Mo‘minov Fazliddin Xusniddin o‘g‘lining 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. 
Dissertatsiya mavzusi, ixtisoslik shifri (ilmiy daraja beriladigan tarmog‘i nomi): “Hududning ijtimoiy-iqtisodiy rivojlanishini boshqarishda innovatsiyalarning roli (Olmazor tumani misolida), 08.00.13 – Menejment”.
Dissertatsiya mavzusi ro‘yxatga olingan raqam:  B2025.1.PhD/Iqt5219.
Ilmiy rahbar: Zufarova Nozima Gulamiddinovna, iqtisodiyot fanlari doktori, professor.
Dissertatsiya bajarilgan muassasa nomi: Toshkent davlat iqtisodiyot universiteti. 
IK faoliyat ko‘rsatayotgan muassasa (muassasalar) nomi, IK raqami: Toshkent davlat iqtisodiyot universiteti huzuridagi DSc.03/30.12.2020.I.16.02 raqamli Ilmiy kengash.
Rasmiy opponentlar: Kasimova Dilorom Sabirovna, iqtisodiyot fanlari doktori, professor; Mamurov Samad Egamnazarovich, iqtisodiyot fanlari bo‘ycha falsafa doktori (PhD).
Yetakchi tashkilot: Toshkent davlat transport universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: hududiy boshqaruv tizimida innovatsion texnologiyalar, marketing strategiyalari va zamonaviy raqamli echimlardan foydalanish orqali Olmazor tumani misolida ijtimoiy-iqtisodiy rivojlanishni jadallashtirish hamda hududiy boshqaruv samaradorligini oshirish uchun ilmiy asoslangan taklif va tavsiyalar ishlab chiqishdan iborat.
III. Tadqiqotning ilmiy yangiligi:
Hududlarni boshqarish modeli infratuzilma rivojlanishi, “Internet narsalari” (IoT), geoaxborot tizimlari (GIS) va katta ma'lumotlar tahlili (Big Data) kabi intellektual raqamli ekotizim elementlarini integratsiyalash asosida avtomatlashtirilgan boshqaruv mexanizmini shakllantirish taklifi asoslangan.
Hududlarni innovatsion rivojlantirish yondashuvi “Smart City” raqamli boshqaruv tizimi va Fuzzy AHP usulining ustuvorlikni baholash algoritmlarini integratsiyalash asosida boshqaruv qarorlarini optimallashtirish mexanizmi taklifi asoslangan.
Olmazor tumanida hududiy boshqaruv samaradorligini oshirish bo‘yicha 2030-yilgacha mo‘ljallangan prognoz pessimistik, inersiya va optimistik prognoz senariylari asoslangan.
Infratuzilma va demografik omillarni qamrab olgan ko‘p omilli modelga ko‘ra hududlar boshqaruv samaradorligini oshirish maqsadida 2030-yilgacha mo‘ljallangan prognoz senariysi asoslangan.
IV. Tadqiqot natijalarining joriy qilinishi. Mazkur dissertatsiyada ishlab chiqilgan ilmiy natijalar va amaliy tavsiyalar hududiy boshqaruv tizimini takomillashtirishda, xususan Olmazor tumani misolida innovatsion texnologiyalarni joriy etishda olingan ilmiy natijalar asosida:
1. Hududlarni boshqarish modeli infratuzilma rivojlanishi, “Internet narsalari” (IoT), geoaxborot tizimlari (GIS) va katta ma'lumotlar tahlili (Big Data) kabi intellektual raqamli ekotizim elementlarini integratsiyalash asosida avtomatlashtirilgan boshqaruv mexanizmini shakllantirish taklifi O‘zbekiston Respublikasi Oliy ta’lim, fan va innovatsiyalar vazirligi amaliyotiga joriy etilgan (O‘zbekiston Respublikasi Oliy ta’lim, fan va innovatsiyalar vazirligining 2025 yil 29 avgustdagi № 03/16-3249-son ma’lumotnomasi).  Natijada Olmazor tumanida 15 ta mahalla kesimida “Smart City” komponentlari sinovdan o‘tkazilib, resurslardan foydalanish samaradorligi 12 % ga oshirildi, aholi murojaatlarining ko‘rib chiqilish tezligi 1,5 baravar yaxshilandi.
2. Hududlarni innovatsion rivojlantirish yondashuvi “Smart City” raqamli boshqaruv tizimi va Fuzzy AHP usulining ustuvorlikni baholash algoritmlarini integratsiyalash asosida boshqaruv qarorlarini optimallashtirish mexanizmi taklifi O‘zbekiston Respublikasi Oliy ta’lim, fan va innovatsiyalar vazirligi amaliyotiga joriy etilgan (O‘zbekiston Respublikasi Oliy ta’lim, fan va innovatsiyalar vazirligining 2025 yil 29 avgustdagi № 03/16-3249-son ma’lumotnomasi).  Natijada Olmazor tumanida turizm, xizmat ko‘rsatish va IT sohasi ustuvor yo‘nalish sifatida belgilanib, investisiyalarni jalb qilish jarayoni takomillashtirildi. Kichik biznes va startap loyihalar soni 8–10 % ga oshdi.
3. Olmazor tumanida hududiy boshqaruv samaradorligini oshirish bo‘yicha 2030-yilgacha mo‘ljallangan prognoz pessimistik, inersiya va optimistik prognoz senariylari taklifi O‘zbekiston Respublikasi Oliy ta’lim, fan va innovatsiyalar vazirligi amaliyotiga joriy etilgan (O‘zbekiston Respublikasi Oliy ta’lim, fan va innovatsiyalar vazirligining 2025 yil 29 avgustdagi № 03/16-3249-son ma’lumotnomasi).   Natijada Olmazor tumanida 2024-yilda turizm va xizmat ko‘rsatish sohalarida 18 ta yangi loyihaga start berildi, ularning natijasida 210 ta yangi ish o‘rni yaratildi va hududning yalpi hududiy mahsuloti hajmi 6,5 % ga o‘sdi.
4. Infratuzilma va demografik omillarni qamrab olgan ko‘p omilli modelga ko‘ra hududlar boshqaruv samaradorligini oshirish maqsadida 2030-yilgacha mo‘ljallangan prognoz senariysi O‘zbekiston Respublikasi Oliy ta’lim, fan va innovatsiyalar vazirligi amaliyotiga joriy etilgan (O‘zbekiston Respublikasi Oliy ta’lim, fan va innovatsiyalar vazirligining 2025 yil 29 avgustdagi № 03/16-3249-son ma’lumotnomasi).   Natijada Olmazor tumani 2025 yilgi rivojlanish ko‘rsatkichlari prognoz qilindi va natijada aholi bandlik darajasi 5 % ga, xizmatlar sohasi ulushi esa 7 % ga oshishi kutilmoqda.