Axmedova Firuza Anvarovnaning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan tarmog‘i nomi): Tortuvchi tarmoqni yondosh liniyalarga ta’sirini kamaytirish usullarini takomillashtirish, 05.08.05 – “Temir yo‘llarining harakatlanuvchi tarkibi, poezdlarni tortish va elektrlashtirish”.
Dissertatsiya mavzusi ro‘yxatga olingan raqam: № B2024.4.PhD/T5150
Ilmiy rahbar: Boltaev Otabek Tashmuxammatovich, texnika fanlari doktori (DSc), dotsent.
Dissertatsiya bajarilgan muassasa nomi: Toshkent davlat transport universiteti.
IK faoliyat ko‘rsatayotgan muassasa (muassasalar) nomi, IK raqami: Toshkent davlat transport universiteti huzuridagi DSc.15/31.08.2022.T.73.07 raqamli Ilmiy kengash. 
Rasmiy opponentlar: Gayibov Tulkin Shernazarovich, texnika fanlari doktori, professor; Fayzullaev Jovharbek Sulton o‘g‘li, texnika fanlari nomzodi (PhD), dotsent.
Yetakchi tashkilot: O‘zbekiston Respublikasi Fanlar Akademiyasi energetika muammolari instituti. 
II. Tadqiqotning maqsadi: tortuvchi tarmoqni yondosh liniyalarga ta’sirini kamaytirish va turli yaqinlashish kengliklarida yondosh liniyalarda hosil bo‘ladigan kuchlanishlarni aniqlash usullarini takomillashtirishdan iborat.
III. Tadqiqotning ilmiy yangiligi:
tortuvchi tarmoqni yondosh liniyalarga elektromagnit ta’sirining matematik va kompyuter modellari yondosh liniyalar teskari ta’sirini inobatga olish orqali ishlab chiqilgan;
tortuvchi tarmoqning turli rejimlari va turli yaqinlashish kengliklarida yondosh liniyalarda hosil bo‘ladigan kuchlanishlarni aniqlash usuli tizimlarning fazaviy koordinatalarini inobatga olish orqali takomillashtirilgan;
tarmoqlangan ekranlovchi va kuchaytiruvchi o‘tkazgichlarni qo‘llash orqali tortuvchi tarmoqning yondosh liniyalarga ta’sirlarini kamaytirish usuli takomillashtirilgan;
simmetriyalovchi transformatorli ta’minot tizimini qo‘llash orqali tortuvchi tarmoqning yondosh liniyalarga ta’sirlarini kamaytirish usuli takomillashtirilgan.
IV. Tadqiqot natijalarining joriy qilinishi. Tortuvchi tarmoqning induksiyalangan kuchlanishi va uni yondosh liniyalarga ta’sirini tadqiq qilish bo‘yicha olingan natijalar asosida:
tortuvchi tarmoqni yondosh liniyalarga elektromagnit ta’sirining matematik va kompyuter modellari “1-son Elektromontaj poezdi” MChJ, “Yo‘l elektrotexnika laboratoriyasi”da induksiyalangan kuchlanishlarni nazorat qilish va uning qiymatini aniqlash hamda o‘zgarish holati haqidagi ma’lumotlarni olish uchun joriy qilingan (O‘zbekiston Respublikasi transport vazirligining 2025 yil 9 oktyabrdagi 4/E1430 – son ma’lumotnomasi). Natijada tortuvchi tarmoq va yondosh liniyalarga xizmat ko‘rsatuvchi ishchi xodimlarning xavfsizligini ta’minlashga erishilgan.
tortuvchi tarmoqning turli rejimlari va turli yaqinlashish kengliklarida yondosh liniyalarda hosil bo‘ladigan kuchlanishlarni aniqlash usuli “1-son Elektromontaj poezdi” MChJ, “Yo‘l elektrotexnika laboratoriyasi”da induksiyalangan kuchlanishlarni yuqori aniqlikda hisoblash va uni liniya bo‘ylab taqsimlanishini aniqlash uchun joriy qilingan (O‘zbekiston Respublikasi transport vazirligining 2025 yil 9 oktyabrdagi 4/E1430 – son ma’lumotnomasi). Natijada induksiyalangan kuchlanishlarni 1.5÷2.5% gacha yuqori aniqlikda hisoblashga erishilgan.