Расулова Назира Анваровнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Псориаз билан оғриган беморларда антицитокин терапиясини патогенетик асослаш”, 14.00.11 – Дерматология ва венерология (тиббиёт фанлари).
Диссертация мавзуси рўйхатга олинган рақам: В2022.3.PhD/Тib3031.
Илмий раҳбар: Рахматов Акрам Баратович, тиббиёт фанлари доктори, профессор.
Диссертация бажарилган муассаса номи: Республика ихтисослаштирилган дерматовенерология ва косметология илмий-амалий тиббиёт маркази. 
ИК фаолият кўрсатаётган муассаса (муассасалар) номи, ИК рақами: Республика ихтисослаштирилган дерматовенерология ва косметология илмий-амалий тиббиёт маркази, DSc.04/28.02.2023.Тib.158.01.
Расмий оппонентлар: Пакирдинов Адхам Бегишевич, тиббиёт фанлари доктори, профессор; Исмаилова Адолат Абдурахимовна, тиббиёт фанлари доктори, профессор.
Етакчи ташкилот: Тошкент давлат тиббиёт университети. 
II. Тадқиқотнинг мақсади: псориазнинг турли шаклларида цитокин ҳолати ва иммунологик кўрсаткичларни баҳолаш ҳамда антицитокин терапия усулларини ишлаб чиқишдан иборат.
III. Тадқиқотнинг илмий янгилиги: 
псориаз жараёни оғирлик даражаси билан касаллик давомийлиги ва преморбид ҳолат мавжудлиги ўртасидаги боғлиқлик ҳамда псориатик ониходистрофиянинг псориатик артрит ва бошқа оғир дерматоз шаклларини ривожланишидаги ташхисий аҳамияти исботланган;
иммунологик бузилишлар айрим клиник шакллар билан боғлиқлиги, шунингдек, айрим про- ва противояллиғланиш цитокинлари экспрессияси билан псориазнинг клиник шакллари ва «қийин» локализациялари ўртасидаги боғлиқлик исботланган;
IgG антинуклеар антителоларнинг ифодаланиш даражаси билан псориазнинг турли шакллари ўртасидаги боғлиқлик, яъни аутоиммун жараён кучайишини кўрсатиши исботланган;
псориазнинг оғир шаклларида ген-инженер биологик препарат (Секукинумаб)ни қўллашни ўз ичига олган даволаш алгоритми асослаб берилди, шунингдек, глицирризин кислотаси (Эксан)ни ўз ичига олган препаратдан фойдаланишга асосланган антицитокин терапиясининг альтернатив усули ишлаб чиқилган.
IV. Тадқиқот натижаларининг жорий қилиниши. 
Псориаз билан оғриган беморларда иммун ва цитокин статуси ҳамда яллиғланиш реакцияси кўрсаткичлари бўйича олинган натижалар асосида:
биринчи илмий янгилик: псориаз жараёнининг замонавий клиник хусусиятларини ўрганиш қуйидагиларни кўрсатди: псориатик артрит ҳолатлари 40,5% гача кўпайди; оддий шаклдаги беморларнинг 62,7% да, артропатик шаклдаги беморларнинг эса 82,8% да псориатик ониходистрофия учради. Бу белги қўшма синдром ривожланишининг предиктори сифатида қаралиши мумкин; ҳатто ГИБП (ген-инженер биологик препаратлар)дан фойдаланилганда ҳам 10% ҳолларда торпид кечиш кузатилди.Ушбу маълумотлар 2022 йил 9 январда Самарқанд вилояти ҳудудий филиали (№53-А буйруқ) ва Бухоро вилояти ҳудудий филиали (№11 буйруқ) Республика ихтисослаштирилган дерматовенерология ва косметология илмий-амалий тиббиёт маркази буйруқлари асосида амалий тиббиёт амалиётига жорий этилди. Ижтимоий самарадорлиги: клиник кўринишлар хусусиятларини (субъектив ҳислар, элементларнинг экссудацияси, бош тери, қўл кафтлари ва оёқ усти терисидаги локализация, псориатик ониходистрофия мавжудлиги) аниқлаш оғир дерматоз шакллари, хусусан, псориатик артрит ривожланиш эҳтимолини кўрсатади. Иқтисодий самарадорлиги: псориаз жараёни хусусиятларини ўрганиш оғир шаклларни эрта аниқлаш ва патогенетик терапияни ўз вақтида бошлашга ёрдам берди, бу эса асоратлар ва рецидивларни камайтирди, даво муддатларини қисқартирди. Ҳисоб-китобларга кўра, клиникада бир беморнинг бир кунлик даволаниши ўртача 220200 сўмни ташкил қилади. 67 нафар беморни стационарда даволаш харажатлари 14753400 сўмга тежалди.
