Umaraliev Sanjar Sultonalievichning
falsafa doktori (PhD) dissertatsiyasi himoyasi haqida e’lon

I.Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Investisiya faoliyati hisobi va auditini takomillashtirish”, 08.00.08 – “Buxgalteriya hisobi, iqtisodiy tahlil va audit”.
Dissertatsiya mavzusi ro‘yxatga olingan raqam: 
Ilmiy rahbar: Mavlanov Normo‘min Normamatovich, iqtisodiyot fanlari doktori, professor.
Dissertatsiya bajarilgan muassasa nomi: Toshkent davlat iqtisodiyot universiteti.
IK faoliyat ko‘rsatayotgan muassasa nomi, IK raqami: Farg‘ona davlat texnika universiteti, DSc.03/08.05.2025.I.06.05.
Rasmiy opponentlar: Axmedjanov Karimjon Bakidjanovich, iqtisodiyot fanlari doktori, professor; Xojaev Azizxon Saidaloxonovich, iqtisodiyot fanlari doktori, dotsent.
Yetakchi tashkilot: Toshkent davlat agrar universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: investisiya faoliyati hisobi va auditini takomillashtirishga qaratilgan ilmiy taklif va amaliy tavsiyalar ishlab chiqishdan iborat.
III.Tadqiqotning ilmiy yangiligi quyidagilardan iborat:
investisiya faoliyati hisobini xalqaro standartlar talablariga moslashtirish maqsadida 0191-“Investisiya ko‘chmas mulki”, 9391-“Investisiya ko‘chmas mulki qiymatining oshishidan daromadlar” va 9431-“Investisiya ko‘chmas mulki qiymatining pasayishidan zararlar” ishchi schyotlarini kiritish taklif etilgan;
hisob siyosatiga ilmiy-tadqiqot ishlari, tajriba-konstruktorlik va texnologik ishlanmalarga yo‘naltirilgan xarajatlar bo‘yicha tahliliy (analitik) hisobni yuritish tartibini  kiritish asosida investisiya faoliyati bo‘yicha pul oqimlariga oid axborotlarni ishonchliligi va shaffofligini oshirish asoslangan;
auditorlik tekshiruvlarida risk-triangulyasiya asosida investisiya faoliyatiga oid ma’lumotlarni tahlil qilish amalini kiritish orqali dalillarning ishonchlilik darajasini oshirish  asoslangan;
investisiya faoliyati auditida aniqlangan xatolarni ekstrapolyasiya qilish orqali muhim buzib ko‘rsatish riskini pasaytirish asoslangan.
IV.Tadqiqot natijalarining joriy qilinishi. Investisiya faoliyati hisobi va auditini takomillashtirish bo‘yicha olingan ilmiy natijalar asosida:
investisiya faoliyati hisobini xalqaro standartlar talablariga moslashtirish maqsadida 0191-“Investisiya ko‘chmas mulki”, 9391-“Investisiya ko‘chmas mulki qiymatining oshishidan daromadlar” va 9431-“Investisiya ko‘chmas mulki qiymatining pasayishidan zararlar” ishchi schyotlarini kiritish taklifi “Quyuv-mexanika zavodi”  aksiyadorlik jamiyatida hisob siyosatini ishlab chiqishda foydalanilgan (“Quyuv-mexanika zavodi» aksiyadorlik jamiyatining 2025 yil 2 oktyabrdagi 03/26-son ma’lumotnomasi). Natijada, moliyaviy hisobotlarda investisiya ko‘chmas mulkiga oid shaffof va ishonchli axborotlarning shakllanishiga erishilgan;  
hisob siyosatiga ilmiy-tadqiqot ishlari, tajriba-konstruktorlik va texnologik ishlanmalarga yo‘naltirilgan xarajatlar buyicha tahliliy (analitik) hisobini yuritishni  kiritish asosida investisiya faoliyati bo‘yicha pul oqimlariga oid axborotlarni ishonchliligi va shaffofligini oshirish taklifi “Quyuv-mexanika zavodi”  aksiyadorlik jamiyatida hisob siyosatini ishlab chiqishda foydalanilgan (“Quyuv-mexanika zavodi» aksiyadorlik jamiyatining 2025 yil 2 oktyabrdagi 03/26-son ma’lumotnomasi). Natijada, investisiya faoliyati bo‘yicha pul oqimlari haqidagi axborotning ishonchliligi va shaffofligi oshadi hamda ilmiy-tadqiqot va texnologik loyihalarning xarajatlari yaxshiroq tahlil qilinishi va baholanishi ta’minlangan; 
auditorlik tekshiruvlarida risk-triangulyasiya asosida investisiya faoliyatiga oid ma’lumotlarni tahlil qilish amalini kiritish orqali dalillarning ishonchlilik darajasini oshirish taklifi O‘zbekiston Auditorlar palatasi tomonidan “Tahliliy amallar” nomli auditorlik tashkilotlarining ichki standartini ishlab chiqishda foydalanilgan (O‘zbekiston Auditorlar palatasining 2025 yil 29 sentyabrdagi 29-09-01/1-son ma’lumotnomasi). Natijada, auditorlik tekshiruvlarida shaffoflik ta’minlanib, moliyaviy hisobotlardagi ishonchlilik darajasi oshishiga olib kelgan; 
investisiya faoliyati auditida aniqlangan xatolarni ekstrapolyasiya qilish orqali muhim buzib ko‘rsatish riskini pasaytirish taklifi O‘zbekiston Auditorlar palatasi tomonidan “Auditorlik dalillar” nomli auditorlik tashkilotlarining ichki standartini ishlab chiqishda foydalanilgan (O‘zbekiston Auditorlar palatasining 2025 yil 29 sentyabrdagi 29-09-01/1-son ma’lumotnomasi). Natijada, moliyaviy hisobotlarda investisiya faoliyati bilan bog‘liq ma’lumotlarning ishonchlilik darajasi ortishiga hamda auditorlik riskining pasayishiga erishilgan.