Жумағулов Қаҳрамон Алиевичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Пиллаларни териш, топшириш ва пиллахонада сақлаш муддатларини сифат кўрсаткичларига таъсири», 06.01.04– Ипакчилик. (қишлоқ хўжалиги фанлари).
Диссертация мавзуси рўйхатга олинган рақам: B2017.2.PhD/Qx115.
Илмий раҳбар: Аҳмедов Намоз Аҳмедович, қишлоқ хўжалиги фанлари доктори, профессор.
Диссертация бажарилган муассаса номи: Тошкент давлат аграр университети.
ИК фаолият кўрсатаётган муассаса номи, ИК рақами: Тошкент давлат аграр университети, DSc.30.08.2018.Qх.13.02.
Расмий оппонентлар: Насириллаев Бахтияр Убайдуллаевич, қишлоқ хўжалиги фанлари доктори, катта илмий ходим; Рўзибаев Нураддин Рахимович, қишлоқ хўжалиги фанлари доктори.
Етакчи ташкилот: Қоракўлчилик ва чўл экологияси илмий-тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: тут ипак қурти уруғларини инкубация қилиш муддатларини дифференциал усулда қўллаш, пиллаларни териш, топшириш ва уларни пиллахонада сақлашнинг комплекс технологиясини ишлаб чиқиш ҳамда пилла сифатига таъсири этувчи омилларни тадқиқ этишдан иборат.
III. Тадқиқотнинг илмий янгилиги:
илк бор тирик пиллаларни оптимал муддатларда териш ва уларни пиллахонада қабул қилиш динамикасини режалаштиришда дифференциаллаштирилган инкубация қилиш технологияси ишлаб чиқилган;
тирик пиллаларни териш муддатларини пилланинг биологик, сифат ва технологик кўрсаткичларига таъсир этиш мумкинлиги исботланган;
тирик пиллаларни турли идишларда ташиш, топшириш, пиллахонада вақтинча сақлаш шароити ҳамда муддатларини пиллаларнинг навдорлик ва сифат кўрсаткичлари ўртасидаги боғлиқлиги аниқланган;
тирик пиллаларни полипропилен яшикларда ташиш ва пиллахонада вақтинча сақлаш жараёнини такомиллашган технологияси ишлаб чиқилган;
ипак қурти уруғини жонлантиришнинг дифференциал усули асосида пилла қабул қилишни оптималлаштириш, унинг сифат ва маҳсулдорлик кўрсаткичларини ошириш услубиёти ишлаб чиқилган.
IV. Тадқиқот натижаларининг жорий қилиниши.
Пиллаларни териш, топшириш ва пиллахонада сақлаш муддатларини сифат кўрсаткичларига таъсири бўйича олиб борилган тадқиқот натижалари асосида:
фермер хўжаликларида етиштирилган навдор пиллаларни дастлабки ишлов беришга қадар навдорлик хусусиятларини сақлаш бўйича «Пиллаларни териш, топшириш ва пиллахонада сақлаш тартиби» тавсияномаси ишлаб чиқилган ва тасдиқланган (Қишлоқ хўжалик вазирлигининг 2019 йил 22 январдаги 01/032-39/1-сон маълумотномаси). Натижада боқилган 10 қути ипак қуртининг бир қутисидан олинадиган навдор тирик пилла миқдори 9,9 килограммга, навдор қуруқ пилла миқдори эса 3,6 килограммга ошишига эришилган ва иқтисодий самарадорлик 97200 сўмни ташкил этган;
ипак қуртининг «Ипакчи 1» х «Ипакчи 2» дурагайини 15 қутисида етиштирилган тирик пиллаларни териш, ташиш, топшириш ва пиллахонада вақтинча сақлашда 10-12 кг тирик пилла сиғимидаги, полипропилен яшиклардан фойдаланишнинг такомиллашган янги технологияси Тошкент вилояти Бўка тумани «Пилла» маъсулияти чекланган жамиятида жорий этилган (Қишлоқ хўжалик вазирлигининг 2019 йил 22 январдаги 01/032-39/1-сон маълумотномаси). Натижада бир қути ипак қуртидан олинадиган навдор тирик пилла миқдорини 10,3 килограмм, навдор қуруқ пилла миқдорини эса 3,8 килограммга оширилишига эришилган ва иқтисодий самарадорлик 114000 сўмдан иборат бўлган;
етиштирилган тирик пиллаларни 10-12 кг тирик пилла сиғимидаги полипропилен яшиклардан фойдаланишнинг такомиллашган янги технологияси Тошкент вилояти Оққўрғон туманидаги «ROSS-GREEN-TEX» маъсулияти чекланган жамиятида ипак қуртини «Ипакчи 1» х «Ипакчи 2» дурагайининг 15 қутисида жорий этилган (Қишлоқ хўжалик вазирлигининг 2019 йил 22 январдаги 01/032-39/1-сон маълумотномаси). Натижада бир қути ипак қуртидан олинадиган навдор тирик пилланинг миқдори 9,1 кг га, навдор қуруқ пилла миқдори эса 3,4 килограммга оширилишига эришилган ва иқтисодий самарадорлик 102000 сўмга тенг бўлган.