иккинчи илмий янгилик: турли шакллардаги псориаз билан оғриган беморларда иммун ва цитокин статуси кўрсаткичларини ўрганиш, уларнинг псориаз жараёни оғирлик даражасига бевосита боғлиқлигини кўрсатди. Яллиғланиш цитокинлари (IL-17 ва TNF-α) тахминан 3 мартагача ошди. Ушбу бузилишлар касаллик оғирлиги ва эрта дебюти билан корреляция қилди. Мазкур услубий ёндашув ҳам амалий тиббиёт амалиётига 2022 йил 9 январдаги Самарқанд вилояти (№53-А буйруқ) ва Бухоро вилояти (№11 буйруқ) ҳудудий филиаллари буйруқлари билан жорий этилди. Ижтимоий самарадорлиги: иммун-цитокин статусини тадқиқ этиш усули псориаз билан оғриган беморларда эрта ташхис ва даво самарадорлигини оширади, оғир дерматоз шакллари ривожланишининг олдини олади. Иқтисодий самарадорлиги: янги ташхис усули оғир шаклларни эрта аниқлашга имкон бериб, даволаш харажатларини анча қисқартирди: стационарда бир беморни йиллик даволаш харажати 30000000 сўмдан 20000000 сўмга камайтирилди; амбулатор даволаш харажати эса 16000000 сўмдан 8000000 сўмга туширилди.
учинчи илмий янгилик: псориаз билан оғриган беморларнинг 63,7% да IgG (dsDNA) антителолар концентрацияси ва 23,5% да IgG (ssDNA) антителолар концентрацияси ошиши қайд этилди, бу эса псориазнинг оғир шакллари ривожланиши билан боғлиқ эди.Оддий шаклда dsDNA ва ssDNA концентрацияси мос равишда 27,7±1,9 МЕ/мл ва 23,9±1,1 МЕ/мл;Артропатик шаклда – 39,1±1,1 МЕ/мл ва 27,2±1,09 МЕ/мл; Эритродермия шаклида – 37,9±1,5 МЕ/мл ва 29,3±1,7 МЕ/мл ни ташкил этди.Ушбу маълумотлар 2022 йил 9 январдаги Самарқанд вилояти филиали (№53-А буйруқ) ва Бухоро вилояти филиали (№11 буйруқ) Республика ихтисослаштирилган дерматовенерология ва косметология илмий-амалий тиббиёт маркази буйруқлари асосида клиник амалиётга жорий этилди. Ижтимоий самарадорлиги: псориазнинг турли шаклларида антинуклеар антитело IgG (dsDNA ва ssDNA) тадқиқи усули қўлланиши тавсия этилган терапия самарадорлигини оширди ҳамда оғир дерматоз шакллари ривожланишининг олдини олиш имконини берди. Бу аутоиммун жараёни кучайиши ва касаллик рецидивлари кўпайишининг олдини олишда муҳим аҳамият касб этди. Иқтисодий самарадорлиги: касаллик рецидивини камайтириш ҳисобига иммун-цитокин статусини тўғрилаш ва яллиғланиш реакциясини пасайтиришга эришилди. Ҳисобланган йиллик иқтисодий самарадорлик:Традицион усулда стационар даво харажати – 30000000 сўм, амбулатор – 16000000 сўм; Янги комплекс терапия усулида эса стационар – 14566670 сўм, амбулатор – 10200000 сўм.
тўртинчи илмий янгилик: қайтарувчи яллиғланишга қарши препарат – глицирризин кислотаси (эксан) антицитокин таъсир кўрсатиб, стандарт терапия самарадорлигини 50,1% дан 71,4% гача ошириш имконини берди. Ген-инженер биологик препарат (секукинумаб) самарадорлиги эса псориаз билан оғриган беморларнинг 93,7% да кузатилди, иммун ва цитокин статуси кўрсаткичлари нормаллашди.Комплекс даво усули (секукинумаб билан) клиник самарадорликни (PASI 75) 2–3 инъекциядан сўнгёқ кўрсатди ва қўлловчи терапия тайинланди. Ушбу маълумотлар ҳам 2022 йил 9 январдаги Самарқанд филиали (№53-А буйруқ) ва Бухоро филиали (№11 буйруқ) Республика ихтисослаштирилган дерматовенерология ва косметология илмий-амалий тиббиёт маркази буйруқлари асосида клиник амалиётга жорий этилди. Ижтимоий самарадорлиги: ишлаб чиқилган усул псориаз билан оғриган беморларда юқори самарадорлик кўрсатди: PASI индекси кўрсаткичлари тез пасайди, клиник ремиссия (PASI 100) га эришилди, рецидивлар сони 3 мартагача камайди, терапия самарадорлиги эса анъанавий даво усулига нисбатан 2 марта ошди. Шу билан бирга, иммун-цитокин статуси ва аутоиммун жараён кўрсаткичлари (IgG ds-DNA ва ss-DNA) да ишончли пасайиш кузатилди. Иқтисодий самарадорлиги: янги алгоритм жорий этилгандан сўнг ҳисобланган йиллик иқтисодий самарадорлик 85554000 сўмни ташкил этди, ишлаб чиқилган усулни жорий қилиш харажатлари самарадорлик коэффициенти – 7,42 га тенг бўлди.