаб эритишда 92.7% ли магний оксиди олиш имконини берган.