Марданов Исомиддин Нуруллаевичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Полиметалли руда конларини ер ости усулида қазиб олишда бурғилаш-портлатиш ишларини олиб боришни тадқиқ қилиш ва такомиллаштириш», 04.00.17 – Кончиликда физик жараёнлар (техника фанлари).
Диссертация мавзуси рўйхатга олинган рақам: В2025.1.PhD/Т3063. 
Илмий раҳбар: Махмудов Дилмурод Рахматжонович, техника фанлари бўйича фалсафа доктори (PhD), доцент.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети, PhD.03/31.03.2023.Т.03.06.
Расмий оппонентлар: Уринов Шерали Рауфович, техника фанлари доктори, доцент; Бакиров Гʻайрат Холиқбердиевич, техника фанлари бўйича фалсафа доктори (PhD), доцент.
Етакчи ташкилот: Навоий давлат кончилик ва технологиялар университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: полиметалли руда конларини ер ости усулида қазиб олишда тоғ жинсларини самарали бурғилаш-портлатиш усулини ишлаб чиқиш, ноўлчам руда бўлакларининг ҳосил бўлиши ва қазиб олинадиган руда сифацизланишини камайтириш ҳамда кончилик ишларининг иқтисодий самарадорлигини оширишдан иборат.
III. Тадқиқотнинг илмий янгилиги:
руда конларини самарали қазиб олиш мақсадида скважиналарни бурғилаш схемаси ва уларни портлатиш услубини ўзгартрилишига асосланган портлатиш ишларини такомиллаштирувчи методика ишлаб чиқилган;
руда массивига амалдаги елпиғичсимон шаклда жойлашган скважиналар марказида понасимон ўйиқ кўринишидаги скважиналарни бурғилаш ҳамда зарядланган скважиналарни кетма-кет портлашини таъминлаш орқали ноўлчам руда бўлакларининг ҳосил бўлиши, меҳнат сарфи ва портловчи моддаларнинг солиштирма сарфини камайиши аниқланган;
зарядланган скважиналар кетма-кет кон лаҳими марказига ёʻналтириб портлатилиши туфайли ажратиб олинаётган руда массасини қазилган бўшлиқга ёйилишини ҳамда руда сифацизланишини камайиши аниқланган;
руда конларини қулатиб қазиб олиш тизимида нимқаватларни баландлигини ошириш туфайли блокни қазиб олишдаги тайёрлаш-қирқиш ишларининг солиштирма ҳажмини камайишига, ҳамда бурғилаш-элтиш штрекининг ён девор томонларидан навбатма-навбат юклашни қўллаш орқали руда сифацизланиши ва нобудгарчилигининг кўрсаткичларига ижобий таъсири исботланган.
IV. Тадқиқот натижаларининг жорий қилиниши. Олмалиқ КМК АЖ “Хондиза” полиметалли руда конини ер ости усулида қазиб олишда бурғилаш-портлатиш ишларини олиб боришни тадқиқ қилиш ва такомиллаштириш бўйича олинган илмий натижалар асосида:
такомиллаштирилган бурғилаш-портлатиш ишлари орқали руда сифацизланиши кўрсаткичларини камайтириш усули “Олмалиқ кон-металлургия комбинати” АЖ га қарашли “Хондиза” рудникида амалиётга жорий қилинган (Олмалиқ кон-металлургия комбинати АЖнинг 2025 йил 15 апрелдаги 04-25/61-00912 сонли маълумотномаси). Натижада, нимқаватларни қулатиб қазиб олиш тизимида бурғилаш-портлатиш ишларининг оптимал кўрсаткичларини танлаш орқали руда сифацизланиши 20,5% дан 18% га, ноўлчам руда бўлакларининг ҳосил бўлиши 15% дан 7,3% га, бурғилаш ишларининг меҳнат сарфи ва портловчи моддаларнинг солиштирма сарфи 5% гача камайиши имконини берган; 
бурғилаш-портлатиш ишларини ва қазиб олиш кўрсаткичларини ҳисобга олган ҳолда бурғилаш-портлатиш ишларини оптимал ўлчамларини танлаш усули “Олмалиқ кон-металлургия комбинати” АЖ га қарашли “Хондиза” рудникида амалиётга жорий қилинган (Олмалиқ кон-металлургия комбинати АЖнинг 2025 йил 15 апрелдаги 04-25/61-00912 сонли маълумотномаси). Натижада, қайд қилинган қазиб олиш кўрсаткичлари ҳар 1м3 қазиб олинган руда учун 65844 сўмгача иқтисодий самара олиш имконини берган.