Шомуродов Шавкат Махмуд ўғлининг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Мураккаб структурали олтинли руда конларини комбинациялашган усулда қазиб олишда содир бўладиган кон босимини бошқаришни такомиллаштириш», 04.00.17 – Кончиликда физик жараёнлар (техника фанлари).
Диссертация мавзуси рўйхатга олинган рақам: В2025.1.PhD/Т3067. 
Илмий раҳбар: Махмудов Дилмурод Рахматжонович, техника фанлари бўйича фалсафа доктори (PhD), доцент.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети, PhD.03/31.03.2023.Т.03.06.
Расмий оппонентлар: Нутфуллоев Гафур Субхонович, техника фанлари доктори, доцент; Хасанов Обид Абдуллаевич, техника фанлари бўйича фалсафа доктори (PhD), доцент.
Етакчи ташкилот: Қарши давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: мураккаб структурали руда конларини қазиб олишда содир бўладиган кон босимини бошқаришни  такомиллаштиришдан иборат.
III. Тадқиқотнинг илмий янгилиги:
мураккаб структурали руда конларининг тектоник тузилиши таъсирида кон массивининг деформацион ҳолати ва кучланишларнинг тақсимланиши узлукли тавсифга эга эканлиги аниқланган; 
рудани қазиб олишга тайёрлаш қаватлари орасида қолдирилган селикларга сиқувчи кучланишларнинг таʼсири равоқнинг ўртасига қараб ортиб бориши, максимал кучланиш қийматлари эса селикларнинг ўртасида унинг баландлиги бўйича ошиши аниқланган;
кон массивига горизонтал, вертикал ҳамда бўйлама сиқувчи кучланишлар тўлқинли кўринишда таъсир қилиши аниқланган ва СолидWоркс дастурий таъминоти негизида кон босимини назорат қилиш усули ишлаб чиқилган;
нимқават штрекларида рудани қулатиш ва қисман магазинлаш билан қазиб олиш тизими шароитида кон босимининг шаклланиш сабаблари асосланган ва уни бошқариш усули ишлаб чиқилган.
IV. Тадқиқот натижаларининг жорий қилиниши. Мураккаб геологик тузилишдаги руда конларини комбинациялашган усулда қазиб олишда юзага келадиган кон босимини бошқариш усулларини такомиллаштириш бўйича олинган илмий натижалар асосида:
экспериментал тадқиқотлар натижалари асосида СолидWоркс дастурий таъминоти ёрдамида ишлаб чиқилган, нимқават баландлиги 7 м ни ташкил этганда қисман магазинланган руда осиқ томон кон босимининг массивга тақсимланиш модели “Олмалиқ кон-металлургия комбинати” АЖнинг Самарчуқ конида жорий этилган (Олмалиқ КМК АЖнинг 2025 йил 15 апрелдаги 04-25/61-00914-сонли маълумотномаси). Натижада, нимқаватда рудани қисман магазинлаб комбинацияли қазиб олиш тизимининг оптимал параметрларини танлаш орқали тайёрлаш-қирқиш ишлари ҳажми, унга кетадиган вақт 5%га, материаллар 3%га ва энергия сарфи камайиши имконини берган;
таклиф этилаётган қаватни 7 метрли нимқаватларга бўлиш ва нимқаватли қулатиб қазиб олиш тизимида рудани қисман магазинлаб қазиб олиш яъни комбинациялашган тизимни қўллаш орқали ишлаб чиқилган кон босимини бошқариш услуби “Олмалиқ кон-металлургия комбинати” АЖнинг Самарчуқ конида жорий этилган (Олмалиқ КМК АЖнинг 2025 йил 15 апрелдаги 04-25/61-00914-сонли маълумотномаси). Натижада, селикларга тушадиган кон босимини қайта тақсимланиши орқали кон зарбаларининг олдини олиш ва тайёрлаш-қирқиш ишлари ҳажми 20% гача камайиш имконини берган.