Шихназарова Гузал Алишеровнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): “Кўп босқичли ҳомиланинг пренатал ривожланиш даврида дифференциаллашган-диетологик озиқланиш жараёнининг моделлари ва ахборот тизими”, 05.01.10 – “Ахборот олиш тизимлари ва жараёнлари” (техника фанлари).
Диссертация мавзуси рўйхатга олинган рақам: Б2025.1.PhD/Т4639.
Илмий раҳбар: Якубов Максадхон Султаниязович техника фанлари доктори, профессор.
Диссертация бажарилган муассаса номи: Муҳаммад ал-Хоразмий номидаги Тошкент ахборот технологиялари университети.
Илмий Кенгаш фаолият кўрсатаётган муассаса (муассасалар) номи, Илмий Кенгаш рақами: Тошкент ахборот технологиялари университети, DSc.13/30.12.2019.Т.07.01
Расмий оппонентлар: Муҳамедиева Дилдора Кабуловна, техника фанлари доктори, профессор; Тургунов Адилбек Мухторович, техника фанлари доктори, профессор.
Етакчи ташкилот: Мирзо Улуғбек номидаги Ўзбекистон Миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Кўп босқичли ҳомиланинг пренатал ривожланиш даврида дифференциаллашган диетологик озиқланишда ахборот алмашиниш жараёнларининг модели ва тизимини ишлаб чиқишдан иборат.
III. Тадқиқотнинг илмий янгилиги:
ҳомиладор аёлларнинг физиологик ҳолати ва ҳомиланинг пренатал ривожланиш жараёнлари хусусиятларини таҳлил қилиш асосида, триместрлараро дифференциаллашган озиқланиш жараёнида қарорлар қабул қилишнинг рационал усули ишлаб чиқилган;
кўп босқичли ҳомиланинг пренатал ривожланишига таъсир этувчи устувор омиллар шакллантирилган ва улар асосида дифференциал озиқланиш жараёни ахборот тизимининг когнитив модели ишлаб чиқилган;
рационни баҳолаш мезон кўрсаткичлари асосида,  кўп босқичли ҳомиланинг пренатал ривожланишида дифференциаллашган-диетологик озиқланишида ахборот алмашиниш жараёнининг BPMN модели ишлаб чиқилган;
кўп босқичли ҳомиланинг пренатал ривожланиш даврида дифференциаллашган-диетологик озиқланишда ахборот алмашиниш жараёнининг моделлаштириш  алгоритми ишлаб чиқилган
IV. Тадқиқот натижаларининг жорий қилиниши. Тадқиқот доирасида ишлаб чиқилган кўп босқичли ҳомиланинг пренатал ривожланиш даврида дифференциаллашган-диетологик озиқланиш жараёнининг моделлари ва ахборот тизими қуйидагича амалиётга жорий этилган:
Ишлаб чиқилган ахборот тизимини  Республика ихтисослаштирилган она ва бола саломатлиги илмий-амалий тиббиёт марказида жорий этилди (Ўзбекистон Республикаси Соғлиқни сақлаш вазирлигининг 2025-йил 15-май 05-28/10803-сонли маълумотномаси). Таклиф этилган когнитив модел, ахборот тизими ҳомиланинг ривожланишига таъсир кўрсатадиган омиллар ҳисобга олинган ҳолда, перинатал даврдаги айрим касалликларнинг 3-4% олдини олиш имконияти яратилди, олинган натижалар аниқлиги ва ишончлилигини оширди ҳамда хатоликларни камайишига олиб келди;
Ҳомиладор аёллар учун ишлаб чиқилган ахборот тизими Тошкент шаҳар Миробод туманидаги 2-сонли оилавий поликлиника гинекология бўлимига тадбиқ этилди (Ўзбекистон Республикаси Соғлиқни сақлаш вазирлигининг 2025-йил 15-май 05-28/10803 сонли маълумотномаси). Натижада перинатал даврдаги касалликлар 2-3% га камайди, маълумотларни  қайта ишлашга кетадиган вақт 30-32% қисқарди;
Ҳомиланинг перинатал ривожланиш даврида дифференциаллашган-диетологик озиқланиш жараёнининг моделлаштириш алгоритми асосида ишлаб чиқилган ахборот тизими Миробод туманидаги 5-сон туғруқ комплексининг ҳомиладорлар патологияси бўлимига жорий этилди (Ўзбекистон Республикаси Соғлиқни сақлаш вазирлигининг 2025-йил 15-май 05-28/10803 сонли маълумотномаси). Натижада перинатал даврдаги касалликлар сони 2-3% га қисқарди, олинган натижалар аниқлиги ва ишончлилигини оширди ҳамда хатоликларни камайишига олиб келди.