Ибрагимова Мухлиса Придуновнанинг 
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража берадиган фан тармоғи номи): “Давлат фуқаролик хизматчисининг ҳуқуқий мақоми: қиёсий-ҳуқуқий таҳлил”, 12.00.02 -“Конституциявий ҳуқуқ, Маъмурий ҳуқуқ, Молия ва Божхона ҳуқуқи” ихтисослиги (юридик фанлар).
Диссертация мавзуси рўйхатга олинган рақам: B2022.2.PhD/Yu722.
Илмий раҳбар: Хайитов Хушвақт Сапарбаевич, юридик фанлар доктори, профессор.
Диссертация бажарилган муассаса номи: Оъзбекистон Республикаси Президенти ҳузуридаги Давлат сиёасати ва бошқаруви академияси.
ИК фаолият кўрсатаётган муассаса номи, ИК рақами: Ўзбекистон Республикаси Жамоат хавфсизлиги университети, DSc.32/30.12.2020.Yu.74.01
Расмий оппонентлар: Зулфиқаров Шерзод Хуррамович, юридик фанлар доктори, профессор; Ҳошимхонов Аҳрорхон Мўминович, юридик фанлар доктори, профессор.
Етакчи ташкилот: Ўзбекистон Республикаси Олий Мажлиси Қонунчилик палатаси ҳузуридаги Парламент тадқиқотлари институти.
Диссертация йўналиши: назарий ва амалий аҳамиятга молик.
II.Тадқиқотнинг мақсади Ўзбекистонда давлат фуқаролик хизматчиси мақомининг ҳуқуқий асослари ҳамда амалиётини ўрганиш орқали уни такомиллаштиришга қаратилган илмий-назарий ва амалий жиҳатдан асослантирилган таклиф ва тавсияларни ишлаб чиқишдан иборатдир.
III.Тадқиқотнинг илмий янгилиги:
давлат фуқаролик хизматчисининг ҳуқуқий мақоми доирасида илк бор давлат органи раҳбарининг ноқонуний топшириқ ва талабларни бажаришдан бош тортиш ҳуқуқини қонун даражасида мустаҳкамлаш зарурлиги илмий асослантирилган; 
давлат фуқаролик хизматчиси хизматни ўташ давомида ўз ваколатларини бошқа нодавлат ташкилотлар манфаатида амалга оширилишини чеклаш давлат фуқаролик хизматчиси ҳуқуқий мақомининг ажралмас қисми сифатида қатʼий белгиланиши асослаб берилган; 
давлат фуқаролик хизмати тизимидаги раҳбар кадрларнинг ҳуқуқий мақоми алоҳида қонун ҳужжатлари билан тартибга солинишини ҳамда уларнинг фаолияти оммавий ҳуқуқий муносабатлар доирасига киришини инобатга олиб, сиёсий гуруҳдаги давлат фуқаролик хизматчилари фаолиятини тартибга солишда меҳнат шартномаси тузилмаслиги илмий исботланган; 
давлат хизматчисининг ҳуқуқлари – давлат мажбурлов кучи билан қўриқланадиган ва давлат хизматчиси ижтимоий-ҳуқуқий мақомининг доимийлигини ва унинг хизмат фаолияти ҳуқуқий тартибга солинишини кафолатлайдиган умуммажбурий нормалар тизими эканлиги илмий асослантирилган;
IV.Тадқиқот натижаларининг жорий қилиниши. Тадқиқот иши бўйича олинган натижаларидан қуйидагиларда фойдаланилган:  
Давлат органи раҳбариятининг ноқонуний топшириқ ва талабларини бажаришдан бош тортиши ҳуқуқига эга эканлиги тўгʻрисидаги таклифи 2022-йил 8-августда қабул қилинган ЎРҚ-788-сон Ўзбекистон Республикасининг “Давлат фуқаролик хизмати тўгʻрисида”ги Қонунининг 11-моддасида ўз ифодасини топган (Ўзбекистон Республикаси Олий Мажлиси Қонунчилик палатаси Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитасининг 2022-йил 28-декабр  сентябрдаги 04/10-10-201 сон далолатномаси). Ушбу таклиф давлат фуқаролик хизматчиларнинг ўз фаолияти давомида қонун устуворлигини ва улар ҳуқуқларининг кафолатларини таъминлашга хизмат қилган;
Давлат фуқаролик хизматини ўташ билан богʻлиқ чекловлар қаторига давлат фуқаролик хизматчисининг, ўзининг ваколатларини сиёсий партияларнинг, бошқа жамоат бирлашмаларининг ва улар органларининг манфаатларини кўзлаб амалга оширишга оид нормани қўшиш тўгʻрисидаги таклифи 2022-йил 8-августда қабул қилинган ЎРҚ-788-сон Ўзбекистон Республикасининг “Давлат фуқаролик хизмати тўгʻрисида”ги Қонунининг 13-моддасида ўз ифодасини топган (Ўзбекистон Республикаси Олий Мажлиси Қонунчилик палатаси Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитасининг 2022-йил 28-декабр  сентябрдаги 04/10-10-201 сон далолатномаси). Ушбу таклиф давлат фуқаролик хизматчиси ўз фаолиятини фақатгина ўз ваколатлари доирасида ва холисона олиб боришиг маълум даражада хизмат қилган;
Давлат фуқаролик хизматида давлат фуқаролик хизмати лавозимларининг сиёсий гуруҳига кирувчи  давлат  фуқаролик  хизматчилари билан  меҳнат  шартномаси  тузилмаслиги  тўгʻрисидаги таклифи 2022-йил 8-августда қабул қилинган ЎРҚ-788-сон Ўзбекистон Республикасининг “Давлат фуқаролик хизмати тўгʻрисида”ги Қонунининг 30-моддасида ўз ифодасини топган (Ўзбекистон Республикаси Олий Мажлиси Қонунчилик палатаси Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитасининг 2022-йил 28-декабр  сентябрдаги 04/10-10-201 сон далолатномаси). Ушбу таклиф сиёсий гуруҳга кирувчи давлат  фуқаролик хизматчиларининг ҳуқуқий мақомини оммавий-ҳуқуқий муносабатлар доирасида аниқ белгиланишига хизмат қилган; 
“Давлат хизматчисининг ҳуқуқлари деганда, давлат мажбурлов кучи билан қўриқланадиган ва давлат хизматчиси ижтимоий-ҳуқуқий мақомининг доимийлигини ва унинг хизмат фаолияти ҳуқуқий тартибга солинишини кафолатлайдиган умуммажбурий нормалар тизими тушунилади” муаллифлик таʼрифи Ўзбекистон Республикаси Президенти ҳузуридаги Давлат бошқаруви академиясида 2024 йилда наср этилган «Давлат хизмати» номли дарсликни тайёрлашда фоййдаланилган (Ўзбекистон Республикаси Президенти ҳузуридаги Давлат бошқаруви академиясининг 2025-йил 30-январдаги 02-07/84-сонли Далолатномаси). Ушбу таклиф Ўзбекистон Республикаси Давлат бошқаруви академиясининг малака ошириш курсларида ва кадрлар тайёрлашда фойдаланилмоқда.